昨晚大頭蝦唔記得o左熄冷氣~
食完飯~拿拿臨落返舖頭...
熄完冷氣搞掂好哂...
我就買o左兩碗凍西米露溝綠豆沙糖水...
點知返到屋企...
阿媽竟然煲o左糖水....
佢又唔早d講~
不過都唔緊要~
我同阿媽都照食...
老豆就食阿媽煲o個d...
昨日部電話勁恐怖~
冇啦啦冇o左wallpaper~
7250隱藏o既問題實在太多啦~
唉...
我放工平時...會將d垃圾放o係附近o既垃圾筒~
但係有時會爆哂...
咁就逼於無奈...放o係垃圾筒側邊啦...
不過呢..我通常都會格硬塞入垃圾筒~
除非真係爆得好緊要啦...
咁我每次放o係垃圾筒側邊...
我都會周圍望下先...
費事比人捉到啦~
因為明知要罰錢丫嘛~
咁我昨晚睇電視新聞~
見到我平時掉開o個個垃圾筒~
有人放o左袋垃圾o係側邊...
就咁...就比人捉到...要罰錢啦~
d記者仲即刻訪問佢咩感受tim~
但係好奇怪~
d記者唔通"捕"住哂所有垃圾筒o既?
如果唔係~點會咁快收到風呀??
唉~~ 咁危險~
以後如果爆哂...我都係拎返屋企先掉~
冇謂冒險啦~~
今朝聽收音機...
個主題又講返情侶之間o既主題曲~
由於上星期反應熱烈~
所以又再繼續啦~~
其中一位聽眾...講幻影呢首歌....
佢講到喊哂咁...
我都聽到眼濕濕...
個男人有老婆同個女...
佢後來識o左個女人...
跟住同老婆離婚...同呢個女人一齊~
到宜家呢個女人患o左柏金遜...
佢話佢都冇後悔離婚同佢一齊~
仲會照顧佢一生一世......
今日都冇咩野做...
聽下收音機咁...
到下午~ tony打黎...
話佢今晚or聽朝先返黎~
咁我話...你唔係去接sisi機咩~
佢話...唔洗啦~ 佢自己都識返黎~
咁我話...佢可能冇錢搭車o架喎~
到最後...都係由我去接機...
阿德今日要我幫佢寄野去蘇州~
佢寄o個d係銅器黎~
好危險~
咁我幫佢填好d野...
打電話去fedex落order~
佢話古董而且又貴過700美金...
要拎批文先得~
另外地址又要英文~
就算冇...都要拼返d普通話拼音出黎~
後尾...決定唔搞住...
因為都差唔多四點...
要去接機啦嘛...
拿拿臨...返到舖頭搞掂d野~
候叔叔就打黎...叫我搵個人...
問下佢今日係咪拎d貨黎舖頭~
搵到o個個人...佢話聽日先拎黎~
我就打返比侯叔叔...
跟住就走人lu~
好趕咁行去搭機鐵...
好奇怪~ 我入o左3次閘~
"o都"o左三次~
唔知會唔會扣幾次錢呢~~?
不過我o個張係八達通係負錢~
臨入閘之前...入o左一百蚊~
到接完sisi~ 都係扣返一百蚊~
咁即係冇扣多...
哈哈~~
但係d閘口o既設計~係咪應該改善下呢~~?
去到機場...
竟然今次同上次一樣~
sisi都係岩岩出o左閘到o左~
唔洗等...
行到去接機o個度附近~
周圍望緊sisi o係邊...
就收到sisi電話~
好彩佢有我電話號碼o者~
如果唔係就麻煩囉~
因為佢上機之前~
我同佢通電話~話tony會黎接佢嘛~~
搭機鐵...再搭的士返屋企~
sisi宜家有男朋友lu~
係韓國加台灣mix~
最搞笑...
我o係sisi條頸度見到有"咖哩雞"o既痕跡囉~
哈哈~
返到佢屋企...有d恐怖~
廚房有好多"蚊滋"~
打開雪櫃~成個櫃都係~
我o地決定關埋廚房門...唔理住~
聽日搵人黎清潔~~
坐o左一陣~
就落o左舖頭~
sisi睇返老闆娘d信啦~
睇完~就去別府食野~
食完...就去o左數碼通....
幫sisi搞上台d野~
因為佢用儲值卡~ 100蚊先得100分鐘左右~
佢返黎成兩個月...
分分鐘要入好多次~
咁不如上台...咪仲好...
每個月千幾分鐘都係百幾蚊~
sisi未夠十八歲~
唯有我幫佢登記啦...
搞掂...行過cd舖~
sisi買o左sammi o個隻新曲加精選...
的確係幾正咁...
本身都諗住買~
不過sisi宜家買o左...
我又冇乜意欲買~
而且程程宜家支持翻版...
叫人返深圳買喎...
唉~~
八點鐘左右~我就返到屋企lu~
本來叫程程幫我錄"黑夜彩虹"~
岩岩好返到去~
咁就唔洗錄lu~
當我諗住搭lift~
sisi打電話黎~
話電視開唔到...
我話咁唔好理住...
聽日先搞啦...
入o左屋..sisi又打黎~
佢話應該係跳o左fuse~
佢話知唔知個掣o係邊...
我話我都唔知o架~
你去樓下搵管理員上黎幫你啦~
過o左一陣再打比佢...睇佢搞成點...
終於搞掂好lu~
今晚我飲o左好多野~
返到黎阿媽留o左碗湯比我~
我沖涼之前飲o左枝"雞骨草"~
到沖完涼...又飲o左枝"豆漿"~
利害呀~~
今日我真係做o左好多野~
夜晚又幫阿媽染埋頭髮~
哈哈~阿媽即刻後生o左十年~~
