guring janak
raya tahun 60an
Mon Jul 30 23:09:45 2001
 

SAMINGGU SABALUM RAYA

bahari tu litrik gin kadida lagik. kada batalibisin. radio gin makai bitri basah cap kucing, ampat sagi. macam wayahni la jua, balagu raya, Saloma,P.Ramlee, S.Jibeng, Ahmad Jais bagantian banyanyi lagu raya. Kami ni sibuk pang manabas halaman, bagunting rambut, manukar baju hanyar macam urang ngai jua. Baju cap 007 kasut betel plastik. Salawar tu bilang lundih di bawah pusat, katat pulang tu. musim nya pang kaitu. Balah malamnya tulak ka surau, sambayang tarawih nya satumat jua, main gila aci wan marcun banarai yang labih. Yang taganal tu baulah mariam buluh. Kakanakan damini kada suah mandangar marcun kada sarantian macam bahari. Halaman rumah tu mun kada ada bakas marcun, kada bakakanakan la rumah tu. kami balawan tabal bakas marcun. Ading yang haloi main mariam cuntang. Tanah di tabuk hagan maisie kabat wan sikit banyu, imbah tu tudungi wan cuntang, imbah tu cucuh, napang malacung cuntang tu naik ka atas. Bahari kada suah tadangar urang putus tangan main mariam buluh. Uma wan kakak di rumah sibuk babanam bahulu, arom baunya, guriakan parut, puasa kada suah tinggal. Patang kina ada haja yang bajual es buku pakai habok papan di kadai, oreng, sarsi, lici, cindol macam macam pang jualan. Malam, samua rumah badamaran, yang tabisa sikit tu maulah damaran bintang di gantung di ambin. balawan babanyakan damaran pang. mun kadida damaran, kada sah.

MALAM RAYA

bah, malam tu imbah haja radio madahkan raya, galaduian bunyi mariam wan marcun. Yang main bunga api gin dibatas bilang haja ah lagi. Kad raya yang bagirapan di gantung di dinding. Kad raya mun kada bagirap, asa kuman bangat. Malam tu uma malubi baju pakai harang pang, baju tu bakanji, mancarungit sait, adoi ! luka jar kawanan mahuhuluti. Asa kada mau taguring pang malam tu mahadangi subuh.

PAGI RAYA

ari raya nya kada tapi rame. Kami bahari bajalanan ka rumah urang kada suah di barie duit macam wayahni. Kami gin kada suah manyurung tangan mainta duit. Bujur bujur tulak bailangan wan makan wadai pang. Bahari ada KAPALA IDANG, yang nginto kada magan di makan.

RAYA KA 2

Papagian lagi bajurut urang di batas tulak ka pakan gasan ka panggung. Di Tok Insin ( Teluk Intan ) ada tiga panggung wayang yang di karumuni urang. 1. Panggung REX  2. Panggung Cathay  3. Panggung suku ( panggung suku ni tiket nya 25 sen ) inya carita Tarzan pang tiap tiap kali raya. Mun di panggung REX wan Cathay tu , bilang haja ah lagi urang anom bajajal jajal barabut manukat tiket. Kada macam wayahni urang ba atur mambali tiket. Mun di Cathay sarajin tu carita Mat Sentul tu pang yang baiya bangat urang barabut tiket. Masa tu sipa ada tunang, masa tu la ada paluang dating. Mambawa tunang naik basikar atawa naik bas yang panuh bajajal tu. Imbah manireng wayang tulakan makan mee rabus Mastan Ghani atawa makan ais kacang. Malam nya kaitu jua, ako satumat jua bulik ka rumah, imbah tu tulak kai pulang ka pakan umpat mahihibaki pakan. Siang tadi dah la latat dahi kakarujuk. Suak ( jambul ) macam Jefridin. Surui tajujul di paket balakang. Duit tiga ringgit jua pang di paket. Masa tu balum bisa mangurat lagi. Duit tiga ringgit tu habis di tukarakan reket.
 
 
 

KULAANJUA'AI
CARITA SADIH IMBAH RAYA
Tue Dec 11 17:28:42 2001
 

nahh...kita bemandak satumat awan kisah si utoh awan si ustadz amplop lah..hija akan marika toh basasanang saikit, baririhatan imbah salalu bangat dikuyai'i di ladam ruangan bapandiran nayak..

tagal, aku ada satu carita ni, sadih jua caritanya, tapi kurang sadih lah saikit mun dibanding awan carita sadih si liss pasal businesmen banjar kita tuh..nang kalumpanan awan si tukang talipon tuh..heheheh, dimanang ikam dapat idia tuh..lissaiii...aku tumatan tadi takurihingg surangan mangganagn kisah businesmen banjar kita tuhh..kasian...

carita ku ni ka'ini, jadi, handak dijadiakan carita, adalah satu kaluarga tuh, hanyar lagi bakawinan, anak saikong tumatan mandua bulan lagi..cinta sama cita lakuannya..parak dah bahari raya, si babini menakuni si laki, "ini pertama kali kita baraya sabagai laki bini, bang-ai, wajar haja kita baraya barami-ramian saikit, lagi pun, anak tangan saikong ni, napa kata kawitan mun kita bulik ka kampung lawan naiki bas barabutan haja, kiyapa pulang nanti dikuya urang kampung...jadi ca abang mikir akan kiyapa kita handak menghadang raya ni.." jar si bini awan takurihing kabungulann..

si laki manjawab.."kaini Diyang ai..kita ni lagi hanyar bakawin, abang asa kada parlu kada bahaharatan handak baraya, mayuk ai hudah awan barbas hajak bulik ka kampung..."jar si laki ambil manggaru-garu timpahanya sambil takurihing jua lah..sabab sambil maingat hutang citi tumatan handak mamayuakan hantaran kahwin dahulu lagi gin kada singhabisan lagi sampai wayai ini..
imbah saling barbalas-balasan alasan, akhirnya
si babini, bakaras...sambil manyaruakan "aku supan tahu lahhh! aku supan kiyapa kina dikuya urangggg!!!jaritnya awan hangkoi-hangkoinya..

kakalahan, si laki gin manggut-manggut kapala sambil mahi'ihakan si babini...

jadi, kaisokan harinya, silaki gin bulik ka rumah awan barkurita hanyar,,manyiwa ujarnya..si babini kasukaanlah..marah-hak manyiwa gin jadi am tuh, asal bulik kampung kada naik bas..

barcutilah laki bini nih dikampung bahaharian, parak dua minggu lawasnya, napang kada, saminggu di muar, saminggu di parit buntar! si laki bagawi pion pajabat, si bibini uperator pajabat nagn sama...gajih si laki maampat ratus, si bini sama'ai juak...simpanan sasen kadadak, hutang citi lagi kada singhabisan babayar...

nahhh...imbah raya, baparang ganal si dua laki bini nih...mulanya si bini asyik mangadu kiyapa hudah bahari-hari makan nasi balauk rampiyek haja, si laki gin sarik banar, manuduh si bini kadak sadar diri...kelawasan, perang mulut mula menjadi perang sanjata..parrrr!parrr! hinggap panampar...buk!buk! hinggap panumbuk,
 

di sabuah huspital di kuala lumpur, kalihatan saurang babinian sambil manggindung anak halui manggani'i saurang lalaki yang sadang tabaring di katil..umay yai..habis muha bangkak, mata hampir picak, talinga hirut...umay yai kasiannyak aiii...satumat kainak, kalihatan si banini maangkat si laki awan subalah tangan, sabab si laki ngalih handak maingsut..kasian si laki...

mural: lain kali, sekiranya hendak berbelanja, tengok poket dahulu, kalau tak banyak baki, jangan belanja berlebihan, sebab nanti jadi masalah..ini dikatakan masalah dicari! so, sebelum belanja, gunakan akal fikiran yang sihat, jangan ikut nafsu...dan yang paling penting, kedamaian keluarga, walaupun kononnya berdasar pada cinta setengah mati, akan tergugat juga akibat kesesakan belanja...selepas raya...so, ingat! pastikan ada belanja lebih selepas raya! jangan jadikan raya punca bencana, ie bencana rumah tangga..sekian, jumpa lagi
 

sambutan raya
Wed Dec 12 13:56:16 2001
 

nahh...ca liati napang diulah leh si diyang kita tuh..ju'uk ju'uk surangan, sambil kakurihing pulang tuhhhh...hai..sanang nyak hati lehh..bah alihh hai..ca dangari jua napanya rami bangat di rumah diyang tuhh..lago hari raya...hel amer awan uji rased ...bahhh...kahangkoian banar lagonya diyang ai..urang lain gin wayahini hudah kadak sabar jauak aii manghadang hari raya..kada ka kao surangan..

tapi, marahhak si diyang awan kalakonya, inyak mimang patot marasa ungah raya nih, bukan sabab puasanya panuh, (laa..bulan nih haja maniga balas hari si diyang kada puasa..sabab...biasalah, urang babiniann)tapi raya nih di"utoh"nya hudah bapadah (umayyaii,tumatan manigabulan parak puasa hudah bapadah nihh!)handak bailang ka rumah, jernya. tutu panggggggggg nang mambuat si diyang makin hari makin kada bisa guring, amun kurihing jangan carita lah..tumatan auran (tq geng..sebab betulkan banjar aku dulu :re:sibok) gin kurihing si diyang malajur sampai a talinga.

Diyang wayahini bukan kaya diyang dahulo...kadak bisa bapupur wan bagincoo..dahulo. diyang begawi basisimpun haja di rumah, tagal, imbah mula bagawi di kalumpur tumat tahun lapas, diyang bisa lah jua maikut-ikut kakawanan maharat..tu yang mambuat diyang samakin canggih kaliatannya..(ako akui mimang si diyang nih mimang harat, dulu masa di kampong..leehhh..maliat subalah mata gin ako kada hiran, tagal wayah ini, masa ako maliat inya turun bas bulik kampong saminggu lapas, wahhhh...kawalahan ako!langsung lupa ako ka anak babinian di rumah yang aur bahingusan!heheheheheh,,,(jantan kat mana pun biasanye sama saje, iyeeee,,selalu kate bio pape asal begaye..tak mengapeeeeeeee.., anak tige belas,masih ada hati nak nambah bini..heheheheh...)

bulik kita ka diyang lagik..

jadi, si diyang nih caritanya, di sababkan mimang harat di pajabat, rame lah urang barumutan handah ka inya..tapi si Utoh jua manjadi pilihannya..lalo, apa istimiwanya si utoh nih? kayini angah hai..si utoh ni habarannya mimang asa harat lah juak..rambut kaya hiro kuc kuc huta hai jer urang, kulit gin kuning, kaya kada ako, hirang bajamur sahaharian di bandang awan manangguk kali gawian. lagi pulang, si utoh nih bagajih saikit ganal lah dari sumaan urang yang barumutan tuhh...adalah parak maanam ratos sabulan..

tagal, si diyang nih tatarik awan si utoh nih bukan lah sabab gajihnya tuh..tapi pasal kuc kuc hotahai nya tuh lahh...nahh...kina mun raya kina, buleh lah ako mearai'akan hiro ko ni ka si imah, si inah, si udin (yang parnah manguyak ako kaya galah..sabab si diyang nih langsing tinggi urangnya..)

parsiapan rami diulah diyang..katupatnya, lamang nya, randangnya, sambal kacangnya, acar nya, dudul nya dsbnya..(cah..balilihan pulang muntong ko manyambat sunyaan ni...) tapi yang paling rami si diyang manyusun bunga kad raaya...walah-walahhhh...ada satu kad raya, umak aii..singganalan kaya saiz kartas, A4. digantung akan si diyang di puhon kad raya nya..nang ganjil tuh, puhon kad raya tuh hanyar ada ampat kaping..tiga singhalioan, kada imbang bangat diyang aii..

tagal marah hak! diyang aur kasukaan mananti hari bahagianya..sama-sama lah kita mandua'akan kabahagian si diyang...(malapas ako ka ikam diyanggggg...)

salam

moral: ini hanya secebis kisah benar di hari raya, rasa-rasanya kita masa muda-muda dulu pun macam diyang le juge kan..tapi kita jadi "utoh"nya...masa tu, ewah, control hensem memanjang..tapi lepas kawin anak dua, control suara sakan...sekian
 
 
 

lapas raya
Thu Dec 13 13:54:39 2001
 

ini ada sauting sketsa, lokasinya di sabuah rumah tiris dua tingkat, rumah murah lah tuu..di satu pakan parak awan kalumpur, di pinggir kalumpur lah, sanag nyambat!

klingking..klingking...krikk..klingking..krikk....
nah...ca di tabak, bungi napa kah tu tu tehhh..

syabasss...andika sunyaan mimang harat babanar...hi'ihh...itu lah si utoh kita harat mancungkil isi tabung "pajabat pos" anaknya! bah alih toh hai...barapa bulihi? (jangan di rawak utoh nayak, mun kada hakun makan panamparnyak, ca liati muhanya..takutan aku maliat.)

nah..si diyang tu pulang, napanya di ruming-ruming akan..kaya hayam tapalit tembelek hajak..muha gin kada tapi kaya muha urang..kayak kulit karbau hak ku liati..napa nya ikam ni diyang ngaiii...

nahh...si udin, si inah, si tapa, si liss, si DM (DM tuh apa lehhh?) si allan, ! napanyak yang karutusan-karutusan diigut tuh? lhaaa....napa nyak diigut di muntong? lha..ikam makan nasi balauk rempeyek haja kah kakanakan?oo, ada ai lauk lain lehh..ca ku liati..lha...bawang bahiris bacacah kicap! mayy yaiiiii...kiyapa ikam sunyaan nihhhhh...mun urang maliati ikam sunyaan nih..maraung inyak kasadihannn..ada jua rakyat ko nag kaya ini taroknya hidup sahaharianan..kada mayo kahh bunus nang dibari karajaan sabalom raya!!!!whuaaaaaaaaa...

itulah secebis kisah tiga hari selepas raya untuk dijadikan teladan. tapi, tahukah kita kenapa si utoh saparanakan sampai jadi sedemikian?

bagini kisahnya....

parak raya, gajih masuk awal, sapuluh haribulan masukai hudah..tambah pulang awan bunus si utoh awan si diyang...mayy yaii..rami nya sakaluarga! patang..bajurutan ka supermarket..manukar pakaian raya hagan anak-anak, man dua pasang saurang pulang tuh. Sanang jar diyang..kada payah mambasuh salalu, hari raya pertama, dipuruk satu, esoknya, dipuruk lagi satu..nah, nyamannyak aiii. ajakan si utoh handak manukar pakaian di kadai-kadai pinggir jalan kadak dihirani si diyang. Supan bang-ai! kina taliat urang kita huhuyabik mamilih pakaian nang kada baik..lagi pun raya satahon sakali..

ayoh hakkkk! jar utoh.

kaisokannya, si diyang manggarunum..kiyapa kita handak bulik ka kampong, si ipah

sambung lagi..
kiyapaaa kita handak bulik ka kampong, bang-ai,,supannyak aii kita kina diliati urang basasakan bajajalan dalam bas..

kada tahan muyak, si utoh gin manyiwalah sauting matukah..

parak lagi raya, si diyang garunuman lagi, kiyapa kita handak bulik mun kadadak babawa'aannn ka kampong...

utoh kita mahabang talinga..kada mayok lagi kahh biskut raya mo nang parak dua guni toohhhh!

kada kaitu bang--aii, ujar diyang, sambil malilit ka gulu si utoh..nah, kada jadi pulang si utoh kita ka musigit batarawihhhh..heheheheh

tumatan raya, diyang baulit hak ka utoh..oo banggg, kadada kah dijulongi ka kawitan sasaratus duak..supan bangaiii..

si utoh gin mancalok kah ka paket..nah! kada batarawih lagi si utoh kita malam tuhhh di kampung diyang!

bulik baraya, tutu pangggg muha masing-masing kaya matukah rakai..
 

yah!yah!, bajurutan kakanakan badatangan..ca liati nih, kami banyak baulih duit raya di kampung!!nah, simpan akan tabong kami nih hagan umpat ayah kaina ka makah!

ayoh hak...jar utoh,

kakananakan lakas bukahan handak bamain lagi, si utoh gin lakas maambil lidi hagan manjuluki tabungn kakanakan..

si diyang bapiragah kada maliat, dalam hati inya baucap "nasob baikkkkkkkkkk ada rajaki kakanakan...bulih jua dibuat mudal manukar ragi (saparti kata DM)maulah tapaiii.."

krikk..krikk...ting! jatuh sakupang

krik..krikk, tik! cah lima sen!
selian, terima kasihhh
 
 

main marcun
Thu Dec 13 11:27:44 2001
 

assalamualaikum,

ako hanyar hak mumbaca artikel ulih sdr allan. wah, tarimakasih lah atas artikel nag bagus tuh..ako cuba'i handak managgapai, tagal ako bukan panulis sarius kaya ikam, allan ai..surry lah. tapi, yang psti ako paham napa nang ikam tulis-akan, danmanyambut baik kayuh baimbai awan PAB tuh...

oh yaaa., ako handak bacarita saikit kisah ako tumatan haloi bamain marcun. jadi, wayah bahari tumatan halui,bila imbah babuka puasa, kami kakanakan sumaan bajurutan ka rumah saorang kawan bamain pulis santri sampai liwat malam. masa tuh ako lagi darjah tiga, saingatan ko. sakali, adalah surang kawan bamain marcun, malikit sumbu marcun lalo ditimbai ka tanah..

aku maliat tai, tagal marcun tuh kada malatup! sumbunya lambab luko..jadi aku gin tulak maitihi...nah, banaran pang jar ko, sumbunya pajah, tinggal mancungil labihkurang 2 mm hah lagi..

jadi, ako gin ma'arai lah mao jadi hiro malatupkan marcun tuh..kuih pulut sari muka ku sulum sakalian (aku sabanarnya sambil makan masa itu, iaitu kuih labihan buka puasa)lalu ako manggapai ka marcun. ku likit sumbunya ka lampu tujuh likur (yang ada baderetan di samua halaman rumah) lalu ku timbai..tagal...marcun tuh marikit pulang ka jari ku sabab marikit ka pulut maka'am..

Pangggggg!!! Marcun malatup.

Huarrrrrrrrrrrr!!! aku gin malatup

malima hari tiga jari kanan ko biru marining singganalan kaya panuh baa'air, padihnya kada bisa ako menyambatakan....

see: dulu tahun 70an, main mercun masih di"halalkan", so orang kata, kalau tak de mercum, serupa tak payah raye lee..atau budak zaman ni kata, kalau tak putus telinga atau tak putus jari, tak ragged le nak raye...

moral: tolong dililiati kakanakan kita tuh, awan sipa ia bakawanan, amun bakawanan awan pakar "bom", nahhh, jangan dihija'akan..kaluko pang kakanakan kita pulang jadi kaya ako baharii
 

bye, salam.
 

Kada sunyaannah yang basadihan limbah Raya kerana kada mayu duit pasal baiya babanar baungah masa raya . Ada ai jua kulaan Banjar nang rame imbah Raya.Kaya si Inah awan lakinyak siUdin tuh.Ca dangaran caritanyak:
Jam di taweng hudah pukul 1.00 pagi, tagal Inah magun baluman gureng.magun kakarubut surangan maulah wadai tampahan urang cagar Raya kaina.Si Udin gen kada pati mau gureng, barabah di higa parak Inah sambil manimang anak haloi nang rahat gureng.Tahun ni Inah banyak dapat tampahan jiran awan kawanan inta ulahan wadai Raya.Ujar dipa wadai ulahan Inah nyaman." Barapa ribu bigi urang manampah wadai Nah?"Udin batakon. " ada parak 10 ribu bigi ayahnyak ai" jawap Inah.Udin mangira-ngira barapa untungnyak hasil jualan wadai Inah.Amon saigi untung 3 kupang dah tantu dapat RM3,000.Umai banyak tu.Takureheng Udin." Haiii untung jua ako dapat bini bisa baulah wadai, bisa bacari duit" Udin basurah dalam hati.
" Aii ayahnyak, napaan takuriheng surangan, iilah urang kana waweh ha" ujar Inah batakon.
Ujar Udin" Kada ah, ako takuriheng ni pasal biniku ni bisa bacari duit.Sakurangnyak limbah Raya kaina kada la kita taungut kahabisan duit.Ni tahun hadap Utuh awan Iyang handak sakolahan, tanto banyak handak makai duit"
Imbah tu Udin lakas basurah lagi" Nah, hudah tuuh bagawi, ari jauh malam dah.Isok pulang.Nih ako ada hal sikit, lakasi basimpun, ca am kamari satumat.Udin takuriheng lagi....
 

Ada sato lagi carita pasal raya nih..ni carita banaran nih.

Diyang irin ditakdirkan kawin wan urang jauh salapas babarapa tahun bagawi . Handak di jadikan rajaki babarapa bulan imbah kawin dapat manukar rumah saurang. maklum haja 2 laki bini gajih kada tapi ganal...kuli pang, di kair lah kasana kamari handak mancari duit hagan Paguam bank dan Paguam Jualbali rumah tuh. Rahat takair kair tuh dapat lah jua mancari duit, habislah duit tabung haji...duit tabung kakanakan mamayuakan duit tuh...kada karasananan raya gen baparak hudah.

Bila raya sampai laki hidin mambawa'e diyang bulik baraya ka kampung lakinya, umanya saurang kada kisah...asalkan rumahtangga anak manantunya bahagia jer. Balik naik bas pang, napa lagi...masa tuh batianan 8 bulan. Diyang taho keadaan kagawatan ekonomi masa tuh..hanya Tuhan haja nang taho bagaimana bimbang nya hati diyang kina handak manalahakan bulan yang dirasakan panjang kina.

Masa bajalan jalan dipasar dikampung laki nya , diyang tatireng banyak Ragi dijual...tapikir hati diyang handak bisness Tapai imbah raya kina. Kada pikir panjang Diyang manukan RM5.00 ragi tuh.

Imbah raya mimang daida duit langsung...al mukhlisin...jadi diyang inta ditukarakan pulut barang 2 kilo. Barmula hari itu diyang gen baulah tapai dan bajual tapai...laku...barabutan kawanan manukar, tagal diyang dah kada tapi kuat dah, nang dalam parut maninjak ninjak...ayahnya pulang marimbat rimbat inta gani'e guring. Dihandapkan carita akhirnya sampailah ka panghujung bulan..GAJI sudah mari ooooo....bisness tapai pun tutup, samantara manunggu kalahiran cahaya mata dapat jua ayahnya bauji uji wan diyang.

Sekian lah nostalgia ku

Diang_Manjalara
imbah raya...
Thu Dec 13 14:17:41 2001
 

Maka arakian tasabut lah kisah satarusnya si Diang manis (ehm ehm perasan la tu)...inya dah taho dah apa kah KESAN nya carita LAKAS GAJI dan KASUDAHAN NYA IMBAH RAYA KINA.

Maka akalnya nang kada tapi bungol (pandai la tu..) marika rika cipta...napa kah HANDAK DIULAH HAGAN "cOVER uP" kadida duit kina..kiyaapa handak mambantas kina...uuhhhhhh...

Dangan lamah lambut inya manukar RAGI hagan maulah TAPAI . Imbah raya dangan muha nang slamberland si Diang_m mahambin Tapai ulahan saurang manjual nu kawan kawan,jadiam dapat untung RM10.00 sahari...mararan baasap jua dapurnya mahadang gajih kaluar kina.

Yeeeeeeeee....imbah dapat gaji haja, tutup kadai. Bila kawanan nakuni "kada jual tapai lagi kah Yang????". Jer diang..."eeehhhh silap aaaa..mana ada aku jual tapai...hampehhhhhhhhh".

sakian lah haja sacabis kisah Diyang handak hidup pahadanagn gaji tiba ...
quex...quex...quex