昨日收工o個陣~
打電話比程程~
不過打唔通~
我諗佢部電話冇電啦...
之後~ 我食完飯沖涼...
沖完涼出黎~
我見到有兩個"不詳"o既來電顯示~
心諗...
會唔會係程程求其搵個電話打比我呢?!
跟住我打返比佢...留o左言比佢~
又到佢返到屋企~ 再打比我...
我又聽唔到...佢又留言比我~
聽返留言o既語氣...
個"不詳"來電唔似係佢打黎~
咁我就估...應該係tony打黎~
再唔係...就係sisi打黎~
咁我就打比tony先啦~
原來真係佢...
佢同我講~~"我星期五先落黎有冇問題~
d數頂唔頂得住...?聽日佢要去廣州做d野~
夜晚又有朋友個女擺滿月酒..."
唉~咁我可以點o者...
佢打黎都係通知我o者...
咁我就千叮萬囑佢星期五朝早一定要返黎啦~
唉...真係一日推一日...
激死~!
昨晚...又因為程程冇腦...
又搞到比我鬧住咁收線~
唉~
今朝...阿媽好專注咁諗六合彩d number~
所以到九點三先醒起叫我~~
搞到我十點先返到公司~
今日蔣小姐細妹打黎~
我今日好肯定咁答佢tony聽日返...
猛咁同佢講唔好意思...
希望呢一次係最後一次咁同佢講~
唔會再遲啦...
下午有個警察o既物體add我~
傾o左幾句...
已經唔多想再同佢傾~
仲ignore埋佢tim!~
唔知點解...
宜家玩icq o既人唔同哂~
唔似以前中學年代o個d人咁...
可以傾到d真心話...
發展成為朋友咁~
真係世界變啦~~!
宜家d人成日只係掛住"溝女"~
一係就send message黎講sex d野~
呢個...唔知係咪社會o既錯呢?!
老豆今日無啦啦又搬o左屋企一張檯落黎~
舖頭多o左張檯...
d空間好似冇以前咁舒服~
不過可以show出黎o既野就多o左...
而屋企o既空間又多o左~
哈哈~~
本來星期六晚會去食飯慶祝~
不過今朝我同阿媽講程程要返工~
結果~ 下晝阿媽話星期日先食...
都好o既...
o個日去踩完單車...
唔洗諗去邊度食飯... 哈哈~
話咁快~
聽日輝輝老爺就擺酒lu~
so happy~
不過連程程都仲未收到請柬...
後尾直頭話唔派tim~
咁都得?!!
另外~ "禮統"我已經準備好~
但係比我寫到好肉酸tim~
本身個禮統係老豆比我o架~
我放工o個陣~ 經過舖頭買多兩個~
都係重新寫過好d~~
做人情兩個人夾埋1000蚊~
好鬼肉痛呢~~~ v_v
但我屋企人話兩個人去...
其實比800都得~~
算啦... 唔差在啦...
程程昨日打o左流感針~
d人個個都話痛~
但程程就話唔痛~
哈哈~ 咁咪比人笑佢肉地厚囉~
今晚阿媽冇煮飯~
叫o左pizza食~~
正!
唔知係咪成日都用電腦o既關係~
隻手腫o左咁~~
希望休息o左一晚之後會冇事啦...
