sa monumento na lamang ba?
- saan nga ba sila magugunita?
- paano nga ba sila maaalala?
- sa monumento na lamang ba?
- o sa librong dinadakila?
- ‘di ba’t ‘di nila pinayagang magapi
- ang bayang minsang inapi
- ng mga dayuhang dumuhagi
- sa ating pagsasarili?
- sapat na ba ang perang papel?
- o ang mga rebultong yeso?
- at ang mga larawang iginuhit
- ng mga makasining na pinsel?
- makatarungan ba ang mapusyaw
- na ilaw dagitab na tanglaw
- sa kadakilaan nilang
- naging pangalan ng kalye?
- ‘tapos na ba ang pakikipaglaban
- na kanilang sinimulan
- at ngayo’y sa kalendaryo na lamang
- ang rebolusyon ipinagdiriwang?
- ‘di nga ba’t ang kontradiksyo’y pirming buhay
- ang madugong pag-aaklas rito iniluluwal?
1996 / indang, kabite