‘wag 2

(ang konklusyon)

 

nguni't

ngayong mga tugma't ritmo'y

muling bumalong

at mga liriko't talinhaga'y

muling bumangon

nakahanda ako ngayong

muling mag-alay ng tula

sa baya't sinisinta

 

nguni't

ngayong damdami't pagsuyo'y

muling naramdaman

at pagsinta

ay muling nagising

nakahanda ako ngayong

muling mag-alay ng pagibig

sa bagong kaniig

 

buong puso

kasama ang aking buong mundo…

 

ika-7 ng oktubre 1997 / kalakhang maynila

 

Balik sa Main Page l Balik sa Kontents