今日返公司前~
去o左郵局寄野~
嘩~今日真係熱o左好多~
但我公司個冷氣好麻煩~
開得細~佢又會滴水~
開得大~唔洗口...緊係好凍啦~
為o左避免佢滴水~
於是我就開大個冷氣~
而我就要著住件褸啦~
不過...四點幾o個陣~
真係頂唔順...太凍啦~
逼於無奈都熄細o左...
結果...猛咁滴水...
唉....
呢一排都係阿媽買埋lunch比我食~
慳返d錢~ 哈哈~
不過我有苦自己知...
我應該未有咁快有糧出住...
點都好啦~
呢個只係暫時性~
我老闆娘絕對係唔會走o左我份糧o既~~
舊舖o個邊...以前朝朝幫我拉鐵閘o個個伍生~
估唔到...佢會咁勁~
連佢都收到風~
咁當然~ 我都係繼續否認啦~~
終於~ 我都張本書仔埋o左尾~
臨尾o個d~
真係全部都冇起稿...
唉...就係咁...
搞到好怪...
自己都唔知寫o左d乜~
尤其係埋尾o個段...
我覺得可以寫得好d~
宜家寫o左個唔係幾好o既ending~
係一個遺憾~
哈哈~ 呢個遺憾~
要等下年先會彌補到lu~~
程程幾慘呀~
佢d假要取消~
搞到佢好唔開心...
話哂牛一嘛...
放工行返屋企...
忍唔住入去惠康買包薯片食~
亦都比我搵到阿mon極力推介o既蛋沙律味薯片~
嘩~ 真係好好味~
但係都冇大包買o既~
搞到"到喉唔到肺"~~
程程今晚終於都出返部電話~
係sony ericsson o既t310~
佢賣o左佢部nec都成個星期lu~
咁諗住用住佢家姐部電話先囉~
程程等緊部sony ericsson o既t610嘛~
佢老豆買o左部7250比佢家姐~
但佢家姐本身部電話有d 壞壞o地~
(如果唔係~都唔洗換啦~)
咁程程終於都頂唔順...
走o左去出部t310用住先~
呢一部千幾蚊o者~
以程程用電話o既價錢黎計...
呢部真係算好平o既一部~
先頭我未出7250 o個時~
程程都諗住叫我出t310~
因為呢部t310...係t610 o既初版...
即係第時t610 o既鈴聲勁d~
d色又勁d~ 亦都有埋內置相機等...
話就話t610四月出~
到宜家都未有影...
今日唔知點解...
好頭痛~
唔洗驚~ 係頭痛o者~
唔係發燒~
唔係非典型肺炎~
唉...講起呢個病~
真係影響好大~~
希望呢個病菌快d走啦~
淘大e座d人仲慘...
要隔離10日~~
如果比著係我~
要我o係屋企十日~
我諗我實會悶死~~
不過諗下諗下...
其實我宜家o既生活...
都係好悶o架~
日日我o係舖頭...都冇野做~
都係對住部電腦~
返到屋企...都係上網...
同埋睇電視...傾電話..
跟住訓覺...起身...返工...
咪一樣咁枯燥....
但係...諗下諗下...有得咁枯燥...已經好好啦~
宜家打緊仗o個d人...
真係可唔可以平安返屋企見屋企人都未知...
香港宜家都係有病o者~
都係得好少人因為非典型肺炎而死o左...
而打仗所死傷o既人數...
係難以估計...
o係呢度...祝福所有人...身體健康~
快d打完仗~
世界和平~~
