F r i e n d s

Wai (阿蕙)

打頭陣o既有蕙，佢係我o既小學同學。最鐘意打機，仲要以最快速度打爆機，所以身為

Game白痴o既我十分佩服！佢每個暑假都好忙，因為佢有暑期工做嘛！佢有好多朋友架，

成日上佢屋企打機！

Vance (阿ma)

我係o係中二開始識Vance，學期初佢坐係我前面。初時以為佢好靜，好嚴肅o個類人（因為

佢唔笑個樣好惡），點知識落又唔係喎！仲白痴過我（哈∼）我諗我同佢都幾有默契架，

我地一齊就會講埋ｄ白痴野！

Irene (大面人)

其實識o左Irene都有好耐喇，因為佢係我小學同學嘛！以前佢好大小姐脾氣架，但係上o左中學

再同佢熟絡o番，先發現佢好攪笑，成日講埋令人意外o既野，經常同Demon一唱一和！好多人

睇佢個樣以為佢好串，好乞人憎(哈哈∼佢樣衰而已)，但其實唔係！熟佢o既人都好鐘意同佢一

齊，因為聽佢講o野真係笑到肚痛！

Miu (阿妙)

阿妙都係我既小學同學。最鐘意利用d朋友仔啦∼∼∼哈哈！佢讀書好搏命架！

為左個會考幾乎六親不認。成日嗌冇錢，梗係啦，佢成日都洗晒ｄ錢買漫畫！

我都費事理佢呀！

Tiger (大貓)

5D人。我係中四先識Tiger o既。係成班friends之中得佢一個同我同班，加上佢咁o岩大我一日，

所以識o左冇耐就開始friend！初時識佢o既印象係覺得佢係好文靜，好乖o既男仔，

哈哈！佢算係幾乖仔架∼夠純呀！有時測驗我o地會鬥高／低份，輸o左請食糖！

係16-11-2000我認o左佢做我阿哥@佢既特徵係高大，一雙亮晶晶的大眼睛！

Ken  (賤人)

由F.2 開始識阿賤，初時都唔算好熟，係多數一大班人玩囉！

之後有左ICQ呢樣野，我地開始多左傾偈，開始熟落！阿賤好好人架！

GINNY (阿婷)

佢係我阿哥d friend 黎架，之後佢黎飲藥，咁就識左喇！

佢好鐘意粉藍色架，今年暑期我地仲一齊去做gym。

祝佢減肥成功！

o係呢度要講下5D人。

中三學期尾知道自己將要去4D班，初時都有ｄ唔開心架，因為大部分friends去晒C班，而我同阿妙就

分別入o左D同E班。o個時真係覺得好慘，又唔知同ｄ新朋友fd唔fd到，有ｄ擔心！

不過好彩，4D班好多都係中一時既同學---平面，佩珊，卞...咁都冇咁悶！而且又有阿巫阿珮，上堂講笑多過聽

書，激死班主任馮sir！之後中五開始，成班愈來愈好玩，仲成日攪BBQ！真係好開心∼

===＞有阿巫，阿珮，平面，佩珊，Morgan，大頭，阿卞，TiGer，肥虫，Fukur，L，老野，西裝友，藍鳥，海狗。

有幾個特別要講：

海狗--- 中四學期初平面就比左呢個花名佢，話佢好似海狗喎！海狗都幾好玩架，佢有幾隻大爆牙，笑o個時個樣好得意，

塊面又漲喎！佢一見到我就撩交打，仲成日嗌我『八婆』！

藍鳥 ---中五先識得藍鳥。佢呢個花名係我改既！因為佢個樣似囉∼不過o個時已經有人叫雀仔，

所以叫左佢做"男鳥"(以資識別)！藍鳥都幾好玩架，講野好攪笑！

西裝友--- 其實係中五學期尾，佢坐我前面，我地先開始熟。初時我以為佢係乖乖仔黎，對佢好“客氣”架，

之後玩玩下先知佢都幾串喎！成日窒頭窒勢！佢呢個名係物理莫ｓｉｒ改架！好鬼攪笑∼

Pen-friends ....... Cathy , Joyce ,Nataile , Peggy , Windy ,Snowie

關於固力果

生活小圖鑑

老友們

倩影集

We We Web Web

留言冊

塗鴉留言