▂▃▄▅▆▇█ Ann █▇▆▅▄▃▂

我同敏婷佢識左有成十幾年朋友! 識佢果陣時係小學二年級, 佢響三年班時成日陪我去俾情信人, ( 俾邊個? 唔話你知! 嘻嘻! 有冇睇過我個"小小愛情故事"呢? 就係其中一個勒! ) 自己唔夠膽嘛! 佢陪我行去果班男仔度, 之後我就渣住自己用顏色紙整既信封同信紙, 裡面只有"我愛你"呢三個字, 我一行埋去就俾果個男仔, 跟住就講"返屋企先睇"! 講完我就同敏婷走lu! 哈哈~~ 諗起真係可愛!

之後我同佢都冇同一班, 上到中學更加唔洗講, 但 finish 左小學, 我地都用書信來往, 一直寫信回信, 雖然佢只係讀我隔離果間學校, 但我同佢都冇約過出黎見面! 直到 F.4 果年, 我地就開始約一齊返學, 每日都係咁, 直至暑假! 依家都有 keep 住 send 信架!

佢成日話自己將來做梗老姑婆, 最令我驚訝係, 睇張相都知啦嘛, 佢好想快D結婚, 話唔洗煩喎! 哈哈 ^O^

▂▃▄▅▆▇█ Carmen █▇▆▅▄▃▂

Carmen 雖然唔係好靚女, 但做朋友既野唔係講樣貌既! 我同佢都做左好耐 best friend 勒! 記得第一次見 Carmen 既時候係響小學五年班, 果日考試, 我地排隊響禮堂度, 但D學生會響未打鐘之前就開始排定架勒 ( 即我同佢 ), 點知我讀緊果張自己 take 既 noties 俾風吹左去佢腳底 ( Carmen 讀我隔離班既 ), 我當時唔敢去執, 令願唔讀 ( 細膽掛 ), 但佢好好人, 見到張紙之後, 因為上面只寫住我自己果班既班名, 佢轉個頭望望我, 就問張紙係咪我架勒, 咁我梗係認啦! 我地第一次既對話就係咁! ^_^

之後, 我同佢入左同一間中學, 唔記得點樣我地成為左好朋友 lu! 果一年我地都一齊過, 到左唔同班之後, 我地大家都有新識既朋友, 就冇以前咁日日一齊勒! 有次佢嬲左我, 直到依家佢都唔肯講係咩原因,  但係神通廣大既我, 早就有人話我知咩事! ( 連 Carmen 都唔知我其實一早知! 奸哩?! ) 果陣時真係好唔開心, 為左呢件事, 我第一次為女仔喊! 但冇耐我地又冇野 lu!

響我心目中, Carmen 係一個敢愛敢恨既人, 話鍾意就鍾意, 話唔岩就唔岩, 俾我識佢果陣時真係大膽左好多好多!

▂▃▄▅▆▇█ Vivian █▇▆▅▄▃▂

識 Vivian 係響 F.2, 果陣時我地同一班, 我地好快變左好朋友, 一齊響 lunch 行落"惠康"買火腿食! 上到 F.3 我地又讀同一班,仲一齊坐添咁就做左更好既朋友, 一齊傾心事, 你幫我我幫你, 佢真係好明我講咩, 又知道應該點答我既問題! 有時上堂悶, 我會同佢靜雞雞傾計, 但有時佢"聊"我傾計呢, 衰既我好多時都話 "shu, 抄左 notes 先, 一陣先傾!" 咁佢會好識做唔出聲一齊 take notes! 學下學下學左我一齊寫 notes 響本 text book 度! 我又學佢用把間尺間住黎寫字!!

記得我地個 friend, 香香, 佢講過, 話佢響我同 Vivian後面睇我地兩個, 簡直分唔出邊個係我, 邊個係 Vivian喎, 因為我同 Vivian係差唔多高, 而果陣時我地兩個既髮型都係差唔多! 當然啦, 睇前面梗係分得出, 你睇都知啦, Vivian 咁靚, 我同佢邊有得比丫!

佢好好架, 由中學果陣時已經開始幫我錄歌, 直到依家都一得閒就幫我錄, 令我唔會同香港D歌脫節! 又買隻藥俾我, 令到我D皮膚滑左好多冇以前咁醜樣! 真係感謝佢! ^_^

▂▃▄▅▆▇█ Teddy & 巴閉(狗) █▇▆▅▄▃▂

識 Teddy 係響我 F.3 既時候, 果一年係我最難忘既一年, 點解? 哈! 哈! 哈! ( 你地估到未者? ) 識左佢之後, 我先知道咩叫男士風度, 吾吾...   我仲未黎紐西蘭之前佢帶我去好多媽咪爸爸唔會帶我去既地方 ( 我指係D普通正經既地方呀! 咪亂諗! ), 對住佢, 我自己覺得諗既野完全唔同平時既我, 唔知點解?!

我諗你地都估到一二勒, 下話? 係呀! 衰妹"鍾"過佢! 佢響學校俾我既感覺係比較標青, 又高又大隻, 果陣時學校有好多女仔鍾意佢, 哈哈哈哈~~ 衰妹可能"襯"熱鬧又"鍾"個頭埋去掛! 講真, 依家諗返以前所做既一齊, 真係好傻, 所以就算全世界上冇一個男仔 ( 人 ) 鍾意自己, 我都唔會咁傻去自己鍾意人先! 我唔理人地講咩幸福係要自己爭取, 但作為一個女仔既我, 所做既一齊都唔會得到自己所想要既小小成果! 咁又何苦要自己受傷呢? 我成日同D friend 講, 令人快樂係重要, 但令自己快樂更加重要!

無可厚非, Teddy 的的確確對我好好, 響我悶既時候陪我, 唔開心既時侯開解我, 我同佢傾計好多時都唔洗講哂, 已經明白對方想講咩, 好難得架! 咁之前講到衰妹我"鍾"過佢, ( 咁依家呢? ) 冇勒! 衰妹好固執, 唔會鍾意一個佢既 GF 或 ex-GF 係衰妹識既!

原因: 佢老公愛妻深切, Eil 正響屋企做全職煮飯婆, 露面甚難! 請多多原諒!

▂▃▄▅▆▇█ Eil █▇▆▅▄▃▂

Eil 係響我讀 U stage 1 識既, 大家一齊讀 statistic, 佢俾左好多驚訝既事俾我! 令我識左都幾多野! 人生百態呀!!!!! 佢同我都記得一樣野, 佢話好對唔住我喎, 因為初初識既時候, 我地兩個傾計, 佢好多時都講D唔講D咁既, 一講到深入勒, 就會話"我唔會講咁多俾你知, 因為我同你唔係咁熟!" 佢依家話好衰喎, 咁既野都講得出! 哈哈哈! 其實我一D都冇介意過, 因為我覺得佢講得岩嘛, 事實上我果陣時真係唔係同佢咁熟, 岩岩識又只有一科一齊上堂! 我都識諗既! 嘻嘻~~~~

依家就梗係好熟啦, 咩都講 lu, 有次我地夜晚傾電話, 佢話我好純喎! 我唔係幾明, 響度諗, 唔通佢話我幼稚? 因為"純"既另一個代名詞係"幼稚"、"單純", 唔知岩唔岩呢? 佢個男朋友阿國柱話終於知點解, Eil 話我純係因為我唔識好多術語喎, 好多D比較粗俗既字我係唔知點解! 吾吾......

佢同佢男友真係好襯, 身形又差唔多, 笑起上黎簡直一樣樣, 兩個都係一笑就朦起對眼, 咩叫夫妻相? 睇佢地兩個就知勒!

▂▃▄▅▆▇█ Winnie  & LoLo █▇▆▅▄▃▂

識 Winnie 都係響 U Stage 1, 今次係數學, 第一次見到佢, 覺得佢好似我讀 Grammar School 既同學, 所以有好深刻既印象! 識下識下, 我地兩個就好多時一齊, 我仲做左佢既知己添, 當然啦, 佢何嘗唔係我既呢? LoLo 呢, 吾... 都係一樣啦! 我費鬼讚佢, 一陣間得得戚戚! ( 唉算勒! 講兩句啦, 佢學野真係好快, 好快上手, 讀書一陣就讀哂明哂! 真係好西利! 佩服佩服! )

睇住佢地兩個點識, 睇住佢地點拍起拖, 睇住佢地點嗌交, 睇住佢地點好返, 嗌交好返, 嗌交又好返, 哈! 拍拖就係咁勒! 作為佢地朋友既我, 有咩事當然想幫佢地啦, 但係講到佢地嗌交呢方面, 都係咪理勒, 唔想理太多, 理得多, Winnie 會好似對 LoLo 咁咁依靠我  ( 唔係咩? Winnie ), 兩個人之間既事, 最好就係兩個人去解決! 但作為朋友既, 只可以俾少少意見! 太多會"淚"左佢地!

響呢度, 我要對佢地講聲唔好意思! 因為衰妹我成日都鬧佢地, 我睇唔過眼既就會話! 唉~~~ 其實又關自己咩事丫? 你地既事之嘛, 我根本冇呢種權力都管人, 自己都管唔好自己! 有咩既, 都係自己多管閒事者! 唔好意思 Winnie, LoLo.........