- bulalakaw
- (para kay agnes)
- akala ko'y ang
- paglimot sa dating
- pag-ibig
- ay paglaya,
- subalit
- 'di pala
- isang gabing katitila
- pa lamang ng ulan
- naglalakad akong
- sakbit ang pangamba sa aking balikat
- habang namumulot
- ng mga latak ng aking pangarap.
- nang sa guguhit itong bulalakaw
- sa lawak ng kalangitang
- masuyong tinatanglawan
- ng liwanag ng buwan.
- saglit akong natigilan,
- saglit akong nawala sa natural.
- binuo ko sa bilog na usok
- ng sigarilyo
- ang kariktan ng iyong anyo,
- sa pag-asang makikita
- kitang muli sa ibang mundo.
- kinapa ko sa aking kupas na maong
- ang bulsitas ng aking pag-ibig,
- sa pag-asang mapapasaakin ka
- at dito'y maisisilid.
- nguni
- nagulantang na lamang ako sa katotohanang
- kailanma'y 'di ka maaring maangkin
- sapagkat
- doon ka kabilang sa langit
- at mga bituin.
- gayong ako'y matagal nang pag-aari
- ng lupa
- at makasarili kong damdamin.
- ito kailanman
- katiyakan
- para sa bagong pagsuyo
- ng isang duwag na puso.
- ika-12 ng agosto, 1997 / kalakhang maynila
- Balik sa Main Page l Balik sa Kontents