![]()
11月13,14日
呢兩日仲佢開始傾d深入d既事情.
終於講左佢知我心入面諗乜.
唔知佢又點諗呢?

11月11日
呢個星期某人居然打左4次電話俾我.
最長果次仲傾成25分鐘.
真係勁開心.

11月3日
今晚本來同個friend去尖咀食飯行街, 應該好開心.
但突然間無晒mood, 無晒心機.
搞到成晚個氣氛都唔係太好.
如果你睇到呢段野, 就同你講聲sorry, 搞到你都冇晒mood.
不過我真係唔係嬲你, 希望你唔好誤會.

10月27日
好難得再見返佢, 仲主動打電話俾我.
不過我同佢開玩笑, 講錯說話.
激親佢, 收左我線.
果一刻真係好嬲自己玩咩呢?! 等左咁耐先再聽到佢把聲.
宜家講唔到兩句就唔知幾時再有得同佢傾電話喇.

9月22日
頗高興的一天, 識左幾個新朋友.
過左一個開心既晚上.
不過發現自己對酒精真係敏感, 飲完酒成身又紅晒.
買左新相機初試攝影, 幾好玩.
技術還有待改進, 不過有幾幅相尚算滿意.

9月4日
世事總是難料, 且峰迴路轉.
還以為那人會就此離去, 怎料今日又再相逢.

8月26日
今日踢波, 拉傷左大脾, 又俾人辣.
射12碼又宴客, 好耐冇入波喇.
不過我地既 goaless 11 終於有波入喇.

8月22日
有時真係好唔明白女孩子的心理.
既是要離去, 又何以對我說掛念我?
這一刻令人依依不捨, 轉眼間郤又決絕的向你告別.
算是臨別訴心聲嗎? 一息間的大起大跌, 受不了.....
更何況是人與人之間的感情? 對用水做的雙魚座, 更受不了!!

8月21日
今天, 一個很特別的日子.
一個特別的人對我說了一句我很想聽, 而又很有意思的話.
今天又是畢業後第一次找到工的一日.
新工作在北京上任, 對我來說, 那人的那番說話, 變得更特別!
心中郤有一種捨不得的感覺.
捨不得我的家人, 朋友, 捨不得那人, 捨不得香港...

8月19日
黑仔, 今晚踢波又食波餅, 又屈到手指.
隻腳傷患又越來越嚴重.
食波餅搞到幾頭痛.

8月16日
咁又一個月, 仲係未搵到工.
不過每天的日子過得尚可, 唔算太悶.
唔知會唔會在呢個暑假完之前搵到工呢?
話時話, 原來呢版唔係白寫, d friend真係會黎睇.
講返果個街度識既女仔, 識落原來份人唔係咁nice.
傾落覺得佢都幾自以為是, 自視過高.
所以都已經好少, 應該係話冇聯絡喇.

8月10日
一個月前識左個女仔, 唔係街度識果個, 幾好傾, 乜都講.
覺得佢個人都幾nice.
最開心係佢會主動講佢既生活我知, 同我分享.

7月9日
隔左1個月, 又有野寫, 今次好特別.
呢世仔第一次在街上向女仔搭訕.
仲要好好彩佢肯睬我, 之後就去左bar.
發覺佢幾nice, 於是拎左phone#, 做左朋友.

6月9日
成個幾月冇update, 今日終於有野寫.
今日個人突然好有衝勁, 好開心, 好有目標.
原來令人開心, 自己都會好開心架.
尤其係令好朋友由唔開心變成好開心.

6月3日
今晚踢波, 簡直係上身.
頭頂, 單刀窄位勁射, 遠程衝力射球 連中三元.
次次踢波都咁順就好喇.

4月23日
今日出海, 釣到勁多魚, 過百條都有.
至緊要係可以成班人一齊玩, 咁就做乜都咁開心啦.

4月20日
今日在poly踢波, 好鬼曬, 成身紅晒, 仲發興.
最大鑊踢爆左腳指公, 出晒血, 行路都痛, 有排唔使踢波.

4月17日
很充實的一天...
白天去左釣魚, 魚穫甚豐, 可惜樂極生悲.
忘記潮水漲退, 唯一生路被水淹沒, 無路可走.
好在有船家在附近駛來救我地一命.
之後晚上又去踢波, 全場3小時未失一球, 全勝!
不過釣魚時坐果隻船太拋, 寫呢段野個人都浮下浮下....

4月12日
呢排心情非常之好, 好到....飛起呀!
一黎交左 dissertation, 二黎ICQ又識左d好朋友.
三黎買左大黑摩季隻CD, 好聽到......痺呀.
d歌既beat同我既心情真係fit 到...痺呀!
呢排仲成日都見到想見既人, 一路都可以咁就好咯!

3月29日
唔知點解呢排做乜事好順利.
雖然做project忙左d, 不過呢排真係幾開心.
今日仲在poly 撞到個靚女netfriend 添, hehe.

3月18日
夜晚去左踢波, 今日既特別事唔係入左波....
而係有人同我補做生日, 總算都仲人有d我心.
雖然只係一餐普通晚飯, 但係當中既心意, 己令我好開心.

3月17日
今日係我牛一. 不過咁又點, 對我黎講同平日冇乜分別.
呢一兩年既生日尤其唔太開心.
唔係冇人同我慶祝, 只不過當我見到好多netfriend向我祝賀...
但d friend就一句野都冇講既時候, 有時會諗,...
到底朋友係要黎做乜? 飲飲食食? 嬉戲娛樂?
唔係我小器, 不過一句問候都冇, 莫講話傾心.
一句說話雖然好簡單, 但係就反映到一個人對你有冇心.
都唔係呢件事先令我有咁諗法, 唉, 都係算啦...
都唔係第一日先知班人係咁.

3月6日
好忙, 忙於做assignment, 趕project.
做到個人都好悶, 讀書都讀到開始悶, 開始有點厭倦.

2月14日
情人節, 一個唔關我事既節日.
街上一對對情侶好以好開心咁. 晚上同佢傾計佢都話好開心.
但係我就唔係幾開心, 因為我心入面湧現左一個念頭.
呢個念頭, 可能會令我作出一個抉擇.�.
呢個抉擇可能令我從此無憂, 亦可能畢生遺憾.
但可以肯定, 假若我作出呢個決定......
將會用上我有生以來最大的勇氣.

2月13日
情人節又黎喇, 不過好似唔關我事, 23年黎都係咁過架啦.
但係年年都諗... 唔知出年情人節會唔會關我事呢?

1月31日
成個月冇update個diary, 皆因好忙. 忙d乜? 咪係d project囉.
晚晚成3點幾4點先訓, 真係鐵人都做死.
