sasamahan kita
- sasamahan kita kung ang gabi’y kulimlim
- ‘di ko hahayaang maglaho ka sa dilim
- titingala tayong sabay, upang masdan ang bituin
- sasamahan kita kung ika’y puspos ng lumbay
- ‘di ko hahayaang lungkot sa iyo’y pumatay
- aaliwin kita sa tuwa’t hiwaga ng buhay
- sasamahan kita kung bumubuhos ang malakas na ulan
- ‘di ko hahayaang lamig ay ‘yong maramdaman
- yayakapin kita at ipadarama ang aking pagmamahal
- sasamahan kitang buuin ang iyong mga pangarap
- sasamahan kita upang mga panaginip mo’y matupad
- sasamahan kitang lumipad sa ulap ng galak
- sasamahan pa rin kita kung ika’y masaya nang ganap
- sasamahan pa rin kita kahit ‘di mo na ako gustong kasama
- sasamahan pa rin kita kahit man lang sa aking gunita
- 1995 / lungsod ng heneral santos