プロロ－グ
 Prologue

其實年頭已經計劃秋冬交界時份去東京(女友未去過嘛!!), 順便去熱海睇紅葉睇花火祭... 咁啱有次gathering同成班friend傾開, 原來佢哋又諗緊喎!! 仲咁啱大家都請到11月底嘅假!! 咁就7個人一拍即合!! 開始籌備啦!! 計budget諗行程book旅館咁... 真係未出發先興奮!!

話就話7人同行, 實際上只有頭4日半一齊行動, 第5日尾我哋就會分道揚鑣, 泰利同女友會玩番上河口湖同東京, 其他人就落京阪神然後再北上北海道(長征呀!!)...

就喺上網搵料嘅時候發覺29號J-League閉幕戰喎!! 仲要有泰利支持嘅浦和紅鑽主場對鹿島鹿角添!! 咦? 唔知有冇機會入場感受下呢? @.@"