今朝十點幾就起身~
阿媽整o左昨晚返黎比我o地食o個d咸薄餅...
嘩...好食過昨晚好多喎!!!
我諗最主要o既原因...
係熱辣辣食同灘凍o左黎食o既分別~
昨晚同程程兩份人食一塊...
都覺得好"漏"~
但今朝...我同程程每人都食o左三塊~
哈哈~~
之後~ 我o地就睇返昨晚錄o既"神鵰俠侶"~
到十二點幾一點...
我o地就搭車落去銅鑼灣lu~~
今日繼續睇鞋...
程程已經退而求次...
諗住買到本身o個對~
揀第二對啦~
點知到佢拎對鞋叫人拎十號比佢~
個sales就話...呢對最大都係九號半...
而且呢對已經係最後一對...!!
唉...真係激鬼死~~~
於是~ 我o地之後再周圍去搵啦...
點知都係冇...
唉!!! 買o個樣冇o個樣~
too bad~~
哎呀~~我之前已經諗到...
究竟點解程程本身鐘意o個對鞋冇哂...
而又唔多見香港有人著...
就係...應該係比大陸落黎旅行d人買哂~~
o個對鞋算係最新...而且價錢又有返咁上下~
差唔多成千蚊~
咁d大陸人年青人落到黎~~
點都會買返對似樣d返去炫耀~~
so~ 咁咪冇哂囉~~~
買o左3隻vcd~
其中兩隻係比老豆阿媽睇o個d"任白"戲~
另外o個隻~ 係買比阿哥o既黃子華-冇炭用~
我自己另外o係ice-fire買o左幾對襪咁...
今日最主要o既花費...都花哂o係食物度~
夜晚...大約六點幾~
我o地就食晚飯lu~~
去o左翡翠明珠廣場上面間"別府"度食~
宜家別府轉o左型....變o左做居食屋~
而且d裝修靚o左好多...
好舒服~~ d野又幾好味~~~
所以...我o地食完野~ 走o個陣~
間別府食全部爆哂咁滯~~
食完野~見仲早~
我o地就再去商務度睇書啦~
睇完就返屋企lu~~~
今晚唔知做乜...
又好頭痛咁...
照計星期日點都訓得比平時多~
點解會頭痛o既呢~~
真係我費解...?!!!~
食o左粒必利痛先好d咋...
今日我o地o既話題...
都係圍繞住輝輝同kinki~
咁因為kinki o係ice fire度做~
我o地去買野o個陣~
就諗住睇下見唔見到佢啦~
點知都係見唔到~
次次都同佢冇乜緣份~
反而...次次去親sogo都見到"四月"~~
唉...其實...點解同輝輝一齊o個個...
唔係"四月"喎~~
我真係覺得輝輝同四月一齊會好好~~
不過...如果呢個係輝輝o既選擇~
我都會希望佢o地幸福o既~~ ^_^
但係...當我一諗起輝輝由一個浪子...
變成一個湊仔公~ 我就覺得好搞笑~~
哈哈~~
