12 July 2007 昨晚發冷...是發高燒的先兆... 今朝一早就去看醫生... 回公司做了些手尾...就回家休息了... 昨晚收到個sms... 迷迷糊糊...下午才回覆... 沒有問原因...既然你開到口... 我可以幫到...就幫...

10 July 2007 昨晚凌晨兩點先返到香港... 返公司放低d野... 返到屋企沖完涼...執下野... 成四點半左右先有得訓... 今朝獲得特許...可以晏d返工... 但都係差唔多十一點就返到去... 唉...一早就比人嘈醒... 想訓都訓唔返... 有時候...真係覺得冇野可以同你講... 所以你之後打返比我... 我第一句就真係要同你講"冇野好講"... 跟住就一貫作風...cut埋你線... 以前可以溝通o既方法唔多... 但宜家呢? 可以接觸到大家o既方式... 有msn, sms, e-mail, mail,電話, 見面... 係你o既問題定係我o既問題? 算啦~ 就當係我o既問題... 要解決o既問題...始終要解決o既... 今日有人問我想唔想要幸福? 想同可以得到...是兩回事... 如果幸福就在身邊... 那我能把握嗎? 你跟我之間的承諾.. 可以忘記了...

2 July 2007 這兩晚有足夠的休息... 精神跟心情不錯... 如果今天能夠放假... 我諗...就會更加好啦~ 假期的街道...人不多... 比平日過少... 差d以為今日其實係唔洗返工... 因為阿姨好晏先返... 我o地幾個無無聊聊o係度傾計... 食埋lunch...佢先返到黎... 基本上...今日真係冇乜mood做o野... 阿姨心情好... 所以...八點未夠就可以收工lu~ 放o左工...本來諗住去搵johnson剪頭髮... 但佢已經收o左工... 唯有去屋企附近求其搵間剪啦... 不過...幾間都收哂工... 好彩去到最後一間...仲未收... 咁就入去剪啦... 剪得都ok啦~ 因為都係冇乜變化... 仲可以點剪得好d呢? 哈哈~~ 返到屋企...三舅父佢o地黎o左打麻雀... 真係嚇o左一跳... 唉...係我冇得放假o者...人o地有o架嘛...-_-" 開電腦...上網... 終於都收到阿聰回覆o既e-mail~ 好開心...~~~ 真係好奇怪o架...今朝阿維晨早打比我... 因為佢o係澳門...冇來電顯示... 一開聲o既語氣...我先頭仲以為係阿聰打比我... 咁岩...今朝諗完佢...夜晚就收到佢o既回覆~ 今朝呢一個電話...我覺得有d怪... 過o左我可以接受o既程度... 如果係當我係朋友... 就算有其他朋友or女朋友o係身邊都會打比我o既話... 我諗我會舒服d... 但你竟然講到明你係冇人o係身邊o既時候打比我~ 我會覺得怪... 打比朋友o者...唔洗咁避忌呀嘛... 算啦~ 可能係我諗多o左... 夜晚打比你...你界到手... 下次買定懶惰熊o既膠布比你~ 睇下你敢唔敢貼?!^o^ 記住你應承我... 你第一次去海洋公園睇盈盈樂樂身邊o既人... 一定要係我... 如果唔係...我對你o既咀咒...就會一一實現o架啦~ 哈哈~ 問你怕未?

1 July 2007 這幾天...放鬆了心情... 是件好事吧... 咳了幾天, 未完全復原... 但好了很多... 七月一日...十週年回歸... 最開心是在電視上看到盈盈樂樂... 今天也穿上早前買的panada 的tee~ 賀一賀~哈哈~ 不知道何時可以去探佢o地呢... 前幾天發了個夢之後... 有些特別的感覺... 很久沒有這種感覺... 不知能持續多少天... 回家的路上... 在地上執到一份幼稚園的底片... 本來諗住扮睇唔到...行過就算... 可能主人返轉頭搵呢... 不過...都係忍唔住... 我執o左返屋企...上網search間幼稚園o既地址... 入落信封...寄返去... 我時常說看了很多次notting hill... 我想...真的看了約三十次... 我決定用記住...計埋今次...睇o左三十一次... 就睇下我有生之年... 可以睇幾多次~ 哈哈~ 如果有機會去渡蜜月... 我希望會去呢個地方... 對我的信任...出於什麼呢? 對我的要求...你會去滿足... 出於什麼呢? 一直都想問...... 忽冷忽熱...其實你應該意會到... 不想談...是為你好... 上星期日和yan去了赤柱渡過一個下午... 吹了海風...說了心底話... 吹醒了你嗎? 不論怎樣...要堅持到底!! 愛情...是執著的.

22 June 2007 昨日去屈臣氏交電話費... 當我排緊隊o既時候... 後面個男人大大聲咁講o野... 因為佢個老婆諗住買水... 咁側邊有兩款唔同大細o既水... 只係差幾毫子... 咁佢老婆就買o左兩枝細o既水... 跟住個男人就話: 你傻o架, 買一枝大o既好過啦... 老婆: 咁一人一枝丫嘛... 之後...個老婆見到雪櫃入面有綠茶... 老婆: 不如買綠茶... 男人: 你都唔飲... 女人: 你飲丫嘛... 男人: 枝綠茶八個幾一枝...咁貴...我都唔口渴... 我真係諗...如果我男友or老公係咁o既話就死火囉... 咁鬼死小家... 所以...搵男朋友o既條件之一... 就係要大大方方... 婆婆媽媽真係no way 囉~ 老闆娘今日病o左...病到冇返工... 真係好離奇... 所以七點左右我o地就收工走人lu~ 天都未黑就收得工...心情都特別好... 星期日同端午節o個陣... 周圍去揀生日禮物比阿輝... 心目中都已經有所決定... 所以...今日再兜多個圈... 揀清楚要咩野顏色岩佢...就搞掂lu~ 希望我o既決定冇錯啦~ 哈哈~ 羊咩咩聽日生日... 佢呢排得閒無聊都send sms同我講早晨... 同女朋友唔開心先搵我多d... 呢種感覺唔多好囉... 就算你聽日生日...我都唔會send sms比你or打比你... 因為我記得你o係我生日做過d乜... 哈哈~ 女人...真係唔得罪得~ 知冇?! 上個月fair 結束當晚... 安哥貪玩將一個用膠紙卷埋o既波"省"中我心口... 都好"應"下...痛o左一排... 今日案件重演...不過今次o既位置係背脊雞翼位... 郁唔會痛...但係"禁"落去都會痛囉... 唉.... 喉嚨有d怪...唔知係咪交差感染呢...-_-" 定係...未習慣呢?!

20 June 2007 要去捉摸一個人的心態, 其實相當難... 甚至...其實想知道自己想點...都一樣唔易... 今晚放工返到屋企... 睇到八點幾播o個套劇集... 講伍詠薇比人抄o左... 佢話咁膊為公司,冇朋友, 冇親情, 冇朋友... 到最後乜都冇... 昨晚突然好掛住d貓... send o左個sms比你... 想你拎返比我... 我好擔心你會掉o左... 好彩你今日覆返我話星期六拎比我... 好多謝你! 我諗我得到返d貓... 算係我近來最大o既心靈安慰... 幾年前戒掉的習慣... 最近又再次染上... 沒有藉口... 是明知故犯的... 睡不好...心情不好... 工作壓力大... 我實在不知道能夠捱到什麼時候呢...

13 June 2007 七月一日開始... 電視將會有一個"熊貓台"o既頻道... 播放住o係海洋公園o既安安佳佳盈盈樂樂o既起居生活... 哈哈~ 咁咪即係好似"魚樂無窮"咁~~ 幾得意喎~~^^~ 給你的話:- 學懂亙相信任... 關係才能長久下去... 其實已萌去意... 不是不能吃苦... 只是身體上跟精神上都不能夠負擔的時候... 我想唯有離開一下... 才能回覆原來的我...

4 June 2007 - v2 思念您...

4 June 2007 我唔係一個update o既人... 宜家興緊o既歌, 可能我半年後先至聽... 又可以話... 只要首歌o既歌詞同旋律好聽...感動到我... 我並唔介意佢係邊個唱...有冇唱到走首... 同埋首歌有幾舊囉... 好耐冇特登走去買碟... 因為download歌實在太容易啦... 我昨日一心諗住去買返周杰倫隻依然范特西... 主要係聽"心雨"同"白色風車"... 買o左返黎之後...不斷係咁聽... 一邊訓...一邊聽...不斷咁喊... 冇乜原因咁喊...總之想喊... 過了fair...辛苦了一個月... 昨日總算係休息夠了... 今日精神可以話係幾好... 個樣殘o左...就冇咁易好得返o架啦... 不過最幣係...條頸梗o左囉...唉... 好鬼痛呀! -_- 行街o既時候...我見到我自己... 點解我咁講呢... 首先...我o係地鐵站見到一對情侶... 佢o地拉拉扯扯... 跟住...再o係商場入面o既欄杆度... 有對情侶o係度談判緊... 我見到...覺得呢d情形都好熟悉... 因為我以前都會係咁... 如果唔開心...都唔好o係街度拉拉扯扯... 如果唔開心...都唔好o係街度談判... 應該有更好的方法去解決...對嗎? 我同我自己講...... 我決意唔會再比呢d情況發生o係我身上...

26 May 2007 昨日終於都收到了panada... 如果panada是一個人...有多好...?

6 May 2007 - v3 對於我o黎講... 我好少會嬲人... 今次我真係嬲到去delete埋呢個人o既電話... 可想而知...我有幾嬲... 唉...真係好心淡囉.... 做朋友做到咁...我真係睇錯o左你...

6 May 2007 - v2 出賣... 多謝你出賣我... 謝謝!

6 May 2007 有時...真的想多了... 昨晚是近呢個月以黎...第一次訓唔著... 唔知搞乜鬼... 可能又係因為"星期日"o既關係o掛... 昨日媽咪同我講... 十一月左右打了一個電話給阿程... 媽咪算係一個直腸直肚唔識講大話o既人... 所以佢隔o左咁耐先講出黎... 佢都算忍得好辛苦o架啦~ 哈哈~ 到目前為止...佢仲係想知道我o地做乜分開... 其實真係咁重要咩? 至於捨唔捨得呢個問題... 媽咪問佢o個陣...佢答佢都唔捨得... o個一下聽到...都有d感動... 不過...諗深一層...咁緊係答"唔捨得"... 唔通答"捨得"咩~?!~ 所以...聽過咪算囉... 玲玲昨日病到返唔到工...好嚴重咁... 不過我絕對唔會心軟... 失戀還失戀... 唔好次次都將我對你o既安慰... 諗得太多o野... 所以我寧願講清楚比你聽... 都唔想你再誤會落去... 我想繼續可以同你好開心咁傾計... 鐘意講乜就講乜... 係出於朋友之間o既信任... 如果諗多o左...我會唔自在囉... 哈哈~ 湊你病...囉你命...咪就係我呢d人囉~~~ 對自己不喜歡的人...總是要"狠"一點吧... 今晚到你病...搞乜野呀...? 早d休息~ 快d好返啦... 不過去旅行前...實好返哂啦~ 唔洗怕~~~記得要帶埋懶惰熊去呀!!!! 昨晚你唔開心...打比我... 在你打比我之前...有冇諗過我o既感受...? 我用盡我的力量...去安慰你... 結果...到最後...誰可以安慰我?!

3 May 2007 今晚心情唔好...好似好耐冇喊過... 終於都喊o左出黎...好似舒服d... 沖涼o既時候...諗起"享受生活"呢樣野... 我每日做o既野...都好似唔涉及"enjoy"呢樣野... 我開始討厭一個人夜晚食飯... 所以每一晚都食得好快... 減低呢種討厭感覺... 就連沖涼...都因為熱水爐的熱水只能維持十五分鐘... 所以有時想好好咁比d水淋下自己...都唔得... 我想有返自己o既生活... 我唔想將我o既時間都放哂o係工作上... 我唔想每一晚都係做完野好累返屋企... 返到屋企...仲要掛住公司野... 星期日o既假期, 如果訓得太晏... 會變得奢侈... 去街去得太晏...又會影響星期一返工o既精神... 我...其實仲可以點...? 夠啦!!! 夠啦!!!!

2 May 2007 都係唔好搞咁多野啦...

30 April 2007 星期五早上搭早機去北京... 昨天回來了... 很累...很累... 工作量及工作時間...真的可能過多了... 找到新工作~ 恭喜您~~ 要加油啊~~ -------------------------------------- 要戀愛便要加倍祝賀 誰也知道當中眼淚笑聲混和 寧被刀傷 不要自憐一個 任笑聲很少眼淚太多 我跟你絕對不配星座 而兩手捉不到岸也想渡河 寧願一起使節日時好過 就算一週中 數日痛楚 為你哭 為你哭也是節目 若晚間 無人伴我 每日仍繁忙卻為何 若有福 做你的最後節目 若我可仍提及你 生日時 歡聚時 至少有一些祝福 我想我未至於最不幸 還有些咀巴凍壞已封著塵 寧願犧牲 不要未嚐一吻 就算呼吸都壓著太緊 生病時 失落時 至少有一碗稀粥 ------------------------------------- 今晚電視播起"感激我遇見"... 一聽...毛管也豎起了... 好touching... 其實我並沒有擁有過什麼... 即是說...我沒有失去過什麼... 過程...開心過便算了...

17 April 2007 做人...的確需要學習一些說話技巧... 不是要去討好別人... 而是...有些說話... 是可以讓別人聽起來舒服點的... 就像是一種禮貌... 是一種表現尊重的方式... 昨晚有點不舒服... 所以很早便休息... 十二點幾...迷迷糊糊的接了你的電話... 今早醒來, 有點印象... 記得自己說過一些話... 不應該說得...應該沒有說吧... 返工出門口...決定打電話給你... 氣氛是可以的... 所以放工的時候...也打了給你... 其實諗深一層...我真的沒有必要打電話給您... 還是靜靜的生活下去吧...

13 April 2007 - v2 今朝電話鬧鐘響... 第一個反應係...點解今日仲係星期五o架... 聽日先星期六...唉...仲要返工... 原來...連續返兩個星期工... 一日假都冇得放...真係好痛苦... 我唔係懶...只係我會覺得... 一個人夠唔夠精神... 同佢做出o黎o既o野好唔好... 會成正比囉... 可能平時都做得好... 不過~ 其實可以更好囉...

13 April 2007 今天早上... 媽媽跟我說起一個小學同學的消息... 她住在我家附近, 以前放學的時候... 爸爸會接我放學...她會跟我們一起走回家的路.. 雖然不是跟她同班, 但我會經常到她家裡玩... 因為我媽媽跟她媽媽是雀友呢~ 哈哈~ 我很喜歡到她的家, 因為樓底高... 所以有一個閣仔, 閣仔有兩間房... 那裡是我們的小天地... 下面那個大天地...大人都在打麻雀... 我記得我們曾經在那裡一齊織頸巾... 冷線是紅色的... 當時不懂怎樣織...漏了很多針... 結果越織越窄.. 今日整天都想著她... 有點可惜我們小學畢業後就沒有聯絡... 媽媽說她剛從外國讀完了設計碩士回來... 要辦簽證的事...所以暫時在香港... 還在我們家附近做兼職... 我在想...我星期日去找她... 見到她的時候...交給她我的電郵... 然後我們會再聯絡...重新開始我們的友誼... 但...會像從前嗎?

10 April 2007 - v2 終於回來了... 旅途愉快嗎? -------------------- 親人的離開...傷心是會的... 我不知道應該怎樣安慰您... 如果你看到的話... 我希望你會快點回復心情...

10 April 2007 不知道是否因為再次重投寫日記的懷抱... 所以想多了很多東西... 這次...能維持多久呢? 下午...你打電話給我... 我沒有聽... 放工後...覆了電話給你... 沒有什麼特別要說... 你說你那一刻想起我...所以打電話給我... 敷衍說了幾句...我就想要收線了... 我不再想跟你說... 就算是朋友間的閒談... 我也不想了... 想念一個人...不一定要讓對方知道... 對嗎?

9 April 2007 如果我是一個鐵人... 但願我也鐵了心... 因為拍賣的關係... 一下子所有人都一起來香港... 十分忙碌... 昨晚凌晨兩點多才回家... 今早如常上班... 精神上...其實都是受得住的... 面色...反而比之前沒有那麼忙碌的時候還要好... 真奇怪.... 貪一時之快...昨日喝了口熱茶... 以為是暖的...結果...舌頭燙傷了... 整天吃東西, 喝東西的時間... 感覺都很不舒服... 說起不舒服... 契女又病o左... 同上次一樣... 都係上吐下瀉... 每個父母親...想孩子健健康康...快高長大...聽教聽話... 原來...是最基本...但又最難做到... 為何當初話得投機的人... 到後來...會變得話不投機? 其實是我的問題嗎? 不過...現在還重要嗎?...

7 April 2007 可能不太習慣和別人有較親密的接觸... 所以一些動作...對於別人來說...是很普通.. 但在於我來說...卻令我有點不自在... 或許是想多了...所以...我有點擔心... 我喜歡了這種感覺... 同性相拒...異性相吸?

4 April 2007 今日o係車度聽到"白色風車"... 跟住之後都掛住呢首歌... 但返到屋企...搵唔到隻碟... 好唔開心.... 唯有聽住"黑色幽默"頂住檔先啦... 今晚唔知講o左d乜野... 阿怡擁抱了我一下...以示謝意... 令我...再一次好掛住好掛住比人攬住o既感覺... 丫~ 對上一次~ 我仲好記得... 因為新年...阿東也擁抱了一下... 這兩姐弟...竟然帶給我這份感覺...有點怪... 不其然...令我傷感起來... 但我告訴自己我並不是寂寞, 是要去習慣... 龔如心昨日過身了... 有錢又怎樣...? 也是沒有命享... 世事無常...是真的!! 本來...有好多事...已經唔關我事... 但我實在忍不住去看, 去了解, 去知道... 有時知道你在努力上進...我會為你開心... 不過...現在又知道你在亂搞東西...去玩... 我開始為你擔心... 希望你生性...做應該做o既事啦...

3 April 2007 - v2 如果你係有野想講... 你會用盡所有方法...以不同的方式去話比我聽... 但你冇咁做... 咁你又可以問下自己...究竟自己想點?

3 April 2007 到最後...你原來係掛住多多而唔係我... 咁我係咪應該知點做呢?

2 April 2007 直覺告訴我... 一句"生日快樂"引起您身邊人的注意... 其實我沒有特別意思... 希望不會令您身邊的人有所誤會... 本來我有去追根究底的心... 打錯電話的機會率...怎會偏偏在今天提高了? 不過還是算吧! 讓事情變得複雜...對自己也沒有任何意義呢~ 從北京回來後... 想要過更平靜的生活... 往後的兩個月應該會很忙... 真的要好好休息... 遲來的電話...再打來...也是徒然... 不要找我...不要傳訊息給我... 我不會聽, 也不會覆... 由得我...

31 March 2007 契女入了醫院幾天了... 今晚才去探望她... 因為感冒菌入了腸... 上肚下瀉... 醫生不准她吃東西兩天... 真可憐呢... 看回前兩天的相片... 她的病樣...心痛死了... 好彩今晚很精靈活潑...表情多多... 明天應該能夠出院了~

4 March 2007 生日快樂!

24 February 2007 還有一個星期便到我生日... 是一個快樂的日子? 是一個傷心的日子? 廿五歲了...一個不能夠再說自己還小的年齡... 是時候作一個決定了!

15 February 2007 其實是因為寂寞嗎? 過了情人節這個關口... 突然...醒覺過來... 突然...沒有了那份心情... 就正如之前自己常常掛在口邊的一樣... 喜歡與不喜歡...都只要在乎一秒... 在可以考慮的條件和各種因素影響下... 我覺得...維持現狀...是最好的選擇... 沒有認真去處理好自己的情緒或情感... 是不負責任的... 而令事情有所發展...往往又是自己... 所以...真的不應該再繼續下去了... 對不起... 我太放肆了... 這種被愛的感覺... 實在太令人沉迷... 是時候清醒了.... ------------------------------------------- 因為太耐沒有update的關係... 在update之前... 就走返去睇下自己個日記o既file name... 諗住搵返出黎再upload上去... 順手...我click入去guestbook睇... 雖然~ 我係抱住唔會有人留言比我o既心態click入去~ 但結果...竟然有人留言... 留o左個web site... 我唔知你係幾時留呢個言比我... 但我睇完之後...發現o左d令我意想不到的事... is it the way you want to show me your history...?

26 October 2006 整個星期都keep住好累o既狀態... 同你都keep住好差o既關係... 唉...... 精神好緊張...搞到有d不尋常o既事發生... 好恐怖... 呢排...我諗我比人o既感覺都好負面... 開始計較...自私自利... 我要好好咁反醒下先得啦... 唔可以再係咁落去...-_-"

20 October 2006 在兩個選擇入面... 我只能選擇一個... 你們各有優點...各有缺點... 可是總有一個會佔有重一點的位置吧... 我真的很感謝你對我的心意... 我沒有選擇你...並不是你不好... 只是...我心入面總會覺得怪怪的... 我知道有一個人...我是永遠取代不到... 我是可以肯定的. 對不起...我沒有直接跟你說...

19 October 2006 我知道你累了...

18 October 2006 能夠開心地跟你聊一個晚上... 是十分難得的事... 今晚媽咪問我是否跟阿程好返...? 哈~ 真好笑... 到這一刻為止...我可以肯定... 這一個機會率等於零!

15 October 2006 今晚去o左bbq...感覺上有d悶... 太多一雙一對的地方... 還是不太適合現在的我吧... 在長途的車程上...如果有人讓你靠著... 原來是很幸福... 但我暫時仍未能享有這種幸福...

14 October 2006 終於都有時間去處理好銀行上的事... 應該取消的...終於都取消了... 實在太好啦... 現在...還欠一件事....便可以正式劃上句號... 雖然...時間是長了一點... 不過...我已經在盡力了... 今日看專欄... 愛情由什麼開始...? 作者說...愛情是由好奇心開始... 我好奇心不太強... 對愛情有影響嗎?

13 October 2006 今日係黑色星期五... 除o左我昨晚同你提過之外... 今日完全冇聽人提起過... 即係...黑色星期五...其實都唔黑丫... 只係d人為自己發生不幸o既事而搵個藉口o者... 今晚沖完涼出黎之後... o係msn度叫你... 點知...你細妹話你已經訓o左覺lu... 哎呀...有d尷尬tim... 因為太多sms o既關係... 我要delete返一d舊o既先可以睇到新d新o既... 所以...有時懶...都冇走去delete... 結果~ 到我得閒先睇到o既時候... 往往都已經隔o左好耐... 原來...你昨晚去過傾野... 我一d都唔知...你冇特別向我提起... 只係send過sms話比我聽... 心入面...有種內疚o既感覺... 你今日d sms...好窩心...

12 October 2006 不經不覺...單身的日子都過了七個月左右... 多謝你陪我...多謝你愛我... 不過...還能愛多久...? 所以...只能...停在呢一個階段... 我知你對我好...你知我對你好... 是否已經就夠...?

11 October 2006 呢個笑話終於都爆了出來... 唉...有排冇好日子過... 實有排笑...~

10 October 2006 雖然是粗心大意了... 可是...有這樣的心意...其實已經足夠... 口在罵...心在甜... 近來...好像有點角色轉換... 之前...我覺得我對你好一點... 現在...我覺得你對我好一點... 心...好像沒有從前般熾烈了...

6 October 2006 到目前為止...你是第一個親手整燈籠給我的人... 我實在不習慣...有點受寵若驚... 而且這個燈籠一點也不普通... 真係好感動好感動... 還有...圓圓的月亮... 讓我覺得很幸福... 我永遠會記得... 多謝您!