今日阿媽拎o左份保險比我睇~
我覺得我本身已經有一份...
咩都保哂...
根本唔需要買多份~
而佢叫我買多份o既目的~
無非都係想我儲錢~
所以...經我計算下...
如果我將d錢放落份保險~
十五年可以拎返d錢...
係比起我自己拎相同錢出黎儲...
係少一倍~
即係話...15年後...保險可以拎返5萬出黎~
而我自己儲...15年後...就有十萬~
o係咁o既理據情形之下...
阿媽又覺得我岩...
所以...
阿媽叫我每個月比多三百蚊佢幫我儲起...
直到我結婚為止...
不過...其實每個月點止儲三百蚊咁少丫...
我自己都會儲另外一份...
如果靠每個月儲300蚊...就死得人多lu...
下午實行一不做...二不休...
橫掂銀行都唔夠錢~
要收手續費...
而sisi下午帶o左佢細佬黎~
佢細佬要用錢~
所以...我又去拎o左五百蚊比佢...
程程今日放假~
我都費事叫佢咁早黎~
叫佢五點幾先黎到都未遲~
點知...佢黎到...
sisi同埋個行家~
仲有以後舊舖隔離間咖啡店個jacky黎o左...
咁我唯有叫程程去食糖水...
食完...佢去o左打機...
到收工先上返黎...
我o地夜晚去o左銅鑼灣~
打電話比輝輝老爺~~
去o左d餐廳仔度食野~
我依然都係食"焗肉醬意粉"~
哈哈~
我諗我真係冒求食"雲"全港餐廳o既肉醬意粉為止~
唔知點解...我好鐘意食紅色o既野多d...
例如飲湯咁...有紅湯同白湯...我會飲紅湯...
不過...生蕃茄就麻麻o地鐘意食...
本來...想去食別府o既... 點知恩平道o個間~
竟然比味千食o左...
人o地就擴充營業~
別府就執粒~ too bad~
返到去都係八點幾~
程程睇o左陣書~
到九點我趕佢走...
哈哈~~~
