昨晚睇書o個陣...
十二點幾...有隻野飛黎飛去...
嚇死...
今朝起身~ 無無聊聊...
諗下有咩好做啦...
因為程程今日要返工嘛...
到兩點幾...終於決定去剪頭髮...
我想有一個新髮型~
唔想個頭再咁悶...
於是...去o左阿哥個friend阿joe度剪...
佢間野其實o係我屋企附近~
阿哥中學o個時已經搵佢剪頭髮~
而且剪o左好幾個經典o既髮型~
仲搞到當時阿哥要停學tim...
雖然唔係好捨得掉幾舊水去剪頭髮...
但係...夏天大熱天時...
下下吹頭都吹成半個鐘以上...
岩岩沖完涼都搞到出哂汗啦...
用凍風吹又有排乾...
用熱風又熱...
所以...真係想剪短d...
冒求將吹頭o既時間縮短d...
同埋清爽d~
由兩點半...一直到六點幾先走得...
阿joe真係剪得好細心...
剪o左成兩個半鐘...剩返d時間...
個幾鐘先用黎做color treatment~
不過呢個color treatment就有d麻煩...
唔同染髮...
但係有染髮效果...d顏色大約keep到一個月...
而且...日日都會甩色...
阿joe千叮萬囑叫我用紅色毛巾黎抹乾個頭...
如果用淺色毛巾o既話...
就會甩哂d色落去...
洗都麻煩...
埋單...510蚊...
都差唔多啦...
最緊要有個新形象嘛~~ ^_^
宜家真係好舒服~個頭輕o左咁...
而且唔洗為o左將d頭髮keep住負離子o既效果...
吹到d頭髮直哂咁...
宜家只係需要求其吹乾就得lu~~~
食飯o個陣...
我發現唔見哂d"三味蛋"~
就問阿媽去哂邊...
阿媽面有難色...話食哂喎...
我話..."下~你o地三個人食哂四隻蛋咁多?"
跟住我老豆話..."掉哂呀~ 食完成晚頂住...好滯"~
我話..."下~有冇搞錯呀~我一隻都未食過就掉哂~"
之後...我都冇再出聲...
齋夾菜食...拿拿臨"扒"哂d飯就算...
阿媽就話...阿妹~你唔食呢碟"食送"~
我老豆就話...佢都嬲到死啦...
跟住一直咁望住我...(發嬲)~
我都係照樣冇出聲...
老豆跟住就發惡...洗唔洗即刻去台灣買返d蛋比你呀~
跟住仲癲...話要掉哂程程媽咪帶過黎o既野食...
衝去雪櫃拎d牛肉乾~豬肉乾出黎...
不過比我阿媽"禁"住...
最後都冇掉到...
阿哥即刻示意叫我返入房先...
我o係整件事上...都冇出聲...
平時佢鬧我...我駁返佢...
就話比佢鬧得抵o者...
但今次我都已經冇出聲啦...
咁都要比佢鬧~
我覺得好委屈囉...
仲有~ 程程一心諗住比我試下...
你自己食o左頂住...
係你自己o既問題...
冇理由問都唔問一聲就掉o左...
阿哥後尾入黎房...同我傾...
話阿爸呢排唔知點解...係有d火...
阿媽都覺得係...
我就真係想知...
佢有火就要鬧我...
我有火係咪可以鬧佢呀~~
佢就可以有佢o既感覺...
我就唔可以有...
佢唔開心...有野屈住...就得~
我有唔開心...唔出聲...
佢就話我比面色佢睇~
程程打黎...我喊緊...
於是轉頭再覆佢...
跟住再同佢講番件事...
佢就話...最衰係我啦...
唔帶d野過黎就冇事啦...
你唔好唔開心啦...
最多我比你鬧返啦...
跟住知我鬧親交...
都唔會出去睇電視...
佢就話買部手提電視機比我...
等我唔洗冇電視睇...
唉...
聽到呢d說話...
我諗起我對佢係幾咁呵刻...
而佢對我係有幾好...
最好笑係...
佢知我真係想試下d"三味蛋"~
佢o係屋企拎o左隻蛋...
收埋留返星期三比我食...
佢話...今次唔會好似細個咁...
將d饅頭放o係櫃筒...
搞到d饅頭乾哂...
哈哈~~
