sino si santa claus?
- sino si santa claus? ang tanong sa ‘kin
- ng mga batang walang makain
- bakit maririwasang bata siya’y kapiling?
- ‘mantalang kami’y hindi niya pansin.
- pakinggan n’yo totoy, nene, nang malaman n’yo
- si santa claus ay isa lamang negosyo
- minamasdan lamang ang karukhaan ninyo
- ‘pagkat puhunan niya ay kayo
- kaya’t ngayong pasko ‘wag umasa sa keso
- sa magagarang damit at mapupulang lobo
- pansamantala lamang ang lahat ng ito
- kahirapan pa rin ang tunay n’yang aginaldo
ika-15 ng disyembre 1996 / tagig, kalakhang maynila