|
|
waluh
Nangkap Ikan
Thu Oct 18 00:02:20 2001
suah lako kita sabarataan nangkap ikan
dangan nangkoi, maimbai, ngagau dan malunta
wayahni kakanakan lamini kada pate taho
lagi dah naper urang bahari nangkap ikan
samuannya handak nangkap ikan
apa beza kaampat ampatnya?
dari segi ulahannya, urangnya ataw caranya.
tawing jabuk
mengagau haruan
Thu Oct 18 01:03:00 2001
Halam ulun uyuh mengagau haruan awan sapat banua...caranya nyaman banar, amun haruan kana di saluk lubang nya, iayak suka bapatak dalam lubang di dalam parit..silak bawah rumput, tangan kana bagamat..kina ia malacung...amun tapusut kapalanya..maka'am lakasi di rungkup di kapala...amun sapat lagi nyaman...caranya ulah lupak tapak batis dalam parit hulu..banyu kana di hayau sampai karuh..nah amun ikan dah minik ,ia babuat didalam lupak batis...caranya di gatuk bagamat dengan tapak batis dalam banyu...amun takana awak ngintu pang capati di picik kapalanya...ulun halam kalau mengagau maunya sa timba bajubung iwak sapat...
ujik jabis
gagau...
Thu Oct 18 10:29:14 2001
umai saja rami leh urang bakisahan pasal manggagau ni leh...aku gin halam kayaitu ai jua...mun iwak kali tuh makai tangan haja manangkapinya...suah sakali aku manggagau parak maniga puluh ikung iwak kali ko bulihi...mana ada lupak di bandang tuh kami ancap nunti'i kada tahu di takutan....mun ada ular tuh dihijakan haja inya lalu..kada mahawur kada ah...damini ca disuruh kayaitu pulang...umai saikung kali gin tuhuk handak manangkapi kaluko takana pantingnya...hudah tahu di takutan napa....
warangan
Re: Nangkap Ikan
Thu Oct 18 01:02:27 2001
ako kada suah mandangar maimbai...amun manimba /batimba kubang/lupak dibandang ako suah haja...bilang baguni baja taulihi iwak
nang sama sauting jua ako manangguh..sunyaan makai tangan...
manangkoi/mahancau makai tangan...jaring nya ampat sagi...di kambang
nga kan awan buluh...maangkat gin awan batang buluh...
amon manangloi ni pa bahadangan pang dipinggir parit..amon ada kudap
ikan di kawasan tangkoi laluan ha badadas yangkoi diangkat..
mangagau ni awan tangan haja...amun diparit wayah mambuang banyu ( musim parak mangatam ) ayuhaja hahayunung dalam banyu bagagau awan tangan...mancari sapat di sasala batang hampalam,batang nyiur,disasala tihang titi atawa rarabaan.
bagagau nih hingkatai ua di lubak ditangah-tangah bandang..ayuhaja napa haja ikan nang taulihi sunyaan ditangkap( aci hahar haja )...
bahari skillnya tinggi ngah ai...tyasantuh haja ikan taho dah haruan kah, papuyu kah, kali kah atawa puracik haja kah...sunyaan tangkap pakai tangan ( bare hand ) langsung kada takutan ka panting kali.....
malunta....nang paling nyaman taulihi...ditibaihaja amun kaliatan kudap ikan di banyu..gerenti kana..tagal amon malunta haruan...masa manarik kana bagamatan, amon badadas yaam malacungan pang haruan...tu maka mam maka luncung...
lundu kada magan ditimbai i lunta...manimbai satumat haja...maipi'i iwaknya makaam mau batangah harian...ako suahai dimamai'i mamarina malunta lundu...talalu excited napa hanyar bisa manimbai lunta..
tu pang pengalaman warangan satu masa dahulu.
hamat
maambai lukok
Thu Oct 18 01:18:54 2001
maambai tuh kaini.Amun dibandang pukat nang mata halui diulah ampat sagi kira-kira 4x5 kaki.Sarungan bapagang 2 panjuru sabalah kiri,sarungan lagi di sabalah kanan.Imbah tuh tireng pang mana ada anak iwak banyak bakumpol.Imbah tuh kapong pang sambil manyaok.Ulihannya banyak tahok, banya daripada manangguk tagal ulihannya dibahagi 2.
Amun di parit kaiitu jua caranya tagal pukat tuh diganti dengan kalambu kuyak atau kain langsir.Nang ngini hagan manangkap anak hundang pulang.Cara ngini kana bagamat-gamat.
Kaito pang yang ku taho
ps: Lama kada suah makan garinting anak iwak,anak iwak bapais buwuti
hampalam, tuup manis anak iwak.... mana handak ncari'e hungkoleh.
warangan
Re: maambai lukok
Thu Oct 18 01:28:38 2001
ohhh kayaito leh?
amon mamukat to ditampatko bahari dikiyau mamukat ai jua.....
pa badua pang mamukat...saikung manarik dibubalah sini...higa tabing parit,nang saikong lagi di subarang nya pulang...anggaran mamukat mau ai 5 ataw 6 rantai...panghujung nya di pasangi pukat bahalang...jadi amun ada ikan nang handak malacong, bakunyung ka hadap kada hingkat...tanto tabuatan dalam pukat...
ulihannya...bilang bapati-pati pang...kada muat wadah
Pupudak ..Matai
RE:Nangkap ikan..nang ku taho
Thu Oct 18 00:26:05 2001
Nangkoi-alatnaya ampat pasagi ba kukuwar mancuir panjangnya mun kada
silap satiap panjuru net ada bilah buluh bulih dikariup, bila handak makai
dimasukkan hujung bilah ka buluh babantuk T hanyar diikat ka kukuar panjang
diandak kadalam banyuk agak-agak ada ikan babuat gagamat diangkat, mun
di kolam bagus haja.Rami malihat iakan kalacongan dalam net kaitu pang.
Ngagau- mun kada silap kada payah makai alat apa-apa dihahar wan tangan
haja biasanya dlam parit kada pati dalam,mun kada bisa mau tagagau tadong.
Malunta- ngini takuni Angah Lunta...jar urang jala pang,ditimbai kabanyu
parit,sungai,kolam hingkat haja; pimbaratnya musti ada galanggalang vasi
mun tasungkup ikan disitu arai taulihi.Mun kada bisa manibar mau takariup
kada maurak kada taulihi ikan..mapa pang bukahan haja ikan maniring.Yang
ngalihnya mun tasangkut ka kayu mau tajun mahahar mun kada, cawah kayina
lunta mun di tarik bahimat.
Maimbai--kada tahu ako am.
warangan
Re: banjur / taut
Thu Oct 18 02:23:11 2001
banjur awan taut ni suah ai jua...tapi nang rame di sungai pang...ako bahari wayah ada sampan salalu ai mamasang taut nih.....umpatnya hulat batang nyiur...amon ada batang sago buruk...hulatnya lagi sakan...sanang mamatuk...
di sungai nih mambanjur tauli tapah, baung atawa sanggiringan...pa ganal lagi pada pagalangan tangan.....
amun di bandang ada ai jua mambanjur....haruan la nang utama... umpannya anak papuyu atawa anak iwak sapat runggeng...
heheheee