ang babae sa dulo ng kabilang lamesa

(para kay mariel)

 

panay ang hagod mo sa iyong buhok

panay ang sulyap mo sa sulok

bawat kislot ng daliri mo’y may hatid na kutob

bawat kislap ng retina mo’y sa katahimikan dumudurog

 

tila yata gusto kitang hubdan

tila yata gusto kitang languyin

tila yata gusto kitang lakdan

tila yata gusto kitang sisirin

 

ano bang meron sa likod ng kamiseta mong itim?

ano bang meron sa likod ng mukha mong may lamlam-ningnig?

 

ang tutuo

sa kabila ng lahat ng ito

nais kitang makabahagi bilang tao

ika-24 ng oktubr,e 1998 / lungsod ng trece

Balik sa Main Page l Balik sa Kontents