BABULUKAH?
"Suratman (kem)"
Dalam perjalanan dari Balikpapan menuju Banjarmasin, seorang pemuda
menumpang bus dan duduk persis disamping seorang gadis.
Bapak ini rencananya akan turun di Kampung Babulu darat. Sambil menunggu
ditempat tujuan karena perjalan memakan waktu hampir 6 jam, pemuda itu
sambil tiduran dan sekali-sekali menanyakan ke gadis yang disampingnya
"babulu kah dek?" untuk meyakinkan apakah sudah tiba atau belum, gadis yang
berada disamping tidak pernah mau menjawab. Pertanyaan itu selalu
diulang-ulang oleh pemuda itu setiap kali dia bangun dari tidurnya,
sehingga
gadis itu menjadi bosan dan karena sudah sering kali ditanyakan hal yang
sama gadis itu menjawab sambil berteriak " babula kah kadak kan ampunku
jua"
maksud si gadis ini "berbulu atau tidak itu kan punya saya juga!" , rupanya
si gadis ini salah pengertian, dikira si pemuda itu menanyakan apakah milik
si gadis itu sudah berbulu atau belum, haa..haa
 

SiPicak Lawan SiBurut
Angah da`Sugih

     Kaini surahnya,siPicak awan siBurut ni rakat babanar.Dimana
     ada siBurut situla ada hayumut siPicak.Jaurang tu`kamcengla`
     Aritu,siBurut mbawaie siPicak lawan mutik nyiur.Sipicak gin
     hakun.SiBurut mairit siPicak kapuhun nyiur."Ni ya Cak puhun
     nya".Ujar siBurut."Hiih,aku tahuai"Ujar siPicak yakin.
     SiBurut ngalintar,ianya manjat hulu.siPicak gin baparuhut,
     manjati gamat-gamat.Ia gin mahahar ka atas."Nah,Rut aku dah
     tahaga nyiur nih"Ujar siPicak kaaraian sambil mamulas...
     "Jangan Cak ai,ngintu burutku,kada ia nyiur"Ujar siBurut.
     "Cihh,kada ia ah,nyiur ni ah".SiPicak makun baiya mamulas.
     Lapas tu mandabuk la bunyi nyiur gugur.SiPicak takurihing.
     "Nah,Rut gugur dah,aku la manang ni lih"Ujar siPicak.
     "Manang apa,kau mulas burutku Cak ai,ni aku di bawah ni" si
     Burut taayu-yu dibawah puhun nyiur mamusut burutnya.
     "Laa kaitu ka,kaitu barelaan haja kita Rut ai"Ujar siPicak.
     SiPicak mancurat turun mamarinie siBurut.
     Takunan:1.Sipa yang kuat?      2.Sipa yang manang?     3.Kanapa urang tu baburut?
 
 

Hayam Jagau Tuha vs Hayam Jagau Anom
Allan^

     Julak Kancur bagana di Estate, sambil bagawi sidin maingun/maharagu ai jua 26 ikung
     hayam.25 ikung hayam parinduan (hayam bini hagan bahintalu) saikung hayam jagau
     tuha hagan lakinya.

     Kebelakangan ini hayam Julak Kancur kada pati pahintaluan bangat, sidin baidabul, ini
     pasti gara-gara hayam jagau tuha ini nang kada pati produktif lagi. Sidin gin tulak ka
     rumah Angah da' Sugih umpat manukar hayam jagau nang ta'anom lalu dibawa bulik ka
     rumah.

     Jagau Tuha "napang kah ikam dibawa ka mari oleh tuan ku?"
     Jagau Anom " gara-gara ikam pang nang kada hingkatan (kada kawa) ujar bahasa
     Banjar kada produktif pang".
     Jagau Tuha "kawakah ikam manjulung ka aku barang beberapa ikung bini?".
     Jagau Anom " kada rigi aku, sunyaannya nang 25 itu ampun aku jua".
     Jagau Tuha" aku katuju ai, taga ikam kana mambuktikan kawa mangalahakan aku
     balawan/lomba bukah jarak 50 meter".taga ikam kana mambari aku mulai bukah 10
     meter di hadapan ikam".
     Jagau Anom "aku katuju ai, pagi esok kita balawan/balomba.

     Kaesokannya Jagau Tuha gin balawan bukah awan Jagau Anom, Jagau Tuha bukah
     dihadapan/ka muka sebab inya mulai bukah 10 meter dihadapan.

     Bahimat hayam Jagau anum manyasah Jagau Tuha, bila parak jarak 1 meter handak
     mamotongi .....BANG!!!!!!! malapau ilun sanapang.......tajarangkang Jagau Anom mati.

     Sakalinya si Kancur nang manimbak.....tadikir sidin..."Uma ai sarik banar aku, sudah
     lima kali aku tatukar hayam jagau nang "HOMOSEX".............
 
 

Angah da`Sugih
     Lulungkang Awan Longkang
     Mon Sep 14 20:21:51 1998
 

     Kaini caritanya,lapas talahan mamadar nasi Angah gin tulak basurahan pasal
     kakanakan wahini kada pati hurui basurah
     Banjar.Jadi kawan tu carita pasal cucu kawannya.Musim cuti
     sakulah ni cucunya umpat diam awan paninian.Ari parak Sanja,
     ujar nininya"Ayuam Cu,caam katupi lulungkang tu jan".Cucunya
     gin mancari karatas turun ka tanah manutupi banturan.Imbah ,
     baranaiya lagi.Yang Nini ni niring lulungkang gagahap lagi.
     "Oi Cu,napa kada dikatup lulungkang tu,ari parak kadap dah"
     "Sudah tutup Nek"Ujar nang Cucu. "Tu yang gagahap napanya"
     Ujar Nininya kasarikan."Tu saya dah tutup dengan kertas"
     Cucunya menunjuk katanah.Nininya manjanguk ka tanah maniring
     karatas basusun di banturan."Ceh,ngintu kada ia lulungkang,
     niya lulungkang"Ujar nang Nini mangatup lulungkang."La,Cucu
     ingat longkang tu la lulungkang"Cucunya mengaru serba salah.
     "Yaam tu,bulik kina takuni ayahmu lah. " Nininya mangarunum.