昨晚發生o左件事~
好鬼死"囉"呀~
就係收工o個陣~
o係房度拎哂d垃圾~手袋同一個手抽袋出黎~
準備收工~
咁先頭六點四我都望過條鎖匙o係檯面~
點知...到六點半...
我順手將房門粒"的""禁"~
跟住就關埋度門~
一關埋...我就即刻醒起條鎖匙o係入面~
但係我仲企圖去呃自己...
猛咁搵d袋...睇下"秋"鎖匙o係唔o係入面~
唉...咁緊係冇啦~
於是就搵電話打比平時整開鎖o個個師父~
點知佢出o左去...
咁我就打返屋企搵老豆啦...
老豆講o左個開鎖佬o既電話比我聽~
跟住我就即刻打啦~
個電話未講完~阿哥就打黎~
話老豆落緊係舖頭~
我就同個開鎖佬講~叫佢唔洗黎啦...
唉...老豆未落到黎o個陣~
我就試圖搵張卡"攝"o係門"啦"度~
希望好似電影o既情節咁...
一拉...度門就開返...
不過~緊係冇可能啦...
之後~ 再接再厲~
我開始搵萬子夾...
又試圖好似d賊仔咁...
"了"下"了"下...度門又開返...
不過~緊係又唔work啦...
終於~老豆都落到黎~
佢返舖頭拎o左把"鑽"過黎~
跟住就開始鑽...
鑽落插鎖匙個洞度~
一陣就開o左~
真利害~
老豆話聽日買把鎖返黎自己裝...
把鎖好平咋嘛~
幾廿蚊咋~
我聽完...都打o左個突~
下...乜把鎖咁平o架咋~
老豆仲話...如果叫o左開鎖佬黎開~
唔開天殺價就奇~
起碼都收三百幾蚊啦...
嘩~ 原來d開鎖佬真係咁好賺o架喎~
我仲以為把鎖起碼要百幾蚊~
加埋人工百幾蚊~
收你二百零三百蚊都算合理~
但原來...我咁諗係錯....
到今朝~老豆叫我去"永利"買鎖~
拎埋把舊鎖去買~
嘩~真係估都估唔到~
把鎖只係37蚊~
我即時講o左句~乜真係咁平呀~~
返到黎~
老豆就幫我裝~
不過好奇怪~
把鎖o係出面...要用鎖匙先開到~
(即係冇鎖到都要用鎖匙開先開到門)~
老豆同我都覺得怪怪o地o架啦~
後尾又諗...咁樣可能"安全"d o者~
特登設計成咁o既~
但係到四點幾...
老豆又黎睇下把鎖~
越睇越唔對路~
於是我就打電話去"永利"...
問下係咪把鎖真係咁o既設計定係有問題~
佢聽完...叫我拎落去換~
咁老豆即刻拆返把鎖出黎~
我就拎落去換啦...
原來...把鎖根本冇問題~
只係裝o個時~唔小心"禁"o左粒"的"落去~
先會搞到好似有問題咁...
哈哈~ 跟住老豆又再裝返把鎮~
今次真係搞掂好哂~
so happy~~
阿爺阿麻件事...完滿解決o左~
最後...都係由姑姐搞掂件事~
老豆都估唔到咁易搞得掂~
哈哈~
丫~原來我屋企兩個o既LV袋都係絕版o架喎~
我老豆仲話比我聽~
個袋係89年o係歐洲買~
張單仲keep住o係保險箱~
我問佢做咩仲keep住~
哈哈~佢話做個紀念喎~
昨晚開電腦~
好奇怪~部機自動好返~
之前壞o個陣開唔到o既野~
宜家全部都開到~
照計阿哥都冇幫我整過黎~
點解會咁o既呢~~~???
昨晚九點幾同阿yan傾電話~
傾o左好多野~
對好多野都作出分析~
從中又了解阿yan多o左~
係好事黎~
至於apple呢~
希望佢真係要把握機會~
衝破障礙~
一d曾經傷害過佢o既人...
都會得到唔好o既下場~嘿!
阿wing呢...就真係唔知點講~
每一個經歷都會學到d野~
希望你學到o既野...
對你將來有用啦...
今日~我睇o左本書~
又係o係阿哥個書架搵黎睇o既~
書名叫"怪奇馬戲團"~
本書好似harry potter o既類型咁~
都幾得意~
我都有d興趣睇~
所以~我今日都睇完o左第一集~
哈哈~今晚返去搵第二集出黎~
聽日帶落舖頭睇先~~
今日我轉o左台啦~
但係張sim卡o係程程度~
宜家o係佢...去o左剪頭髮~
哈哈~係去我上次剪o個間~
雖然係貴d~
但係...我估計阿joe唔會令我失望o既~
希望一陣見到佢...
佢個髮型會好靚好好睇啦~~
