(Luncup)

• Jangan makan nasi ari sanja, kaina bandang di makan tikus
• Jangan bataharap hari sanja, kaina kamatian uma
• Jangan makan humbal sabijian kaina batakuk pohon gulu
• Jangan duduk atas bantal, kaina babisulan.
• Amun rahat basunat balum ampih jangan malangkah tahi hayam mantong, kaina KULUPPPPPPPPP.

• jangan manapas kalambu disungai bisa ditungap buhuya
• jangan main umbaya (bayang) kena sayatnya talinga

• jangan maindap urang bakamih/bahira, picak mata ikam kaina.
• Urang babini amun tangah rigat jangan baulah tapai (baik tapai lakatan@ hubi), kaina habang tapainya.
• amun batanam jagung kantip muntung rapat-rapat, jangan bapandir, kaina buah jagung peruna, racap bijinya.

• Daham mahirup banyu wadi, kaina rahat basanding kahujanan.
• Amun maharu nasi sanduk daham ditajak dalam kuantan/periuk kaina mati disuduk urang.
• Pembarasan (wadah baras) daham sawat dipuangkan, kada parezakian

• Amun tangah makan sudu/sanduk jangan mahadap ka awak kina mati kana timbak.
• Amun tangah mangukus pulut jangan disepak puntung kayu kina sampai subuh gin pulut tu kada masak.
• Jangan barabah manalantang ka langit mun kada babumbung kina lalu burung halang kaluku mati. JANGAN makan baubah-ubah tampat kaina banyak BINI.(Raminya?)

• Babinian kada bulih badudukan di muhara lawang pas sanja, kaina ngalih balaki.
• Jangan mahintipakan urang baranak, kaina kada bakulih mun maunjun iwak.
• Babinian jangan makan pisang kambar, kaina anaknya kambar jua, ngalih maranakakan.
• Kada bulih manunjuk kuburan pakai jari talunjuk, kaina bisa kapidaraan.
• Kada bulih mandadai salawar dalam di muhara lawang, kaina sarumahan panggaringan.
• Mun lagi bahera kada bulih malihati tahi saurang, kaina bakurang kabungasan.
• Kada bulih mamandiakan kakanakan bayi pakai banyu bakas batatapas, kaina mun si kakanak tu ganal, bisa babau tarus awaknya.
• Bau awak kawa dikatahuani malalui bau lintuhut.
• Kada bulih basiul malam, kaina didatangi hantu.
• Sasapu ijuk mun diandak di dinding lawang malam-malam, kawa gasan manangkal  maling.

• Urang babini amun tangah rigat jangan baulah tapai (baik tapai lakatan@ hubi), kaina habang tapainya.
• Amun batanam jagung kantip muntung rapat-rapat, jangan bapandir, kaina buah jagung peruna, racap bijinya.

•  Amun ada bubuhan nang kada kawa baucap di padang urang banyak, awak gelidikan,     coba amalkan bajuntai batis ka dalan sungai nang banyunya landas (mengalir), insyallah     kaina panyakit gelidikannya tu umpat jua hanyut di banyu landas.....
• amun ular sawah nang ganal masuk ka karambas manangkap hayam atawa kambing,     sabalum manimpas ular itu kilirkan dahulu parang ka timpa amun kada ujar urang tuha kada pagat kaina manatak ular sawah tu.
• Maunjun iwak amun handak paulihan atawa lakas umpan dipatuk jangan mamakai baju. Amun handak lakas maunjun hari malam guring jangan mamakai tapih.........