Pur si na pur
keladi beguyangan
Bismillah aku bapupur
sapa nang melihat kerindangan..
(ANTIN SULAI)
Pur pur bagamatan
keladi ketunggingan
bapupur urang kerindangan
kaluku ikam nang ketambukan
(SIDIANG)
duduk maungut baangan-angan
handak makan nasi beriyani
urang di sini tarus karindangan
urang di sana kada mahirani...
(DIANGLELA)
samalam ku guring kasiangan
diluar rumah hujan peripisan
mencari kakawalan nang sudi bepandiran
agar kada kesunyian!!!
(ANTIN SULAI)
nimbai lunta kana haruan
haruan ganal niring juakah
ungot-ungot kada karuan
duit da'idak bibinian bukah
(DIANG HARAT)
Diang harat batapas tapih
Imbah batapas tarus basisimpun
Untung awak balaki sugih
Makan nyaman amas basusun
(TUHALUS)
Arak pangantin kuliling kampung
pukul gandang babunyi agung
Ading galuh padih di hati
larangannya duduk batatai
didundang disayang didundang disayang
Ka palaminan bausung jinggung
kuda kipang wan kurung kurung
Kasihan galuh duduk di watun
mata basah luruh sarudung
didundang disayang didundang disayang
Kada pang sampai juduhnya
kasih nang dijunjung umai lawasnya
Sudah pang takdir
urang nang ampunnya
Kibas bandira urang bahaderah
salawat salam ya nabiullah
Galuh badoa langit dipandang
mudah-mudahan nang tuntung pandang
didundang disayang didundang disayang
(DEMANG LEHMAN)
gula gula, galapung galapung
biar kada bakula, asal sakampung
(PALUI) |
pun kaliapun
sapa badudik basisimpun....
( DIANGLELA)
Parit Gumpong, Parit Tuk Ngah,
Gigi rumpong tangah-tangah.
(INAH)
Pang pang pot
Bakul burok
Sapa bakantot
Bau harok..
(INAH)
teng teng iwit
pa tikok
ku ginting diburit
lalu ku tagok
(ALLAN)
Vic Morrow Rick Jason,
Hari murrow, handak hujan.
(INAH/MATJON)
Ram ram pisang,
pisang ko masak layo,
Masak sebiji, diandak bawah tangga,
Dicuntan olih hindu.
(INAH)
nyamannya makan karak
makan karak dalam piringan
nyamannya belarangan parak
nyaman betetirengan
(ALLAN)
Urangnya barantuk tapi ranai
Hinip bapatak ilah tikus
Supan bapander bahasa rakai
Kada bapander bahasa pupus
(TUHALUS)
bila duduk ai nang saurangan
kisah dulu kaganangan
nang dihadang balum jua datang
hati rasa karindangan
(ANTIN SULAI)
dari Amuntai ka Kandangan
naik bis motornya rusak
anun hati rasa karindangan
bawah parabahan gambar diandak
(ALLAN)
bila hati ai nang sudah rindang
taungut rasa dandaman
hati pusang lawas pang mahadang
bila jua badatang
(ANTIN SULAI)
batungkah ka kuala sungai
higa mahiga panuh papuhon
alur di tangah tampat lalu
basabar haja Antasari ai
unda lagi rahat mahimpun
duit jujuran balum jua mayu
(ALLAN) |
|
mahinam rasanya
saban hari ku tireng
bahasa ku rabah wan luka
disayat bubuhan saurang
kaya ini pang nasib bahasa
nang suah agung
mangantara sabil al muhtadin
dar al nafis
karya paguruan banjar
dikaji urang saNusantaraan
wayah ini hinip tapatak
sungkummmmmmmmmmm
kada maharati bubuhanku ini
supan basurah bahasa saurang
ungah wan bahasa urang
kaya ini kah...
kita manating bahasa
ayah, uma, paninian
nang suah manjadi darah nadi kita
rakat, muafakat...bakula
kerna inya....bahasa banjar
hidup Banjar.........
(RUZAINA)
|
Ayun baayun buah rimbayun
bakayuh kayuh sapanjang sungai
Alun baalun mun bajalan alun
hadangi haja kita pang baimbai
Kalu sudah ka ai
pian nang dapatnya
jangan tapisah biar pang sajari
kalu bujur pian pang nang handak
dimana jua ulun mahadangi
Hanyar hanyarnya hatiku rusak
rusak mamandang si bungas rupa
Ujar habar banyak pang nang handak saikung ikung
kadada nang jadi
Kalu pian ka ai nang maulah janji
kawa garang pian manuruti
Kalu pian nang talawas pang datang ading sudah
di tangan pang urang
Lamun jadi kita badua sayang
bantal sabuku ai sapaguringan
Lamun sudah jadi nyaman pang ranai kahada lagi
kita ganang mangganang
(KHAIRIL AZMI SURYANULLAH SURYANIE)
|
|
nimbai lunta kana haruan
haruan ganal niring juakah
ungot-ungot kada karuan
duit da'idak bibinian bukah
(DIANG HARAT)
nimbai lunta kana haruan
haruan baamuk lunta kuyak
amun duit wan harta jadi ukuran
bawa ke sini kena unda sipak
(RUZAINA)
haruan baamuk lunta kuyak
lunta kuyak diganti tampirai
tampirai dipasang sambil bapantun
Gancang bangat Ruzaina manyipak
Diang Harat tatawa arai
Tasalah langkah tasipak watun.
(JULAKNYA)
sapu tangan babuncu ampat
nang sabuncu dimakan api
amun watun tasipak sawat
awak taguh gin kada jadi
kena ku suruh ka rumah diang harat
pina inya bisa ditamba-i
(ALLAN)
|
tanam nyiur gading
jual di pakan kukup
tengok urang basanding
bantal guling diikup-ikup
(DIANGLELA)
Tuhuk balalah minik
kapala
Ubat kedada dikasai
sahang
Amun maikup bantal
kada apa-apa
Asal kada ba'amuk
manabang tihang
(RUZAINA)
cilang-cilang simata cacing
inya mancilang dibanyu baah
handak bailang lawang bakancing
inya basunduk tumat dibawah
(DIANG HARAT)
Kada tahu diwadah
cacing
Mapaam uni handak
maulah
Amun tahu lawang
bakancing
Ca`am takuni urang
sabuah
(AWIE DICU) |
|
jangan gundah jangan marista
amun manangis ilah kakanak.
amun mata ditiring mata
karas ilat, bapandir kadak
LATOK KALATOK MANABANG PUTAT
PUTAT DITABANG PINGGIR KATIWA
SUDAH BADAPAT KARAS ILAT
ITU TANDA CINTA PUGA
hati-hati mamuruk baju
baju hanyar kaluar lipatan
amun hati udah katuju
lakas bapadah awan kawitan.
MANJAMUR BAJU DI DADAIYAN
DADAIYAN LANTUR TAGATUK TANAH
SAJA BUJUR UJAR SAMPIYAN
TAKUTAN KAINA JADI FITNAH
Biar sampai ka pegelangan tangan
Nyaman barihat dipinggir banturan
lamaran ditampani mula balarangan
tinggi jangan maandak jujuran
URANG BARANTUK DI ATAS RUMAH
SAPALIH MAWADAI SAPALIH MANYARABI
AMUN JUJURAN DIANDAK MURAH
BAPAHALA KERNA MANURUT SUNAH NABI
handak mengupas pisang berangan
pisangnya masak kadak rata
lawas jangan, amun balarangan
kainak mintuha ngalih manata."
JANGAN LAWAS BALARANGAN
NYAMAN MINTUHA MANATA
AMUN LAKAS BAPANGANTINAN
LAKAS PULANG BULIHI CAHAYAMATA
(Kancur jarangau
balawan awan ALLAN)
|
umai ading nang di muhara banjar
bungasnya manarangi banua
mun tapandang paras dinda nang kadida tara
taingat bidadari di taman surga
umai ading nang marias alalak utara
bagirap-girap bintang di mata
nang malihat langsung jatuh cinta
kalangkaran nang jadi pigura alam dunia
umai diang nang di sungai raya
kulit putih mulus mancilang di naungan surya
kabanggaan bubuhan kandangan muka
jadi rabutan bubuhan rantau utara
umai galuh banjar di martapura
banua lima karindangan mahadang dinda
barakah Tuhan gasan banua ulama
kabungasan bawujud ka hati wan ka rupa
-
umai diang daha di tanah kelua
-
paruna rupa tanda karunia hidup di dunia
-
bakakamban rapat tanda karunia hidup diakhirat kaina
-
badua supaya anak kita alim tujuh turunan sampurna
(Ulat
Bulu) |
Oppatin, Sarawa waloh,
Esok kawin,Arini aruh.
Oppatin, Sarawa waloh,
Sapa kawin, siUtuh awn siGaloh.
Oppatin, Sarawa waloh,
Handak kawin, Jangan kalo`oh.
Oppatin, Sarawa Waloh,
Bila Kawin, Liir bapaloh.
Oppatin, Kalaras Pisang,
Amun Kawin, `PANGARAS`Pasang.
Oppatin, Tacungap-cungap,
Hanyar Kawin, Sajanya SADAP!..
(Angah
da`Sugih)
Ujar
kaka:
pucuk pisang gadangnya layu
kamana jua manambunakan
kuhadang hadang baluman lalu
kamana jua manakunakan
sirih kuning basampuk urat
lakasi tanam di tangah halaman
putih kuning batahi lalat
pangarinyuman maulah hati dandaman
ampat lima kuriding patah
patah sabilah di higa lawang
ampat lima kutanding sudah
kada manyama ikam nang kusayang
Ujar ading:
Asam pauh dalima pauh
rama rama kaka ai batali banang
pian jauh ulun pun jauh
sama sama kaka ai kita mangganang
(ULAT BULU)
|
Oppatin,
Datangnya satu
Handak
kawin, Dapatkan rastu
Oppatin,
Datangnya dua
Handak
kawin, Pohonlah doa
Oppatin,
Datangnya tiga
Bila
kawin, Hidup bahagia
Oppatin,
Datangnya empat
Bila
kawin, Biarlah rapat
Oppatin,
Datangnya lima
Bila
kawin, Biarlah lama
Oppatin,
Datangnya enam
Bila
kawin, Hati senang
Oppatin,
Datangnya tujuh
Bila
kawin, Jangan gelojoh
Oppatin,
Datangnya lapan
Bila
kawin, Bapusut baikupan
Oppatin
, Datangnya sembilan
Bila
kawin, Bagaya basinggulan
Oppatin,
Datangnya sapuluh
Imbah
kawin, Liir paluh.
(ba.ra.nga)
Amun
kada dirasani mana tahu nyamannya gangan
Amun
kada diitihi mana tahu tasasat di jalanan
Amun
kada diilangi mana tahu rakatnya kulaan
Amun
kada dikumpuli mana tahu hatibudi bebinian
Amun
kada mati mana tahu erti taqwa wan iman
(aLLan)
|
Asam
pauh delima batu
si rama-rama batali banang
kita bajauh baribu batu
dalam hati sama-sama manganang
(Kancur Jerangau)
ASAM
PAUH DELIMA BATU
LAYANG-LAYANG BARTALI BANANG
WALAUPUN JAUH BARIBU BATU
ADIK YG SORANG TATAP DI SAYANG
(Selasihh)
Tanam pauh bebuah delima
Gugur sabiji dibalah ampat
Biar haja sudah baanak lima
sayangku tatap kada maumat
(LUNCUP)
TANAM PAUH BEBUAH DELIMA
HARI MALAM BERSULUH LILIN
BIAR HAJA SUDAH BAANAK LIMA
ABANG TATAP MENGGARITI YG LAIN
(Selasihh)
Lalayang akak betali benang
Lalayang aku pagat talinya
Kancur-Selasihh terikat sayang,
Kalau sayang apa tandanya !
Kalau roboh kota Malaka,
Papan di Jawa Kancur dirikan.
Kalau sungguh bagai dikata
Harta dan nyawa kancur serahkan.
(Kancur Jerangau)
Asam
pauh delima batu
tatal isi biji dihalapat
ikam jauh hamba rindu
di Bapandiran kita badapat
(Inah KK)
Tatal isi biji dihalapat
Sagan makanan anak gajah,
Di Bapandiran kita badapat
Handak ai juga meniring wajah.
Sagan makanan anak gajah,
Anak hayam riuh sekandangan.
Handak ai juga meniring wajah.
Siang malam aur karindangan.
(Kancur Jerangau)
|
Angah tulak mangagau sapat
Sambil bapandir mamakan cucur
Maaf hajalah angah baumpat
Umpat bapandir umpat bacuur
(Angah da'Sugih)
Rama-rama batali banang
Hinggap di katewa di bawah kukuda
Dalam hati sama-sama mangganang
Bepandiran kawa dipercaya kada
Hinggap di katewa di bawah kukuda
Kada kawa bahinak kada kawa bailun
Bepandiran kawa dipercaya kada
Kerna dangsanak/bubuhan banyak nang ber"clone"
Kada kawa bahinak kada bailun
Gara-gara SiKancur nang harat mahuhuluti
Walaupun dangsanak banyak nang ber"clone"
Teruskan becuur awan Bahasa Banjar diharati !
(MattCd)
Nun jauh gunung bajajar
langit biru warna palangi
Amun bepandir bahasa banjar
hati tahibur senyaan diganangi
Kada kawa bahinak kada kawa bailun
Tamakan jalukap awan haruan salai
Ngaran hanja nang ada clone
surah banjar kadak tanilai
Kancur Jerangau lagi dikata nista
Kutarima dengan hati tarbuka
Mahuhulut bukan niat di hati kita
Kancur mohon maaf kada tarhingga.
(Kancur Jerangau)
Urang
Alim mambaca munakip
sempena menyambut haulan wali Saman
wayah krimon banyak nang singkip
nukar ruko gen tunggal bilahan
(aLLan^)
Wayah ngaleh kada baulihan
Awak garing gawi katuhukan
Nukar ruko tunggal bilahan
diisap pulang tunggal ikitan
(ba.ra.nga) |
amun bungul macam pak pandir
baik-baik ditipu maling
kadanya supan handak bapandir
kulir aur malihat carita kaling...
kulit tiwadak diulah mandai
masak gangan kacang landir
muntung hibak awan wadai
kayapa handak umpat bapandir
masak gangan kacang landir
hintalu masin dirandang garing
kada kawa umpat bapandir
urang baraya awak garing
main dam haji sampai ka malam
surung hidangan awan tambahannya
amun mangidam mamancuk hampalam
amun karindangan apa tambahnya
surung hidangan awan tambahannya
nasi kada cukup dimarahi umanya
amun karindangan apa tambanya
bawa bunga di ziarahi rumahnya |
banjar umma melayu emak
orang cina basaluar katuk
sadap lazat si nasi lamak
parut kanyang mata mangantuk
bulik Makah mambawa tamar
sepalih paruna ada nang buruk
lamun mangantuk masuk ka kamar
mara ikam ranai guring haruk
-
Parak raya rami bahuhungkar,sunyaan dihungkari,
-
Imbah raya kulir basisimpun,sunyaan batatahar.
-
Ari raya kulaan bailangan,Tatawaan
kuncahungan,
-
Imbah raya kulaan bulikan,hanyar tahu kahawaian.
-
Ari raya sunyaan ditungap,imbahitu
hanyar ungap-ungap,
-
Parak
raya sunyaan handak ditukari,imbaham kada tatahuri.
-
(Angah da'Sugih)
|
Kota Baru gunungnya bamega
Ombak manabur di
sala karang
Batamu lawanlah adinda
Iman di dada rasa
malayang
Pisang kalat tanamlah
babaris
Tabang pang bamban
kuhalangakan
Bahalat gunung nang
babaris
Hatiku dandam ku
salangakan
Burung bini batiti
di batang
Batang buluh kuning
manggading
Malam tadi bamimpilah
datang
Rasa datang bapaluk
wan ading
PANTUN MADIHIN
Tarabang burung sikaliyangan
Tarabang hinggap di kayu jati
Bahalat gunung lawan kayangan
Bahalat sampai mambawa mati
Papan sabilah sayang
Papan sabilah sayang
Wadah batiti
sapu tangan babuncu ampat
nang sabuncunya dimakan api
luka ditangan kawa dibabat
luka di hati mambawa mati
rambut saurat sayang
rambut saurat sayang
wadah batiti
pinang anum barangkap-rangkap
pinang tuha barundun-rundun,
kanapa nang anum maminta maaf
kanapa nang tuha maminta ampun
kalu durian ading tampuknya manggis
banyaknya giwang baparimata
kasian ading jangan manangis
banyak tabuang si banyu mata
(Khairil Azmi) |
Jangan gundah jangan marista
Amun manangis ilah kakanak
Amun mata diitiring mata
Karas ilat, bapandir kada
Latuk kalatuk manabang putat
Putat ditabang pinggir katiwa
Sudah badapat karas ilat
Itu tanda cinta puga
Hati-hati mamuruk baju
Baju hanyar kaluar lipatan
Amun hati udah katuju
Lakas bapadah awan kawitan
Manjamur baju didadaian
Dadaian lantur tagatuk tanah
Saja bujur ujar sampiyan
Takutan kaina jadi fitnah
Biar sampai kapagalangan tangan
Nyaman barihat dipinggir banturan
Lamaran ditampani mula balarangan
Tinggi jangan maandak jujuran
Urang barantuk diatas rumah
Sapalih mawadai sapalih manyarabi
Amun jujuran diandak murah
Bapahala menurut sunah nabi
Handak mengupas pisang berangan
Pisangnya masak kada rata
Lawas jangan balarangan
Kaina mintuha ngalih manata
Jangan lawas balarangan
Nyaman mintuha manata
Amun lakas bapangantinan
Lakas pulang baulih cahayamata.
|
Amun balahur Muha mu latat
Kuluku garing tajihing-jihing
Hudah tahaga si muha harat
Tuhuk tahiring kada taguring
Tangahari tulak kabandangan
Basangu sarunai awan saruling
Amun hati hudah karindangan
Dibihau gin magunai takurihing
Mutik buah sunyaan diunduh
Sunyaan disilak sunyaan diramu
Amun hudah tatamu juduh
Kayapa mailak magunai tatamu
Mutik buah awan buluh
Makan maman dalam cirat
Amun hudah tatamu juduh
Doa Aman Dunia Akhirat.
(Angah da Sugih) |
Pinang anum barangkap-rangkap
pinang tuha barundun-rundun,
kanapa nang anum maminta maaf
kanapa nang tuha maminta ampun
kalu durian ading tampuknya manggis
banyaknya giwang baparimata
kasian ading jangan manangis
banyak tabuang si banyu mata
(Khairil Azmi)
|
