pakulo sa katawan
- marami akong pakulo sa katawan.
- naroong pinahaba ko ang aking buhok
- na halos tumakip sa mahaba ko ring mukha.
- winarak ko ang aking pantalong maong
- na ang silbi sana’y
- sa binti ko’t hita’y kumanlong.
- binutas ko ang lambi ng aking taynga
- at itong kabiyak na arilyos
- ay naglambiting parang gagamba.
- nagpatatu ako
- at nagmistulang butuhing kanbas
- ni joselitong pintor-kulapol
- itong aking paypay at braso.
- noon ‘yun.
- ngayong ako’y de-trabaho na
- sa isang iginagalang
- at respetadong kumpanya.
- inalis ang tila tarsan sa aking taynga.
- tinakpan ang serpentina’t dragon
- sa burdado kong braso
- nitong mahabang manggas ng aking polo.
- isang disente’t di-pistong salwal
- ang paborito n’yang katerno.
- ang tanging ‘di bumagay sa akin
- ay itong aking buhok.
- dahil ako’y nagpakalbo.
ika-7 ng hunyo 1994 / nasugbu,batangas