今晚十點幾起身~
阿哥同我講...
老豆昨晚做o左d差d會上報紙o既野~
嘩~ 真係估唔到會發生d咁o既事~
起身之後~ 睇返神鵰...
呢一集~算係第一部o既完結篇...
下個星期冇得做lu~~
唉~~ 吊哂癮咁...
too bad~~
睇完...就準備出門口lu~
去中環行o左陣~
買o左件衫~
唉~好苦惱...
因為件衫有兩隻色~黑同深蝦肉色~
兩隻色都試過~
結果買o左深蝦肉色...
但諗諗下...黑色又好睇d~
不過...我又諗...
我會著黑色o既衫打底再著o係面~
所以...好似深蝦肉色又好似會好d~
到最後...都係決定唔拎去換~
安於現狀就算lu~~
哈哈~
之後再搭叮叮去銅鑼灣~
周圍行...行到好累...
去o左買皇后餅店o既麵包食~
又o係sogo買o左枝日版o既啤梨汁飲...
程程話...同宜家港版新出o既啤梨汁冇分別...
我就覺得港版o個d太人工化...
日版好味d~~~
另外~ 我o地都係食返昨晚o係百佳買o既零食~
其中一款檸檬軟糖好好味~
外面好似益力多味~
入面mix o左d細細粒o既檸檬軟糖~
唔洗一陣~就食哂全"同"lu~~
昨晚我o地睇演唱會o個陣~
程程食o左成盒麥提沙~
我就食o左一排朱古力...
加幾粒可樂檸檬軟糖~
哈哈~ 仲有一枝水...
咁程程今晚搭車返屋企o個陣~
竟然口痕食哂剩落黎o既糖~
哼! 肥死你呀~~!
五點幾六點...由於已經好累~
所以就決定去食麵~
食完就早d返屋企休息lu~
返到去~
都係六點半左右~
程程飲埋湯就走lu~~~
tony下午四點幾打黎比我~
話聖子宜家痴住唔知邊度o既小頭目~
識得d有錢鬼佬咁~
叫我搵定d貨o既資料比佢喎~~
我就覺得有d問題~
不過...老闆娘唔o係度~
我都要聽佢o既說話去做...
冇辦法啦...
沖涼前~
我做o左個好徹底o既mask~
好正呀~
沖完涼之後~
我諗起一個牌子...
記得自己曾經買o左一件衫~
但又諗唔起件衫係咩野樣~
於是~我就o係度搵啦~
搵o個陣~亦都順便執下個櫃~
結果執o左一大袋衫褲出黎~
全部都唔要o架啦~~
一來有d款out哂~
二來..真係著唔落...唉~
唔知係咪個櫃d衫太多太重..
掛衫o個枝棒都曲埋...
好危險~~
睇黎就黎負荷唔到~
隨時會"林"落黎~~
so~ 我將大部分d冷衫拎落黎~
摺好放o係下面...
宜家個架上面d位鬆o左~
希望唔會"林"落黎啦~~
我平時用開burberry個袋...
先頭覺得太大~
宜家...入面裝o左好多野~
成個垃圾袋咁~
猛咁比程程話我~
想拎個銀包出黎~ 都要搵一大餐先搵到~
返到屋企~
我o係佢面前執...
結果~ 執o左一細袋垃圾出黎~
哈哈~~
執衫o個陣~
阿媽放o左好多西裝衣架出黎~~
咁我就話拎一個比程程啦~
因為佢宜家就咁用買西裝o個度比o既衣架黎掛~
咁我見唔係咁好咁~
咪諗住拎個比佢掛西裝啦~
費事要特登去買過個嘛~
跟住阿媽出到黎~
同老豆講笑咁講...話...
你睇下啦~女生外向~
連衣架都鼠埋比人...
哈哈~~ 老豆跟住就作勢搶返個衣架~
話要比返兩舊水黎先~
哈哈~~唔係咁同我計呀嘛~~?! ^_^
咁神舟5號咪出o左套郵票o既~~
同程程講起...
阿媽問佢要唔要喎~
點知程程同我講~
佢老豆o個日三點幾先去買~
去到乜鬼都賣哂啦~
好彩~ 我阿媽買多套~
咁就可以比套佢啦~~
