昨晚話唔傾電話...
結果~ 程程踢完波沖完涼...
我十一點幾打比佢...
都傾o左成三個字...
之後~我o係度聽絕情谷...
都唔知聽o左幾耐...
聽到訓著o左~
頭先岩岩醒起...好似仲未熄機~
拎出黎睇睇...
oh~ 真係冇熄到~
播o左成十幾個鐘...
好彩唔係好用電o既o者...
今朝...返到舖頭~
阿媽o係地攤買o左d瓷器~
幾廿蚊咋嘛~
就算係新...都抵啦~
我諗...賣返出去~
最少都可以賣返二三百蚊~
哈哈~~
昨日未執好d野~
今日我自己一個繼續執...
其實都係求其擺返好d野~
` 因為最重要o個張檯...要鋪塊布o係面~
而塊布仲未搞掂~
本來...昨日tony都買o左塊布返黎~
宜家都鋪o左o係檯用住先~
不過塊布唔夠長...
所以就要等tony聽日返黎~or後日返黎先有得用啦~
我又費事將d貨搬黎搬去啦...
如果我今日搬o左d貨上檯...
聽日要換布o個陣~ 又要搬返d貨落黎~
再搬返上去咪仲麻煩~
一陣整爛野就仲死~~
咁昨晚阿智(tony同聖子個friend)生日~
tony問我一唔一齊去燒野食~
我就例牌唔會去~ 推o左佢~
哈哈~ 真係好彩冇去咋...
tony差唔多六點打黎~
話昨晚燒完野食打通宵麻雀~
岩岩先訓醒咋喎~
仲話宜家先搭車上大陸~
聽日夜d返黎~or星期六返黎喎~
其實~ 佢唔返黎仲好~
佢打電話返黎吩咐我做野~
我自己去做...會好好多囉~
跟住...我見入面房張檯搬o左出黎~
咁我就搬o左原本o係檯底d野出黎~
吸下入面d塵啦...
(平時懶~ 邊得閒冇啦啦搬d野出黎吸丫~
而且吸塵機又申唔到入去...)
嘩~ 發現有三隻小蛋反o左肚死o左o係度~
我於是就用紙巾執起佢o地...掉落廁所~
哈哈~ 費事過去叫老豆過黎執啦~
有時係要比d勇氣~ 逼自己去做先得~
唔係下下身邊都有人幫到自己o架嘛~~
我今日...其實唔係咁開心...
我差d真係決心同程程分手...
因為又比我發現o左一d我唔鐘意佢做o既野~
我一發現...就打電話比佢~
佢冇開電話~ 我知佢叉緊電~
平時我冇乜事~ 都會等佢醒o左先打比我~
不過我真係好嬲~ 想即刻鬧佢~
所以我打去佢屋企~
佢媽咪一聽到我打去~
就即刻叫程程起身聽電話~
我問o左佢好多次~
比哂機會比佢向我坦白~
佢都死口唔認...
我真係好失望囉...
唉~...
下午~ 我要佢帶埋"音樂bb"去街~
佢仲走o左去紅磡廣場睇拍賣~
買o左枝"立米紫外燈"
50蚊就買到...
話可以消腫消暗瘡等...
總之好多功能啦~
佢返到屋企試完~
我問佢有冇用~~
佢話冇~ 跟住佢摸下塊面~
又即刻同我講~ "噫~好似有d用喎~~"~
所謂平野冇好野...
50蚊咋喎~ 真係work o既話...
仲洗出咁多防暗瘡醫暗瘡o既野~~
我就真係唔信啦~~
臨收工~我走o左去蔣小姐細妹度~
因為我搵唔到張寄賣單~
叫會計幫我搵~佢又話唔o係佢度~
照計冇理由唔見o左~
我亦都唔會當垃圾掉o左~
咁唯有問蔣小姐拎個copy啦...
不過~ 我問完之後~
又有d後悔...
我真係唔應該去問佢...
雖然我本身都有紀錄~
有寫低o係簿仔~
但係始終張單先係正本~
第時有乜事~佢話我o地冇單冇據咪死~~~!
老豆食飯前~ 落o左去睇醫生~
不過仲有好多人~~
於是就上黎食o左飯先再落去睇啦~
醫生話佢發燒喎~
打o左枝針~
佢病~九成係因為昨晚打邊爐啦...
燥得滯~ 咪病囉~
希望佢快d好返啦~~~
