我無勇氣去選擇任何一個做法，我無膽去呃阿文，我更 加唔夠膽去見佢！我刻意避開阿文，佢打電話去我屋企我唔聽，佢 寄email俾我我唔回。我知道o甘樣一定會令到阿文好傷心，但當有 一日佢放棄，唔再打電話或者寄email俾我，佢就會忘記得我一乾 二淨！你地一定覺得我好傻同自私：既然我鍾意佢，試下都無防 o者？但我就覺得『長痛不如短痛』，當我知道一件事成功機會唔 大，我就唔會有膽量去試，放棄可能係更好o既選擇。
我已經有一個月無聯絡過阿文啦，而阿文都好少再寄 email同打電話俾我，我知道距離佢放棄o既日子越o黎越近，雖然 係好唔捨得，但係係自己放棄先o既，無得冤！今日阿哥o係upstate 落o左o黎，因為佢開始放暑假啦，佢放左D野係屋企之後，就車o左 我去Manhattan行街！我都有幾個月無見過阿哥啦，所以好多o野同 佢講，包括我同阿文D o野！佢話我傻窩，不過我都覺得自己係幾傻o既！
返到屋企開信箱，見到一封無貼郵票寫住『阿欣收』o既信， 我初初都以為係學校Dfriend玩野，點知原來係阿文！封信係o甘o架：
我好想知道點解你依個月o黎故意避開我？我打電話你唔聽，
寄email你唔回，話我知我係咪有乜野做錯呀？我好希望你原諒
我！係依個月度我都好掛住你，只不過最近有考試，所以我先唔想
煩住你！希望你得閒可以打個電話俾我，等我起碼知道發生o左咩事！
阿文
