唉...昨晚極之唔開心...
o係我同程程呢段關係入面...
最大o既壓力~
並唔係我o地兩個o既感情好唔好...
而係...我老豆比我o既壓力...
昨晚我同程程返到去...
佢o地岩岩先食完飯~
跟住老豆阿媽就出去行街~
之後程程都返屋企lu~
咁得返我同阿哥...
阿哥就同我傾計...
話老豆下午同佢"申"~
話唔鐘意程程o係度訓喎~
佢驚d乜...我知...
所以阿哥同我講...
我都表現得好明白...
阿哥跟住就出o左街打機~
到老豆阿媽返黎~
阿媽去o左沖涼~
我就同老豆講...
基本上...明眼人睇得出...
老豆d態度怪怪o地...
我同程程返到屋企...
我已經feel到...
不過o係阿哥未講件事比我聽之前~
我就唔知佢為o左我而咁囉~
加上我知道老豆今日做o左成三萬蚊生意~
昨日又做o左萬幾蚊~
心情應該好好至岩~
但同佢o既態度~唔成正比囉...
佢問我...咁你覺得點丫?!
我就同佢講...我問心無愧囉...
如果咁驚...咪星期日十二點前起身出街囉~
咁就無機會得我o地兩個o係屋企囉~
仲有~ 我想程程o係度訓...
只係唔想佢咁辛苦~
星期六去完街~ 又要返屋企~
第二朝又要晨咁早起身過黎~
同埋...一來一回...搭車都成廿蚊啦~
而且又唔係訓埋一張床~
佢都好規矩訓地下咋嘛...
講到咁上下...
阿媽沖完涼出黎問咩事~
阿媽就同老豆講..
. 佢都咁大個女...
都管唔到咁多~
最緊要佢問心無愧同自愛囉...
好奇怪~ 反而阿媽睇開d~
我諗...可能係因為我表姐同人同居啦...
佢覺得我起碼o係屋企...
已經好好o掛...
後尾我入番房...
o係度繼續諗...
諗諗下又喊起上黎~
我覺得無謂隱瞞程程...
我同佢講...
我都知佢會唔開心...
亦都知道佢會點諗....
我真係唔想因為我老豆...
影響到我o地o既感情~
我覺得~就算o個個唔係程程~
係第二個...我老豆都會一樣~
佢話...我o地兩個成日o係房...
好似間房就係我o地兩個o既天地...
冇話出黎坐下傾計咁...
我就想問下...
你一直以黎都比種好嚴厲o既感覺程程~
你叫人點出黎同你傾計呀~
次次都係傾埋d返工呀~
有冇儲錢o既問題~
o個d都係一句起~兩句止o既話題...
佢又唔知同你講乜...
仲有~ 當時又話唔理我同咩人拍拖~
就算我同賊呀~乞丐拍拖...
都唔會反對我~
宜家咁樣o既表現...
算係點...?!
另外~ 我想話...要做....
唔係一定要o係屋企~
可以去開房...
做人唔好咁天真啦~
哈~
我講到明...
我話....宜家我o地都好早返屋企啦~
如果唔o係度訓...
咁我咪去夜d囉...
我去到九點幾十點返屋企~
算係咁啦...
我去玩到好夜...我去邊...你唔知咪仲衰~
如果唔係程程次次都叫我算...
我真係同老豆鬧o左好多次大交啦...
程程成日都擔心我老豆唔鐘意佢...
講真~ 我唔會理佢咁多~
我鐘意邊個...同邊個一齊~
甚至一齊冇幸福都好...
都係我自己o既選擇~~
我只希望佢會學會接受~
而唔係下下都比面口我睇~
我真係好失望~
成日口口聲聲一家人冇秘密~
咁佢有野又唔坦白講出黎~
咁樣只係表現得佢唔信我囉...
唉...算啦...
過o左去...
我根本控制唔到其他人點諗...
出街...又話我成日出街~
o係屋企...又話唔鐘意~
咁星期六日成日叫我返屋企食飯唔知做乜呢~?
話想我慳錢喎~
咁程程一來一回...搭車o個d都係錢~
既然識諗慳錢呢個問題~
我又唔明佢點解會睇唔開囉~~
夜晚~ 同程程上網玩美式桌球~
哈哈~我贏o左佢...
幾利害~
我都第一次正式玩咋嘛~
d數分都高過佢~
哈哈~
昨晚好頭痛~ 好難先訓得著...
今朝起身~
都好累...
返到舖頭~
我照常過去飲茶...
拎返枝水同埋杯茶返自己舖頭~
不過我乜都冇同佢講~
我又唔想表現得好似嬲緊佢咁...
所以個樣都冇"拿"埋口面咁...
打電話比程程~
佢都冇聽...
唔知佢搞乜鬼...
後尾終於都打得通~
原來佢忙緊...
所以唔得閒聽喎....
我同程程...今日都收到no number o既電話~
真奇怪~
而且仲要係響o左兩下...就收o左線~
想聽到聽唔切~~
lunch食飯~
繼續因為昨日件事而唔開心~
冇咩胃口...
食o左一半就冇食...
今日開始換新o既智能id card~
我有排先可以換...
too bad~~
聽返"初戀無限次"呢套廣播劇...
一次過聽哂咁多集~
不過岩岩開始聽o個時~
個server有d問題~
click極都聽唔到...
麻煩到死~
正當諗住放棄o個陣~
佢又聽到...
激死~
athena覆o左e-mail呀~~
so happy~~
哈哈~~~ 都等o左好耐~~
不過唔緊要~~~
嘻嘻~~ ^_^
下午兩點幾三點好恐怖~~
icq個list~乜都冇哂~
直頭空白o左咁...
跟住熄o左...開返又冇事...
食完lunch~
我見玻璃好dirty~ 咁我就去抹玻璃啦~
老豆行過黎~
叫我幫佢抹埋~
我話啋你都傻~~
佢又好似冇咩事咁...
但我實在仲好介意佢昨晚講o既野~~
咩叫..."每星期六...我都好唔開心~"~
呢d就係所謂o既口和...心不和啦...
唉~~
