昨晚唔係訓得咁好...
又有少少病feel~
影響到今日o既心情都down down o地~
但勢都估唔到...
我又比人偷電話...
仲要係比識o既人偷電話~
呢個人...係張牧師o既養子~
佢智商有d問題...
唔係幾識講野...聽亦都唔係聽得明好多野~
不過佢識寫字...
佢平時經過舖頭...都會入黎坐下...
今日佢又經過入o左黎~
我將部電話放o係房入面張檯~
自從上次比人偷o左部8910~
我已經冇比人入房好耐~ 亦都會好小心~
佢次次入親黎~ 都會睇下d裝修~
我見佢今日又係睇裝修...就冇在意佢入房啦~
諗住都唔會有咩事~
咁我部電話掛o左電話繩...
我坐o係出面~ 佢o係入面~
我聽到佢拎起我部電話~
咁我以為佢貪得意拎黎睇~
會放返低~
點知...佢走o左~
我即刻入房望一望...
就發現唔見o左部電話~
我已經即刻追出去~
不過佢已經冇影冇蹤~
問出面停o左車o係度o既司機見唔見佢行o左去邊~
佢話佢見住佢一出黎就猛咁跑上去...
我跟住返舖頭~即刻打電話比張牧師~
佢認o左頭...會賠返比我~
不過佢宜家o係台灣...
之後佢比o左一個人o既電話我~
或者可以經呢一個人搵到佢養子~ 當我打比呢個人...
佢話...佢已經唔係第一次o架啦~
佢成日都偷野~ 有時連張牧師o既電話都偷o左去~
你以後唔好比面張牧師~ 趕佢走都得o架啦~
我聽完...心入面都"下"o左一下~
唔係呀嘛~
唔係第一次~?
佢又會咁醒~ 傻得咁"暈蠢"~
因為佢先頭同我傾計...話之後佢會去修女院~
間修女院o係我屋企附近~
雖然我唔知邊間~
我都決定鎖埋門上面搵一搵...
睇下見唔見到佢...問個究竟~
終於...都比我搵到佢...
張牧師亦都搵o左人打電話比修女院叫葉修女了解呢件事~
我一開門...就見到遠處間房...個養子就坐o左o係度~
我行入去~ 比個修女渴止~
話呢度係私人地方~ 唔可以亂入黎~
但當時我只係識得指住遠處...話佢偷o左我部電話...佢偷o左我電話~
跟住...入面同養子一齊o既葉修女帶我入去~
佢承認偷o左我部電話...
已經比o左佢個白粉朋友~
唉...部電話睇黎已經冇得剩~
但事情聽日點都要有個交代~
最後一步~ 唯有報警~
而最搞笑o既係...
佢竟然聽日都要上庭~
因為佢偷o左人o地電單車個頭盔~
葉修女話...佢已經冇人再信佢~
佢都冇心改過~
葉修女都覺得好心痛...
今次比佢偷o左電話...
我真係好唔開心~
雖然部電話真係唔係貴~
但係...只係用o左一個月多dd咋~
同埋條"bb"電話繩我好鐘意o架~
同部電話咁襯~ v_v
咁就冇o左...
好唔抵o架嘛~
好彩我唔係買o左8910i o者~
如果佢偷o左8910 i~ 我諗我實會報警~
絕對唔放過佢...
又或者...佢今日係偷我銀包~
我就更加死比佢睇...
因為今日我都袋o左幾多錢下...
但我又會諗...佢都係受人控制...
先會偷野...
佢智商唔同正常人...又有食白粉...
佢要食...但係冇錢~
d人就迫佢偷野黎還錢...
不過~ 佢個樣真係唔似食白粉o架~
控制佢o個個人...仲係成日跟住佢去偷野~
一偷到就即刻交比佢...
好似今日咁...如果唔係...
部電話唔會咁快冇o左...
因為我住附近~ 知道呢度冇乜收電話o既檔仔~
如果佢自己賣比d檔仔...
我部電話仲可能有得拎返...
我今次真係好唔開心...
上次8910我都冇喊~
今日就喊o左一陣...
打電話同程程講...講講下就忍唔住喊~
仲要係喊得好大聲o個d黎o架~~
唉...宜家個mood仲好down~
我冇話比屋企人聽呀~
費事啦...
一係等聽日睇下點先再算...
今朝阿媽靜雞雞放o左一碟生洋蔥o係我間房~
佢話殺菌喎~
有冇效就唔知...
不過間房好大陣洋蔥味~
好難頂呢~~
同apple傾o左陣icq~
知佢會轉去新舖度做~
遲d要重新適應環境同埋d人~
要加油呀~~支持你~~
唉...掛o係我電話上面o既"bb"~
唔知宜家會唔會變o左做白粉"bb"呢~
唉...真係好唔開心呀~~
