昨晚...我見d指甲油甩甩o地~
就抹甩哂...重新搽過新~
咁我見買o左枝深紫色o既指甲油...
都冇乜搽過...
咁就搽啦...
搽o左一隻手...阿爸話我似巫婆...
於是`我又抹返甩...
再搽返銀色...諗住正常d~
點知...又可能太耐冇用~
d指甲油好"傑"咁...
搽o左上手又唔係好靚...
於是~ 我又再抹返甩...
最終...都係搽返平時搽開o個隻珍珠紫色算...
昨晚~同程程又鬧交~
又分手咁滯...
最後...都係冇事...
佢話佢呢排好多野煩~
跟住我就同佢分析~
主要...都係公司d野~~
不過我覺得好無謂囉~
因為有d野係佢控制唔到o架嘛...
唉...
到成十二點幾...先訓覺...
好累呢...
今朝都唔想起身...
去o左郵局先返公司~
而我今個星期第一次洗o既錢~
就係去郵局寄呢五個二野~
真係好利害~
由星期一為止...我竟然可以洗5.2咁少~
真係奇蹟黎...
返到舖頭...冇野做係慣事~
到十一點幾...
有兩個人黎收o左d貨~
成間舖頭都鬆動哂...
我即時拎部吸塵機黎吸塵...
可能岩岩清洗過部吸塵機~
所以d吸力好強~
吸到好乾淨呢~~~
唉~又落雨~
我即刻拎o左塊地毯去舖住雲石...
以免"滑"親人...
實在太悶啦~
上網去返881903度續返會~
聽返d舊o既節目/廣播劇...
另外~仲有一個特別原因~
就係想比返程程聽"大女人"o個集野~
等佢身同感受下...
哈哈~~
而且~如果今日同聽日都唔聽o既話...
上網就冇得聽返o架啦..
佢放o左工...話搭巴士過黎~
點知佢搭過龍...訓著o左~
去到金鐘先醒~
於是...佢就再搭26號巴士黎~
先頭...佢搭巴士~
係諗住慳返d錢...
搭地鐵過黎會貴d嘛...
結果~宜家加埋d搭車錢~
仲貴過搭地鐵~
哈哈~~
黎到~我比佢上網聽收音機...
果然佢身同感受...
猛咁話變態~
哈哈~
另外~佢一邊玩yahoo game o既美式桌球~
到六點幾...
就收工過對面搭巴士落銅鑼灣lu~
落o左車~
等緊過馬路o個陣~
阿wing見到我就叫我啦~
下午o個陣icq先話好耐冇見過...
又會咁快見到...咁岩o既~~ ^_^
我諗住去f.c.k買衫~
有coupon有折...
咁我就比o左張阿wing~
轉個頭~又o係f.c.k見到佢~
哈哈~~
程程先頭揀o左對鞋...
我就揀o左件衫...
不過冇哂中碼...
於是就揀o左第二件~
程程諗諗下...覺得對鞋o係旺角買會好d~
因為多d顏色揀嘛~
去到cashier...咁我就放低話唔要...
程程話求其放埋一邊算啦...
但我就覺得唔係咁好囉...
咁明顯...咁肉酸...
跟我後面有個女仔...
佢見我有member card~
就問我可唔可以幫佢比~
我就緊係冇問題啦...
正所謂舉手之勞o者~~
去上面食pizza~
今次岩岩好...
不過有d比人呃o既感覺囉~
因為明明有餐叫~
但係個waiter冇比o個張餐牌我o地~
too bad~~
感覺上...食餐點都平d嘛~~
哈哈~~
食完野~就去city super買d野~
再去sasa買o左d立雜野就返屋企lu~
返到去~老豆阿媽已經訓o左覺~
見我返黎就起身叫我飲湯...
飲埋湯...真係好飽好飽呢~
