今朝阿媽問我支neutrogena好唔好用~
好用o既話...幫我買多幾枝~
哈哈~ 因為佢呢d師奶...
成鬼日都貪人o地有野送...
萬寧買滿唔知幾多錢~
就有袋野送...
咁佢咪唔執輸囉~~
哈哈~~
返到舖頭~
我即刻埋頭苦幹咁睇tvb周刊o既劇情~
到咁上下...
見做檯d料咁耐都未送黎~
就去老豆o個邊睇下啦~
原來老豆已經整緊lu~~
佢o地直接送o左去老豆o個邊~
唔怪得之啦~~
不過老豆唔小心...
比d萬能角鐵整親隻手~
手臂瘀o左...個範圍有成隻手掌咁大o架~~v_v
我其實好想表達多d關心...
但係又講唔出口~
只係話... 哎呀~又會咁唔小心o既~
咁咪好痛囉... 之類o既野...
後尾睇真d...
好多地方都損o左~
今晚沖涼o個陣~
實會好痛o者~~...
之後~ 佢做完個架~
佢就去訂塊木板放o係面...
我話叫人送上黎~
佢就話唔好...慳返d錢喎~
真係冇佢修...
已經整親隻手...
仲要抬咁大塊木板行斜路上黎~...
實在無言感激...
話咁快~老豆就整好張檯...
鋪塊布o係面...就搞掂lu~~ ^_^
tony 上o左大陸睇貨~
順便佢會買埋塊布落黎~
希望佢買塊布o既顏色唔會太肉酸啦~
佢昨晚叫我再去睇下d傢俬~
咁我今日就過去對面睇...
車~ 知道一早去對面啦...
對面有齊哂我o地需要o既野~
而且仲好平tim~~
咁我就打比tony啦~
佢話佢都係鐘意個屏風喎~~
咁我咪話等佢落黎再睇下點囉...
蔣小姐個細妹話...
最遲星期三會叫人黎車走d傢俬...
所以我o地先咁趕...
但要o係咁短時間之內搞得掂~
又似乎有一定o既難度~
最慘係...買o左返黎...先知唔好睇~
咁咪仲死~~
先頭~tony話星期三先返黎~
但頭先又話一陣五點幾返落黎~
即係我又要等埋佢先收工啦~
唉~~
老豆今日睇返本書...
見到周生生賣廣告張相~
哈哈~ 笑到我o地死~
笑d乜...大家唔會明o架啦...
係秘密~~~!!
程程今日返十點...
無啦啦又比人叫佢去影野~
係無線一個什麼香港名牌o既節目~~
今次程程負責做司機~
唔知會唔會o係電視見到佢呢~哈哈~
仲有呀~輝輝叫程程聽日得閒去觀禮喎~
我都想去呀~
我好想真正咁聽下宣誓o個段野~
個感覺應該會好正呢~~~~
同埋...輝輝話得閒出黎飲茶睇返d相喎~
唉~~ 我諗...我影o個d相~
應該都好肥下...
真係冇眼睇呢~~~~
老豆今日做o左生意~
佢話好心有好報...
幫我o地整張檯...又整親隻手...
但係做到單生意~有錢賺...
抵返哂~~哈哈~
食完飯~我去郵局交錢...
交下電費~差餉~商業登記d錢咁...
就冇o左七千幾蚊lu~
而fedex o個度...
佢今日又打黎追數~
我都係實行"拖"字...
終於~tony都係冇返到黎~
咁我就可以如常六點半收工lu~
哈哈~ 仲以為今日會做到生意~
個鬼佬好似好鐘意件貨咁~
不過...d鬼佬近來唔知做乜~
好似好窮咁...
唉~ 都唔知係我o地舖頭d貨貴丫~
定佢o地真係窮lu~~
