Burung bangau tarabang tinggi
     Turun saikong di sawah padi
     Bukan aku manarik diri
     Tapi ikam baubah hati.

     Pakan Banting di Kuala Langat
     Banyak orang manjual kain
     Ikam bingking banyak paminat
     Memang sanang mancari lain.

     Tolak ka pantai mancari katam
     Duduk barihat di pinggir paya
     Hanya aku handak ka ikam
     Ikam tak sudi apakan daya.

     Sungai Langat kacil di hulu
     Kapal balabuh di pinggir jeti
     Kalau kuingat masa dahulu
     Sadih juga rasa di hati.

     Dari Banting ka pakan Kelang
     Aloh ganal mamakai sari
     Kusangka panas sampai ka patang
     Rupanya hujan di tangah hari.

     Pakan Banting di Kuala Langat
     Banyak dijual daun turi
     Ikam mamalih orang bapangkat
     Biarlah aku maundur diri.

     Ka pakan Banting mambali karang
     Di Sungai Jarum mambali baju
     Hanya aku handak ka orang
     Orang banci kada ku tahu.

     Mutik kuini kaya kaitu
     Buah pauh kada salaya
     Hatiku ini kada kaitu
     Walau jauh tatap satia

     Buah jaruk barian Salasih
     Kana minta SiAngah Diyang
     Amun maraju pada yang kasih
     Amun maminta pada yang sayang

     Manantu Angahku urang pajabat
     Manantunya tu mata batimbil
     Mana aku tahu urang bahajat
     Amun tahu dah lawas kuambil

     Amun dadak bapadahla dadak
     Kada aku takandang-kandang
     Amun handak bapadahla handak
     Kada la aku tahadang-hadang

     Angah Utun tulak mangiwang
     Tahaga ular tarus bukah
     Pantunku ini pantun jiwang
     Taga......kah..kah..kah
 
 

banyak orang di pakan sabak
    suka makan ikan  cancaru
entah bujur entah kadak
   bibiniaan banjar kuat camburu.

dari kelang ka sungai basar
    singgah satumat di tanjung karang
aku takutan babini banjar
    bibinian banjar banyak yang garang.

di pantai jeram mencari karang
    dapat karang baguni-guni
bibinian  banjar banyak nang garang

hari-hari manyiangi ikan cancaru,
agar kade talakat tulang,
babini banjar kade bisa camburu,
tapinya takutan laki diambil urang..

singah satumat di tanjung karang,
singah handaq manukar galang,
sipa menyambat babini banjar garang....
amun kana palukannya ya am kade taguring malam aur manganang....

tulaq ka pakan manukar kali, 
handaq di ngangan basama sasisap,
kaepa babini banjar  handaq mandara laki

Dari kelang ka sungai basar
Singgah satumat di tanjung karang
Kenapa  takutan babini banjar
Garang2 gin kadak sawat memakan orang
(marah2 sayang ngaran  nyak. amun muyak timpas hajak.... hehehehe.)

Di pantai jeram mencari karang tapi habis matian
Belum lagi ulun mendangar  banjar baparangan
Antara  Kaum lalaki awan kaum babinian
Yang adak macam kadak kacukupan  pasangan

banyak rumah di selayang
      rumah kacil kada  takira
ujar ikam,ikam pun sayang
      rupanya ikam hanya badusta.

bukit kucing kada babukit
      dakat wan pakan kelang
dikalintong ikam hatiku sakit
      saribu tahun kadakan hilang.

 Mohamad_Azlan_Ali_Bashah
GALUH BUNGAS DUDUK BAATOI DI WATUN
JULAK CANGUL INYA GEN BUKAH
NANG INI ULUN KADA WANI UMPAT BAILUN
KITA HADANG  AMPUN DIRI BAPADAH

 M Nasar
Jarujuk padang jumampai
paikat laki dadayan kain
amun jodoh baluman sampai
hakikat hati kada kalain
 

     Dari Kelang ka Sungai Kandis
     Bali ikan barang sakati
     Rupa manis senyum pun manis
     Rupanya bukan bayangan hati.
 

     Patang-patang duduk bapandir
     Sambil maniring orang lalu
     Sayang ikam hanya di bibir
     Sayang palsu kadaku tahu.

     Banyak rumah di nageri Siam
     Rumah kacil kada takira
     Ujar ikam, ikam pun sayang
     Rupanya ikam hanya badusta.

     Bukit Kucing kada babukit
     Dakat wan pakan Kelang
     Dikalintung ikam hatiku sakit
     Saribu tahun kadakan hilang.

Angah da'Sugih
     Ngalehai disambat..
     Mon Mar 15 05:48:28 1999
 

     Hantimun budu bacampur nangka
     Tanganga muntung taigut duri
     Amun kaitula ujar andika
     Maraha aku maundur diri

Tun Jeram
Fri Mar 12 00:16:38 1999
 

     Hujan turun manjalang fajar
     Pukul tujuh sudahpun tarang
     Hati taingin babini Banjar
     Batisku sudah di rantai orang.

     Subuh-subuh kapal balayar
     Balayar manuju Pulau Jawa
     Amun handak babini Banjar
     Kanalah mambuka cawangan kadua.

     Sambil bajalan sambil manoleh
     Batis luka takana tajak
     Baluk boleh, darak pun boleh
     Asal Banjar sama hajak.

     Angin batiup manuju taluk
     Jalan ikam tulak ka kadai
     Ada untungnya babini baluk
     Balum diajar, sudahpun pandai!

Luncup
     Pantun Hanyar
     Mon Mar 15 01:08:51 1999
 

     Sambil bajalan sambil manoleh
     Batis luka takana tajak
     Baluk boleh, darak pun boleh
     Asal Banjar sama hajak.

     Angin batiup manuju taluk
     Jalan ikam tulak ka kadai
     Ada untungnya babini baluk
     Balum diajar, sudahpun pandai!

   ITIK BAKUNYUNG DALAM SUNGAI
     BANYU DALAM HINGGAN GULU
     MUN BALU...JALANNYA LINGAI
     NYAMAN TUNGKAH UMPAT LALU

     Urangnya barantuk tapi ranai,
     Hinip bapatak ilah tikus;
     Supan bapander bahasa rakai,
     Kada bapander bahasa pupus.

Angah da'Sugih
    Tulak bawadah manjaring haruan
     Tahaga pulang Angah babini
     Tuhuk hudah urang basaruan
     Taga magunai kada dihirani

Allan
    BANGKAT RAKAI JATUH TAJALAPAK
     HAYAM TUMBAR HINTALU TAKIPAI
     AMUN BARATAAN RUMAH KITA PARAK
     LAWANG ULUN TANGKOR SAMPAI RAKAI

  Angah da'Sugih
  Talanggar lupak basikal jahai
     Kunyaan ditambah maramie' lagi
     Banjar Rusak indagin Malayu Rakai
     Sunyaan takambuh kada asli lagi

Allan
AWAK UYOH TUHOK BALALAH
     BARANTAT SATUMAT MAKAN KUINI
     INI PANG WADAH KITA BAASTILAH
     MANCU'URI BASA BANJAR NANG MURNI

     Bunga anggerik di tangah pakan
     Kada saasli anggerik di hutan
     Ikam bingking jadi rabutan
     Hatiku juak umpat tatawan.

     Makan ikan katulangan
     Pakai baju tatalu gubih
     Rupa bingking jadi pilihan 
     Rupanya aku tasalah pilih.

     Bagus di luar buah mampalam
     Sudah bahulat sampai ka bigik
     Amun rupa kalabihan ikam
     Labih bingking boleh kucarik.

     Dari Kandangan tulak ka Tungkal
     Singgah bamalam di Singapura
     Rupa bingking bukannya kakal
     Bila tuhak bakadut jua.

     Tulak bacuti ka Terengganu
     Singgah bamalam di pakan Marang
     Bibinik Banjar bukan jodohku
     Kakasih dah jadi binik orang.

     MARUMPUT DI PINGGIR PARANGGAN
     LUKA DIJARIGI BANYAK DARAHNYA
     BUNGA KADA TUNGGAL BUTINGAN
     CARI NANG LAIN GASAN HURUPANNYA

     Guring samalam di Seri Malaysia
     Tulak ka bazar mambali kain
     Amun kakasih kada satia
     Baiklah aku mancari lain.

     PAGI-PAGI MANAPAS BAJU
     TAPIH TAUNGKAP KADA BARASA
     IDABUL PIAN ULUN KATUJU
     LALAKI KADA BULIH PUTUS ASA

     Di Batu Buruk mambali roti
     Roti Malayu tawar rasanya
     Kudapat amas sebagai ganti
     Hilang suasa kada mengapa.

     TALINGA BAKURING DISAYAT UMBAYA
     UBAT DIKASAI MAGUN AI KAYA ITU
     KULAAN ARAI PIAN BAHAGIA
     MUDAHAN LAKAS BULIHI MINANTU

     Sambil bulik singgah di Pahang
     Di Teluk Cempedak mambali sotong
     Bibinik Banjar masih kusayang
     Tapi hanya umakku saikung!

     AMUN PARUT DINGIN MANGAIM
     UNTAL SAHANG WAN LAMUJU
     PADA KULAAN IKAM BAKULIM
     INGUH SURAH MAGUN AI MARAJU