paa
- paa mo’y may sampung galamay
- panggala kung naiinip
- armas kung may kaaway
- paa mo’y mabaho
- kung galing sa medyas na paborito
- at sa sapatos na walang ligo
- paa ang pagkakakilanlan
- at sa sampung piso’y inilarawan
- isang bayani ng bayan
- paa mo’y libangan
- habang ito’y kinukutkot,
- habang ang libag
- na iyong kinakamot
- ay sabik mong malanghap
- paa’y masuwerte
- ‘wag itabi sa iskaparate
- ‘di tulad ni ka pepe
- saklay na walang buhay ang paa
1994 / nasugbu, batangas