tugmaang walang tugma (taguri, akyon at adhektibo)

 

pinalakpakan ng seksing laway ang nasunog na bigotilyong lubid

at ang de-kwelyong gamu-gamo ay nag-araro sa kutuhing bibig

samantalang ang paos na hita ay kumain ng unanong himig

sa gitna ng kubang niyog at kalbong bolpen na kulot ang litid

umawit ang bahaw na tsinelas nang bumusina ang peryodikong hilaw

habang ang pakpak ng tinta ay tila berdeng barbekyung simisigaw

sa mga malambing na sumbrero ng singkiting lapis na ayaw umilaw

kahit pa bagong gradweyt ang kuripot na kili-kiling sumasayaw

ipinaligo ko ang sintas ng telebisyon na pinitas ko nang pa pabulong

kaya’t ang barkong nag-almusal ng kalawanging manok ay nagsinturon

sa ilalim ng hubong dyipni na humalik sa buldoser n’yang kalong

kasabay ng pagsimba ng piping sapatos sa nakatiwarik na city hall 

tinikman mo ang bungang-araw ng kasiping kong tsismosang buhok

pero binasted ng balediktoryang gripo ang bituing nabubulok

maging ang yapak na gitara ay nangamoy sa loob ng panis na gulok

at paiyak kong binakuran ang sipuning eroplanong nagmumukmok

manganganak na yata ang poging tigdas sa nagda-jogging kong utak

dahil ipinagtahi ko ng salamin ang sigarilyo ng platong sumusulak

natauhan lang ang lumilipad kong kilay nang pakutsarang nagulat

sa isang sundalong relos na nakalipstik at katulad ko ring BANGAG!

 

Balik sa Main Page lBalik sa Kontents