今朝十點幾起o左身~
洗面刷牙食早餐之後...
就做o左個mask~
搞下呢樣~整下o個樣...
到十二點幾...
程程就"渣"o左公司架車o係樓下接我lu~
今日我紮o左4執紮仔...
都好耐冇紮呢個頭lu~
成個人望落去都精神d~
本來諗住去剪頭髮o既~
不過我預唔到時間...
唔知剪幾耐...
費事要程程等啦...
程程今朝同輝輝老爺同kinki食早餐呀~~
輝輝同kinki一齊~...緊係顯得好老啦~
哈哈~~
程程話kinki冇咩出聲...可能怕羞啦~
不過程程話eva主動好多~
我就點都係鐘意"四月"~
無論係年齡~樣貌~人品...
都同輝輝好合襯...
而且作為一個好o既情人...
應該係可以令對方向好o個方面改善~
例如輝輝同四月一齊...
輝輝唔會食煙咁...
同埋...輝輝咁多個女朋友之中...
只係得四月唔食煙...
但程程就覺得eva最好...
我未見過佢...冇得講啦...
咁我亦未見過kinki真人...
都下唔到定論住...
程程同佢o地食完早餐...
見冇野做...
就順便車埋輝輝同kinki去銅鑼灣返工~
放低佢o地之後做埋d野就黎接我啦...
架車已經噴o左新o既顏色~
黃色底~紅色字...
真唔掂...
跟住程程想去toilet~
咁我就叫佢兜落老豆舖頭去啦~
點知去到...老豆同阿媽已經落哂閘...
準備去深圳啦...
咁我又冇帶公司鎖匙~
程程唯有周圍搵廁所啦...
最後兜到去港外線碼頭~
又兜錯路喎~
結果搵到位停車...
就o係碼頭周圍搵廁所啦...
我就坐o係架車度等佢...
之後輝輝打電話黎~
問我o地o係邊...
佢緊係想我o地接埋佢啦~~
咁程程就去銅鑼灣接返佢...
送佢去旺角再轉車返屋企啦...
輝輝年尾應該會籌備結婚...
我當然開心啦...
不過始終覺得kinki咁細...
未定性...有d危險~
但輝輝已經到o左適婚年齡~
係時候結婚o架啦...
哈哈~~
差唔多時間~程程就放低我o係地鐵站...
佢就返公司做埋d手尾...
咁我無聊冇野做...就o係ok便利店行...
見到man's 出o左咖啡味o既百力滋~
緊係買黎食下啦...
都係原味好味d...
咖啡味甜得滯...
反而原味o既朱古力苦苦o地...先正~~
過o左一陣~程程就黎到地鐵站搵我~
我o地跟住去又一城...
終於都買到bb o個枝桃味o者喱飲品...
成14蚊一枝~ 都好貴下...
但個樽真係好靚...
點都要買返枝~~
去kfc食lunch~
都好耐冇食過lu~
不過怕肥...所以d炸雞皮都"meet"出黎~
比程程食~哈哈~~ 等佢肥d~~
我連我最鐘意食o既"巴辣香雞翼"都冇食~
都算忍得口o架啦...
行到五點左右~
我o地就搭車去旺角...
o個架車係行循環線黎o架~
去完旺角會兜去尖咀再去返旺角咁...
咁搭去旺角其實只係幾個站~
好快就到...
但我同程程都好累...
而且覺得搭幾個站要七蚊咁貴~
我o地就決定第一次經旺角唔落車~
搭埋去尖咀再兜返去旺角先落...
哈哈~~ 咁樣就唔洗咁蝕啦~~
又可以休息下...
橫掂我o地有o既係時間...
差唔到都搭o左八九個字車...
程程o係度訓覺...
我就"恰"下醒下咁...
叉完電...程程都冇咁累...精神返d~
我去睇波鞋...搵下有冇pestro款...
搵到幾間都有...
並唔係想像中咁少款...
但係...我揀唔到呀~~
一來我唔想買咁貴....
始終係舊款嘛~
如果用同樣o既價錢買到新款o既波鞋~
咁緊係買對新款o架啦~
不過~~我又真係好鐘意著開o既pestro款喎~~
(我份人係比較長情...哈哈~~)
我o地差唔多睇o左一個鐘~
程程比我激死~
我最後都係決定唔買住...
唉....
跟住去o左味千等位食麵...
o個個經理...
全程o係度鬧一個新黎o既女仔~
我真係睇唔過眼囉~
個經理係咁鬧個女仔~
但個女仔仲笑笑口咁...
不過我見佢眼有少少淚光咁囉...
d麵送黎o個陣~
我特登問個waitress o個個係老闆定係經理~
個waitress話係經理黎~
我個心諗...你係經理o者~又唔係老闆~
咁樣鬧人好過份o者~
雖然我聽唔到佢鬧乜~
但我每一次望個經理~
佢差唔多次次都係鬧緊o個個女仔~
太過份囉~~
食完出門口...我問o個個女仔個經理叫咩名~
個女仔話: 唔好意思~我新黎o架~唔係咁清楚~
冇個經理個名唔緊要~
我自有方法去搵~
我點都要幫呢個女仔出返啖氣~
我覺得...就算係鬧~
都係應該落o左場先鬧~
o係咁多客面前鬧佢...
只會破壞公司形象~
影響食客o既心情...
最衰o既係~個經理完全冇笑容~
個樣惡到死~
有咩資格鬧人...
宜家咁樣o既服務態度點得o架~
將鬧員工下屬o既態度轉架黎服務客人~
超級唔掂...
諗深一層...我驚我去投訴o既話...
分分鐘會令到個女仔冇o左份工~
始終一間舖頭~如果冇老闆o係度~
最大o既權力都係o係個經理度~
如果上頭接到投訴...壓落個經理度~
個經理可能會鬧得佢仲勁...
而且~ 要令佢冇o左份工...容乜易丫~
欲加之罪...何患無詞...
所以...
我只會針對個經理態度差o既問題黎投訴...
程程話我係個有正義感o既人...
總之我認為岩o既野~會力爭到底...
加上...我又係一個得閒冇事做o既人...
所以寧得罪小人勿得罪我...
哈哈~~
搭104去金鐘...再搭23號返屋企~
食完糖水~程程就走lu~~
今日1號風球"天鵝"襲港~
哈哈~~~ 掛高d風球就好lu~
真係好想放假呢~~~
