今宵多珍重
今宵多珍重 今宵多珍重 聽日又未必會係咁
今宵多珍重 今宵多珍重 聽日又另外一個樣
你有無埋怨自己生出個個陣時 唔係含住條金鎖匙
係一條生秀鎖匙 你老豆無本事無錢養妻活兒
你呀x就o采 你個衰doi 生你出呢都係多餘
唔該你要記住人生o既大門係要靠你雙手去打開
掂個陣時就唔使見風駛盡利 dap個陣時唔好怨天怨地
可以試o下去諗條路 唔係一定要咁走
要壞o既話唔一定要食煙飲酒 唔一定要話dap低頭做人隻狗
可以抬起頭自己行每一步路 唔洗俾人睇死係一個無用o既細路
自己去做 做到自己就當然最好
做唔到 都千祈唔好放棄自己去界手跳樓飲滴露 盪失路
我從來都相信自己 相信自己先至對得住人o地
所以由細到大我都識分 好與壞 黑與白 正常與變態
因為你o既良心唔會將你出賣 但係但係人越大只會越壞
當你望o下自己進入灰色地帶 開始知道呢個世界唔到你控制晒
你到最後慢慢將自己活埋 個良心又慢慢將感覺出賣
由第一日開始 到你死得個陣時足足係一本幾萬頁o既故事書
每一件錯事 都係一個指示 唯有記住佢唔好發生多一次
時間總會過去 讓你個灰色的心
清洗一次 清楚一次 清醒多一次
(
geocities.com/tokyo/garden/Garden/8818/lyrics) (
geocities.com/tokyo/garden/Garden/8818) (
geocities.com/tokyo/garden/Garden) (
geocities.com/tokyo/garden) (
geocities.com/tokyo)