Untitled

PutriSonia : Lissa Amira
Uma Sonia : Umi @ DM
Raja Kaling : Julak
PanglimaKaling: Pang5
Bandahara : Tinjau
Hulubalang : Tataguk

Kumpulan 2 ( dari Banua Banjarmasen)
Raja Banjar : TawengJabuk
Permaisuri : Daida( mati)
Panglimanya : UjikJabis
Hulubalang : Buburak
Katua lanun : Ako pang hahahaha
Lanun lanun : ikanwadi,lunta,hanchaw,tampirai,haruansisik
( sunyaan diam di banyu pang...)

Al Kisah tarsebut di banua Kalingau, ada saekong raja kaling bangaran TungkoJulak nang bininyak bangaran DiangMalacong dan maharagu saikong putri nang bungas bangaran PutriSoniaAmira, ujar nang ampunya caritera.

Adapun urang banua Kalingau tu hirang-hirang awaknya,gulu panjang iilah bangau, mon bajalan halingau-halingau.....

Dikisahkan pulang di Banua Banjar ada rajanyak bangaran PadukaSriTawengJabuk, lawas kamatian bini pasalnya tataguk hintalo buburak.Maka hari-hari baginda taungut kada bakawan awan tangah mamikirkan cagar bacari bini nang anom.

Adapun urang-urang di banua Banjar ni barataan pawanian. Pantang dicabar..lu handak manimpas haja.Suah sakali, tadangar bunyi malatop saikit, bahh barataan malacongan handak batimpas!! Rupanya bunyi kantot banarai haa...

Syahdan, maka PadukaTawengJabuk batakon ka manterinyak "Hai MAMAK BendaharaUjikJabis, ako ni asa lingo surangan kaya ini, tiap malam asa kada nyaman gureng...kapala gen asa minik nihhh. Apa pandapatan mo??"
" OOhhh kiito Paduka? Mon kiito, kapala tagak minik to tanda Paduka handak babini lagik tu oh!!"Ujar Mamak tadi.

" Kaya ini Paduka, ulun ada tadangar kulaan madahkan, ada putri nang bungas bangaran PutriSoniaAmira dari Banua Kalingau, bungas banar urangnyak,hidong dampak haja, kantot gen arom jarr.." Tadangar haja putri bungas, PadukaTJabuk lakas bangun, mata gen sigaaarrr!!" Dinto kah, mon kaya ito ako handak banar babini PutriSonia to, lakasi basimpun kita ka sanaan.." Ujar Paduka.

" Basasabar Paduka aii, kiini Paduka, Banua Kalingau to jauh banar tampatnyak, lalu ikot laut Hindi,jauuuh,lanon gen banyak. To dakat pulau Sipadan/Sulu to ada lanon, katuhanyak si UtohKidok jarr. Ianya ni bakulaan Abu Sayap, nang suka manculek urang to" jar MamakUJabis mamadahkan.

Maka malam to jua PadukaTJabok manyuruh saruani sunyaan kroni & panglima cagar bapakat kaya apa akalan handak maminang PurtiKaling nang bungas toh.

" Mahap Paduka, mon ikot akalan ko, kita parangi haja nagari Kalingau to, dipa kada pawanian kada pang, sakali bihau bukahan pang!!!" jar Pang5BatuApi(Ba) asa kada sasabar lagik.

" Ehh kiito akalan bubungulan banarai, kada usah ngaleh-ngaleh, kita jumpae lanon UtohKidok & Abu Sayap, upahakan cagar manculek PutriSoniaAmira nang kantot arom toh!!" ujar Mantari KDN TasmakHirang.

Takuriheng PadukaTJabok mandangar, sambil manapak kapala MantariTasmakHirang nang butak " Nahhh, bujur bujur!! hahahaha!!" jar PadukaTJ. " Tuanko Paduka, kapala ko bulat nih kada bujur kada" balas mantarinya. Imbaham baratan tatawaan.......

Nah, isoknyak papagian,balum sawat burung tinjau bakuciak, Pang5BatuApi, ParutBuntoi,Cangkarok & lain-lain baisuran naik tungkang jabuk manuju ka tampat lanon siUtohKidok & kukulaannyak....di Pulau Sipadan/Sulu

Arakian cukup haja bulan purnama panoh, maka umur PutriSoniaAmira gen manjangkau ka 31 tahun tangah ranom bagi urang Banua Kalingau. Macam kabiasaanya pang Raja KalingauTungkoJulak baarohan ganal, habis sunyaan urang kaling bajurutan tulakan ka istana...pasalnyak tanto dapat makan pree..jarr.Ibaratnyak: nang picak datang manggagau, nang tule tahiyau-hiyau, nang tingka uyuh bajalan,nang lamak bainggang-inggang, nang baburut mamatak hintalo.....

7 hari 7 malam baarohan, habis hayam, lambo. kambiang disumbalehi..banyu tapai licin bagadur-gadur, banyu diparit saikit lagi karinggg...pasalnyak musim kamarau.Wadai sagala wadei jua gen banyak banar diulah.

RajaKaling tarasa rame banar, kroni & Pang5Tubeng,MAMAK BandaharSriTinjau, kada karing gusi mamuji-muji sidin toh.Maka taingat RajaKaling nang Purtinya magun haja balom balaki, umur dah 31thn. harap kantot haja arom...lalu basurah RajaKaling " Hai..Mamak! Padahakan kasamua urang saluruh banua Kalingau, ako handak mancariakan laki sagan PutriSoniaAmira nihh.Tapi ada saratnyak!!".

"Napa saratnyak Tungko??" ujar Pang5Tubeng batakon." Kaya ini, sipa-sipa nang kawa bakantot nang paling mardu lagi nyaring, ianya akan jadi laki putri ko"sambat Raja.Barataan kroni/mantari/pang5 kurihengan mandangarnyak. Masing-masing masang angan-angan handak malakii PutriSonia...tarutamanyak Pang5Tubeng..heheheee

Maka raja gen mamarintahkan Mamak Bendahara Tinjau mahabari
ka rakyat jelata pasal handak mancari minanto yang bakantot nyaring lagi mardu,hagan putri kasayangan putri Sonia Amira.

Maka bila barita nih tasibar luas, maka banyaklah yang handak mancuba nasib,tamasuklah Mamak Bendahara awan Pang5
Tobeng heheheheheh...
Saja menjadi adat setiap pertandingan, musti ada pengadil.
amun kadada pengadil napa handak mancari pamanang.
Maka dengan bangganya Baginda sendiri mamilah berapa urang
menterinya hagan jadi pengadil ,termasuk Utuh kiduk sebagai
ketua pengadil.

saminggu sabalum pertandingan ,maka banyaklah urang yang handak masuk batanding balatih bakantot.sampai ada yang mamodify kalimut supaya hingkat bakantut nyaring lagi mardu.
ada yang baandaki buluh mariam dikalaimut ,nyaman bakantut kaina nyaring ilunnya ilah mariam buluh jar...

sampai ari pertandingan ,saikong-saikong bakantot maikut giliran.yang mari tatawanya nih sunyaan pangadil tatulian ,
jadi pasarta yang handak bakantut,kana paraki ka talinga salah saurang pengadil...
bila sampai giliran Mamak bendahara tinjau handak bakantut ,
maka ia gen maandak kalimut higa talinga pengadil (menteri kerja raya...putih bagirap)bila mamak bendahara bakantut
kaluarlah ilunnya yang nyaring ilah guntur ,tagal kada mardu.pengadil tadih sunging talinga ,rabah tarus pingsan ..
takaluar mamak bendahara dari pertandingan pasalnya ilun haja nyaring ,kada mardu.
Giliran pang5Tobeng pulang bakantut.Ia gen maraki katalinga
ketua pangadil Utuh KIduk.Pang5Tobeng gen bakantut ilunnya kada nyaring ,tagal merdu pasalnya anginnya takaluar awan isinya..(cirit pang )napa pang limbui kapala katua pangadil
awan cirit panglima tobeng......

Dalam pada itu rumbungan dari Paduka Tawing Jabuk berlabuh
di pelabuhan Banua kalingau......

Maka gigir babanar urang Kalingau manirengakan partandingan bakantot tuh, bau kada kiralah habis bamamacam bau nang kaluaran...adapun Pang5Tubeng nang tacirit to malacong karamian. Asa annyak ianya pang nang manang, kalumpanan ianya saluar basah kada babasuh lagi...urang Kaling riuh manawaakan hahahaha ammmak!!

Katuha pangadil bangaran UtuhKidok nang takana cirit tuh, lain si UtohKidok katuha lanon. Nang nginto UtohKidok Kalingau...saja kada pati pintar.

Pabila rumbungan wakil PadukaTJabok sampai ka istana, dipa gen tanganga maitihi partandingan nang luar biasa nih!!Kada suah tahaga lagi. Pang5BatuApi awal awal lagi takureng, jiheng jiheng, tarus basurah " Wahai TungkoJulak, buleh jua kah kami dari jauh nih umpat batanding?? Untung-untung dapat kami mambawa bulik PutriSonia toh" Dijawab TungkoJulak " Ayooo aaii!!Kami gen handak mandangar kaya apa bunyi kantot urang Banua Banjar!!"

Maka partandingan nih saja hibat!! Antara Pang5Tubeng lawan Pang5BatuApi, masing-masing punya kapakaran bakantot.Urang Kalingau riuh ma urahkan wakil dari Banjar, kununnya kada bisa bakantot. Tapi Pang5BatuApi salambaa jerrrr...Maka pangadil hanyar diganti bangaran TunTatagok gen ma andak mic laudspikal bubujuran kalimut Pang5Ba. Urang gen ranai..mahadangi..

Pang5Ba gen mula manahan hinak lalu mula bakantot babunyi kiini : " pang katipang, puttt!!ppuuuutttt!!!"
"Pang katipang PPPuuuttt!!PPPuuuuuttt!!!!"
Ummaiii..mardunya dan kuatnya, barataan urang gigir karamian. PutriSoniaAmira wan Parmaisuri DiyangMalacong, malacong-lacong karamian!!!

RajaKalingau tarus bangun ma umumkan nang Pang5BatuApi manang dan buleh mangawini PutriSonia!!!Malam to wakil dari Banjar GurengJanak pang!!Isok cagar handak bulik ka Banua Banjar cagar mahadiahkan PadukaTJabok awan bini anom nang bungas toh....
( Tapiiii Pang5BatuApi kada karuan rasa pang hahaha)

     Shahdan sampai ari nyak rumbungan Pang5BatuApi,Parut Buntoi, Cangkarok awan nang lain handak
     bulikan ka Banua Banjar, sambil mambawa PutriSoniaAmira. Dipa bulik naik kapal tungkang jabuk, lalu
     jalan laut Hindi, 3 bulan hanyar sampai ka Banua Banjar.Sabalom bulik, siParutBuntoi sawat mahadiahi
     TungkoJulak awan LadingBanjar, mambagie ka ParmaisuriDiangMalacong 5 guri ikan wadi... bahhh arai
     banar ianyak!!!Kaciur banyu liurrr..

     Kamandakanyak balum sampai ka BanuaBanjar, rumbungan tadi dihadangi katuha lanon UtohKidok awan
     kulaanyak urang-urang Abu Sayap!!Nih nang ngaleh sikit nihh...SiUtohKidok malacong ka tungkang
     Pang5BatuApi sambil mambihau " OOiii Ikam sipa hah?? Kada nandu akokah???Nihhh kapala lanon
     taholeh!!Ikam barataan urang mana??" jar UtohKidok bamirah-mirah bigi mata..

     " Anoo, anooo...kami ni urang Banjar jua ai, kaya ikam pang, mao haja kita kulaan hungko leh?" jar
     ParutBuntoi bapiragah baik. Lalu ditampileng UtohKidok " CEHH!!Ikam jangan mahuluti ako!!Ako taho
     ikam hanyar bulik dari Banua Kalingau, mambawa PutriSoniaAmira nang kantot arom tohh.Amon handak
     bulik bakapala..ayoo, bagii ako PutriSonia tohh hahahaha!!Mon tida ikam barataan bulik kada bakapala
     pang hahaha...bapala banaarrr!!

Manirengkan gawat kaya ito, Pang5BatuApi hilang sabar lalo tarus maninjak burit UtohKidok, sampai
takipai ianyak gugur ka laut. Hehehe kuriheng Ba!!( kina balanjai ako nginom lah)

Dihandapkan carita jar, maka Pang5BatuApi tulakan mahadap PadukaTJabuk mambaawai Putri Kalingau tuh. SiPang5Ba nih, harungut-harungut surangan, asa ada nang kada nyaman tukuhnyak!! Pabila manireng kiito, Paduka gen lakas batakon " Napa pang5 nih ko itihi mandam haja? Napa awak muriat kah? Mon awak gagarengan bawa barabah satumat".

Nang sabanarnyak, Pang5BApi nih, nyasal banar sababnyak tapaksa mambarie PutriSonia sagan dibinie PadukaTJabuk.Ummaiiii...marista banar ianyak.Dalam hati nyak basurah jar" Ceh, mon ako tahu kiini jadinyak, kada ako hakon tulak ka Banua Kalinagu toh"

Dihandapi lagi carita niii...maka Paduka Gen jadi mangawini PutriSoniaAmira nang kantot arom tuhhh!!Imbaham Pang5BatuApi marajuk, tarus bukah ka rumah manangis-nangis, bahantak-hantak iilah kakanakan handak manyusu jar..Apakan daya Pang5, awak tuhuk-tuhuk balayar jauh ka BanuaKalingau, tuhuk umpat batanding bakantot, tuhuk batimpas awan lanon...tapi sunyaan sia-sia haja bapala bannaarrr!!!PadukaTJabuk!!

Tangah taungut-ungut surangan di ambin rumahnyak, tiba-tiba tadangar urang bahiyau nyaring " Pang5!! UUiii Pang5BatuApi!!! Ikam ada di rumahkah???Rupanya siParutBuntoi awan Cangkarok datangan.Pang5Ba magun haja sarek lagik " HHaoiii, napanyak gigir-gigir hah? Ko TIMPASSS IKAMMM!!!Ma aur ako hajaa!!Bah, sarek banar hidin.

" Ano...kiini Pang5 aii, kami nih handak mamadahkan carita panas nih!!!Pasal Paduka awan PutriSonia tohh pang!! Ujar ParutBuntoi. Paduka kada hakon babinie Putri toh!!

Maka badadas siCangkarok madahakan " Jar PadukaTJabuk, PutriSoniaAmira tu BISSUUU urangnyak!!Imbah to wayahini kantotnyak gen ampih arom, kabanyakan makan ikan wadi awan patai bajaruk,kantotnyak babau harok banar, ngalahakan tahi hayam mantong!!!

" HHAAHH?? Bujurkah?? Ha apus muha PadukaTJabuk" Ujar Pang5Ba, imbah to napa lagi, barataan tatawaan" Hahahahahahahahahahahahahaaaaa!!!!.

Ulun muhun maap kakulaan, mun ada nang tarasa hati atau sarek awan teater nih.Ulun saja malatih manulis bahasa Banjar banarai - rasanyak ini pugaan ako mangarang dalam bhs. Banjar saumur hidup kada suah pang hahaha. Amon andika tatawaan bagus haja ( mahilangkan tensen / minik kapala, maklom gawian banyak banarr!!)

Sabanarnyak ako gen sakit parutan tatawa surangan mbaca teater nih. hahahahaha............

manggarunum
Sat Oct 13 10:48:46 2001
Apa jua nini bini nih, sudah ranyau sako, maulah gangan hanyau awan hubi ganyau.

napanya pang nang gigir papagian ni..
hanyar malam tadi ako kada guring di higa sudah basasarik...
awakko sakitan malam tadi...handak minta baurut awan ninibidan gin, sidin rahat aur maurut urang ka sana ka mari...

tu nang aku bakasai minyak angin saurangan, ....malam tadi aku ada'ai guring di pangkin. Amun ako guring di higa kaluku andika kada tahan mahiut bau minyak angin ni..

Napa jua nang maraju sampai guring dipangkin. Aku tahu ai, awak ni sudah tuha, awan aur ringkutan haja, hinak asa manggah. Ayu haja amun handak maraju, tinggalakanha nang tuha ngini..

aku manguya nang bujur, andika tu manggah saumuran,
tahiut bau minyak angin gin parak saharian kada kawa bahinak...

aku guring baasing,..salahkah??
ako tu mangganangakan andika nang aur sakitan haja...

amun kada suka ka aku ni, ayuha kaina aku hingkat tai manumpang ka rumah anak kita..

Toh...uu,,,Utoh, Tuh ....lakasi ambil uma ni, abah ikam tu
dah sapagian basasarik awan bamamai ka uma...lakasi ambil uma ni tohai....

Jan ha ikam handak baandah karumah utoh. Hingkat haja nang tuha ni maurus saurang, bagamatan kawa haja. Napa tu ah amun urang sudah kada rigi.
kulaan jua..
Re: manggarunum
Sat Oct 13 12:57:12 2001

Bah leh nini laki dah marajoo...
mun kada manggah tuh..mun nini bini bukah..
maupang babaris anak dara maminnag nini laki...
asalkan paketnya kambung hihihi
hmmm

Ummai nini bini...]
mantang manatang nini laki manggah...handak bukah karumah anak..
masa nini laki anom halam..
nang manggah tu lah nang andika ikup sapanjang malam..
dah di beri'e anak anak salusin...
hanayr taho bau minyak angin leh...
hua hua hua...marista ..marista

ako ni bukan kada sayang ka ayah ikam yu tuhai...
tagal amun hari-hari bamamai, aku gin kada tahan lagi..
bilang hari-hari salahku haja...
bahari amun aku takantut dalam kalambu gin katanya arom....wahini aku mariga gin inya sarik...
ako gin tahu di malo, amun hari-hari mambihau ako gancang-gancang, sampai kadangaran ka rumah subalah...
maraha tuhai, hija akan ha inya guring surangan..is..is..isk..isk..

maraha inya basasrik ka ako...
ako ni sako, kada lawas lagi pang hidup ni..
maraha amun urang kada tapi sayang lagi ka ako..isk..isk..isk..

amon aku mati la tuhai...
ikam haja pang nang maurusakan mayatko kaina,,huaa huaaa huaaa...

Cah ninibini mu piragah garing banar ai tu ah. Handak minta pujuk lah tu. Cah kada hakun kada mamujuk, mara ha situ.

Bujur bahai..uma garing...dua hari dah uma kada hakun makan...malam tadi bilang batukan haja...

ni pang hanyar pagi ni uma hingkat guring...tu gin kada kubari akan anak-anak ku maaur, sidin rahat guring tu...

abah awan uma ni bilang sama,..
karas hati...saikung gin kada maho mangalah..!!!!

Utuh Tunggal (tadi kalumpanan maandak ngaran)
Kaina ku padahakan...
Sat Oct 13 14:16:51 2001

amun kaitu, maraha uma di rumahku haja....aku hingkatai maingun uma...
tagal ganangakanlah bah..rumah nang abah bagana tu pa tanah parumahan paninggalan aruah ninik balahan uma...

Iihh, ni nangapang pulang nah, tuhaan udah magon haja bakalahian nah. Ummai yai, kada sing supanan awan kakanakan kah hikam badua nih.I ihh Tuh hai nah, nagini pang ninikbidan nang kada hakon nah.Ni Utoh hai hikam taholah paninian hikam tuh tumatan bahari aur nintu pang.Baaakalahiaann haja! Taga kaya ito pang kayina minggu hadap bulik kai pulang karumah.Ninik taho haja nah tanto ninibini hikam tuh inta 'anu' akan awan ninik laki hikam tuh. NiniLaki hikam tu gen saminggu juak tahan imbah to tanto 'minik' kapalanyak ih ih Tuh hai.
-Hikam pang tuh amon handak baurut ninik hakon haja, ako kada auran lagi.

Kada ni ai, tuh uma awan abah tu karap banar bakalahian...tahu si abah ni tumatan tuhak ni karap banar bamamai ka uma, bisa mambihau...tu nang uma tu satumat-satumat baandah ka rumah ko ni....

ako kada pang malawani si uma, tagal amun abah tu kada hakun balambut awan uma, tu nang bihanu aku maras di uma...tahu'ai ni'ai kali ni lawas manakah hanyar abah datang maambil uma.....amun maitihi caranya sako lawas pang kali ni....uma tu bilang uyuh wayahini, bangat banar garingnya...asa marista jua ada mangganangakan uma awan abah ni ni'ai...

     Amun rumah pusaka umamu tu aku kada hiran, hingkat haja aku baulah rumah hanyar, kada kaya rumah
     buruk tu,
     rumah batu batingkat-tingkat gin kawa. Jangan handak maungkit pasal rumah tu, amun umamu handak
     ambil ha,
     wayahini jua aku pindah..

kada kaganangankah ikam bahari tanah bandang nang 4 ralong tuh kada abahmu kah nang
manjualnya..bilang habis duit di mija judi ha...

tuh tanah kabun gatah tu sampai ka wayahini kada tatabus lagi garannya..sidin mainjam duit pakacil jamhari
ikam, kada ditahuri lagi...

     aku kada pati pacaya jua amun sidin handak baulah rumah ganal..,,mana ada hartanya..Inya sampai ka
     malaya bahari gin sahalai sapinggang, tu gin imbah manumpang di rumah nini ikam hanyar sidin jadi kaya
     urang...nini ikam bahari asa supan ka urang takutan dikuya urang, tu nang ako ni dikawinakan awan sidin...

     amun manggah, kada hingkat bagawi tu...maraha sidin handak pindah. Sidin kada baurang lain di dunia ni,
     Kita badua ni pang warisnya..Tahuam amun sidin handak baandah ka rumah urang tuhak...amun kaito
     maraha..

     Nah ma'ai.. ni garan tanah parumahan tu..
     ako tadi mainta ka abah. pugaannya sidin kada tapi hakun manjulungnya...sakalinya bila aku batakun garan
     tanah kabun gatah kita nang di bukit tu tarus sidin mandam....

     uma tahulah...tanah tu dah dijualnya jua ka anak pakacil jamhari..tu si Halim nang bagawi di BSN tu nang
     manukarinya..uma tahulah, 8 ikar tu dijual abah RM30.000 haja...umai garigitan banar ako mak'ai......patut
     abah bahimat banar handak pindah....

     OOO Utoh Tunggal! Ummai ummai hikam bisanyak basandiwara! Napanyak Toh, ngan mu ikam saurang
     hajakah anak umak?? Nih ako nih, UtohKidok hanyar bulik tumatan Tagalong. Han hanyar 10 tahun ako
     ninggalakan kuwitan, bacari rajaki sagan nyakulahakan ikam, nih napa pulang gawian ikam handak manjual
     tanah ayah nih?? Hah??

     Ada leh ako nyuroh ikam jual kabon ayah tuh? Ako hulo nyuroh ikam manjaga uma, ayah awan lambu tiga
     ikong balian ko dahulo.Imbah tu jarko ikam gawii kabon kita tuh.Cagkol tanahnyak, lingisi padang
     tagahnyak, tanam pukuk tiwadak kah, nangka kah,jagong hajakah.Nyaman ikam, hingkatjuak dijual cagar
     bacari duit sagan balanja dapor.

     Ni napa pang ada, ako ndangar ujar Amit Tingkoi ikam aur balalah haja mangurati Diang kalirot anak Ijap
     tuh? Caka nya dapat nda apa juak! Nih habok gen kadida! Nih kisir kisir nyuruh uma manjual kabon pulang.
     Ceh banyak pintar ikam!! Ikam mon wani Utoh hai ayoha! ako ni gen 10 tahun dah kada umpatan
     manampar urang nih. Tangan nih asa ringan bannnar!!
     Wayahan di Tagalong tu aur manampar nyamok haaa........

     tahu, jarnya ngarannya Utoh Kidok...tagal Utuh kidok anaknya Ijum Lale' tu parak maniga tahun dah
     matinya...tahuam sapakah, tagal ditihi pakaiannya nang basalawar wawah ...babaju buruk tu,rambut sing
     panjangan,ilah urang gila haja ma'ai...
     tuh di bahunya bagantungan tim susu awan tim sadin...amun urang siuman kadanya kaya mgitu ma'ai...

Kita baranai haja ma'ai...kaina ku telefon pulis, suruh manangkap urang gila tu...

Bujur tuhai, ikam pang anak kami..kada ada nang lainnya lagi
Aku banikah awan abah ikam wayah bintang tiga mamarintah....dua tahun imbah to hanyar ikam lahir....

imbah tuh ako kada baanak lagi, napa amun abah ikam aur manggah haja...jar urang abah ikam lalaki
sapanggal haja...

amon ada nang mangaku abang atau ading ikam, takuni kabila aku baranak ka inya...

dah tuhai, guring ha...isok ikam handak bagawi...syukur hajalah urang gila patang tadi dah ditangkapnya pulis

     Aku paang bang Kiduk...
     kalumpanan leh wan ading mu nang saikung nih..
     halam aku nih di beri'e ka urang...
     kaluarga dahindak maharagu..
     Jar miskin...
     nih...ku nireng wah wah..bukan main lagi Otoh ading kita tuh...kasana kamari...enjoi...handak bajual tanah
     pulang...
     Kada aci ...kada aci...diang ni di julung ka urang...bang Kiduk ncari rajaki...senang senang jer..utoh ading
     kita tuh handak jual tanah.

    Utuh Tunggal
     Saikung lagi urang gila...
     Tue Oct 16 11:36:24 2001

tahu, puruk baju kurung tagal ada tai,,kaya pagawai........
di pakit bajunya baandaknya ngaran UMI...sako bat DM dicuntannya...

satumat-satumat nyaru ngaran UTUH KIDOK...satumat-satumat nyambat ngarannya DIANG
KANYOI...umai, nang ngini taruk lagi gigilaannya tumatan nang halam...

     Ummai umami bilang haja ah lagi...
     Utoh tunggal ni...
     Kaya warek tunggaal pang...
     mantang mantang inya handak bajual tanah...
     handak jadi kaya la kunun...
     kada ngaku lagi ading pabungsunya wan Abang Kidoknya....
     nang bangaleh ngaleh...
     mangirimi duit hagan balajat di Amarika...
     Tu pang mun dah Balajar bagurukan si IBUSH...

     Napa kiau uma'????
     uma gen samaladen...
     dah di bumuhi nya uma...
     biar ninggalakan ayah nang manggah..

     ceh!!!...
     kina la ikan Utoh Tunggal ai...
     Aku wan UK handak manggisang muha nay nang kada bungas langsung tuh...

nang gigilaan tu, bagana atas puhun hampalam, muntung nang kada bisa baranai...bamamai haja dari tadih...

amun inya urang siuman kada pang rapun hampalam nang banyak samut salangor tu dipanjatnya...

tuh dangarakan ma' ai...inya banyanyi pulang...nah tatawaan pulang...hiiii yayak...

     OK lah ikam toh ai...
     hantos lah suranagn duit tuh...
     dah kada ngako lagi dangsanak mu nang bungas lagi paruna nih...
     disambat mu dangsanak mu ni gigilaan..
     yaam toh ai pasal duit nang kada tapi banyak tu ikam dah kada sadarkan diri.

     KIna mun ayah bapara wan LIa tuh...
     janagn ikam handak datang makan aroh kami kina...
     janagn ikam handak nireng akan kabungasan Lia tuh...
     janagn wane mangaku ada uma tiri sabungas Lia...
     Janagn maintip majlis paarsandingan ayah kina..
     jangan
     jangan
     janagn...

     Jin ha hantos suranagn duit tuh..
     mun kada mayo kina ku julungi kartas kah...
     hagan hantosan ikam...
     jin ha..
     jin ha...

     Lia,
     wayah ako mangatik keyboard ni aku magunai kaingatan ka ikam,asa lawas banar kita kada batamuan.Asa
     karindangan gin ada, tumatan aku batamuan awan ikam di higa rapun hampalam halam, aku kada tapi kawa
     guring..tu nang aku malalor sampai ka luhur....asa kada tapi kanyang makan...tagal nasi nang batungkup di
     padu tu talahai kubantas...

     lia,
     ingatkah lagi ikam manggatarnya tanganku wayah aku maragap arum awakmu...manggatarnya surahanku
     wayah aku manyampat kata-kata I love you my dear..nah wayahitu aku gin kada tahu bujurkah kada bahasa
     inggeris nang ku sambat..

     lia,
     aku maharap banar ikam kawa datang lagi ka higa rapun hampalam wadah kita batamuan...tagal amun
     datang harini jangan dibawai lagi si inah tu...asa kada nyaman inya mahadangi kita, sako wayah aku
     maragap ikam halam, inya sawat maindap kita...

     lia,
     sampai di sini hulu, aku handak ka kadai satumat, umaku nyuruh aku nukar lalap hagan lauk nasi malam
     ini..

    galitiran lintuhut
     sakakali ulun jua taingin...Lia
     Sun Oct 14 23:01:59 2001

     Lia...
     sasakali ulun jua kapingin jua, bila taganang carita kita bahari.Ingatkah lagi ikam...wayah kita batamuan di
     higa rumah mu,parak awan kabun pisang Utuh Jagau.
     Ingatkah lagi ikam,rahat kita bapandiran kucing marau bailun
     "ngerengauuuuu" tarus ikam takajut lalu malacung ka ulun tagal ulun sawat mailak,napa pang lagi
     "mancagur" ikam
     jatuh kaparit.

     Lia...
     Bukannya ulun kada handak nyambut ikam.tagal ulun mikirkan awak ikam nang "gadok" ilah gadur
     tuh,tarus ulun mailak.
     Katida "limir" pang awak ulun himpap.heheheh

     Lia...
     Hinggan sini jua ,ulun bisa maingatakan kisah kita bahari.
     Kakulaan lain bisa ai nganangkan pulang...
     hadangiha kulaan lain nyambung carita nih..

     NiniLaki
     Re: sakakali ulun jua taingin...Lia
     Mon Oct 15 09:04:54 2001

     Lia,
     Napa pang handak diganang lagi awan yang galitiran awak awan yang gelitiran lintuhut (bahiraan pulang
     tuh.

     Lia,
     Amun Lia hakun awan aku, apa haja Lia handak ku tukarakan, rumah ganal, matukah ganal, bapadah haja
     situsaini ditunaiakan.....

     pupudak..Matai
     RE: Ninilaki kawin lagi -scene 1
     Tue Oct 16 02:12:48 2001

     Nini laki- OoooLia ai tangarram kuantan tuh jarangkan aku barang talo bigi hantalo hayam.
     Lia- ayuhak satumat lagi masakkai..tiga suka masak kah?
     Nini laki- tahu pang kau lia...hehehehe
     Lia- jar pang praya bahantalu gin kuat awak..napaam handak managuk hantuk jua papagian nih.
     Nini laki- ayu dilakasi..asa gilitiran awak ku nih

     Lia,
     Kamari pang baparak kasini. Napa jua nang diunggutakan. Napa pang diganang nang udah lapas-lapas. Ayu
     haja bapadah ha apa nang handak, aku basadia haja mambarii. Kamari am uruti awak ku nang asa ringkutan
     nih.

     Uma..
     Sampainya hati uma wan bang utohtunggal kada ngako diyang ni darah daging mu saurang, malah
     mamaluakan diyang nyambat diyang ni gigilaan. Caam uma maca surahan hati diyang ngini...dan baca batul
     batul...pahamilah ...imbah tu ber'e markah.

     Jer ayah imbak uma malahirakan Bang utohtunggal tu, mimang la ayah manggah taruk. Handak dijadikan
     carita Angah Ting Ghau (Angah nang mualap kawin wan diyang Jaliha) nang hanyar bulik dari Makah
     badua laki bini ada nukarakan HATI UNTA hagan ubat Manggah. Jer ayah..bila makan ubat Hati Unta tu
     ayah sasain sigar tagal uma jua yang ulah ayah sasain manggah. Bila nireng ayah sasain sigar uma mulai
     manggalitik ayah. Jer ayah jua masa tu balako Garhana Bulan...sakampungan tulakan ka surau
     basumbahayang sunat Gerhana, tagal uma kada mambariakan ayah tulak ka surau..aur manggalitika ayah
     haja...tu pang nang jadi diyang ni...hirang kaya gerhana. Uma kada hakon ngaku diyang anaknya...sebab
     hirang, lagi pula masa mahajan handak ngaluarkan diyang tuh uma sakalinyaan tabaherak jua...habis
     bacalumut muha diyang wan tahe..tu la uma talalao supan lalo kada ngako diyang anaknya.

     Uma,
     Carita ini di kuatkan lagi wan carita dari ninibidan nag suka manginang tuh...jer ninibidan tuh inya nang
     maambil diyang...maharagu diyang tagal inya gen aur maurut urang haja gawian, jadi di julungnya diyang ni
     ka Julaknya Barangak. Julaknya lah nang maingun diyang, sabalum Julak Barangak mangijim mata inya ada
     bapadah nu diyang, jer diyang ni anak uma ayah..mun kada pacaya caam itihi di surat baranak...sah!!!.

     Napa lagi nang uma handak nyambat..samua bukti dah ada. Diyang dahindak duit tanah tuh, ceh satakat
     RM30,000 hagan utoh manikan waweh satahun gen kada mayo. Diyang wahine dah masuk Universiti
     ma'ai...urang lain balajar paling lawas 5 tahun tagal diyang ni sunyaan kada mambariakan diyang baugah ka
     wadah lain..tu pang diyang disini lagi. Gajih gen dah ganal (lawak la tu heheh)...janagn la uma takutan kina
     diyang handak maambil duit uma...ber'e ha ka utoh tungal tu.,.hanya sato nang diyang inta...AKUI lah
     diyang ini sabagi anak uma..huaa huaaa huaaa

     amun aku sambat aku batianan sakali haja,...sakali tu'am.
     kayapa aku handak badusta...tahu'am amun abah ikam suah babini lain...... kaluko inya baulih anak awan
     urang lain takutan katahuan ka urang, dijulungnya ka urang lain...disambatnya anak sidin awan aku...

ni (manunjuk ka parut),,,parut ngini kada suah batianan ka urang lain...ikam pang.Utuh Tunggal,
tatunggalannya anak ko...

     ca ikam pikirakan, abahmu nang manjual tanah baulih duit RM30,000 kita nang disambat maambil
     duitnya...ikam nang sudah tulak ka Makkah awan aku, ikam nang wayahini jadi imam kampung, ikam nang
     dituduh main waweh.....

     ni kada gawian abahmu kah???? Amun handak banar ka Lia tu, kawin haja, kadapang mampitnah ka
     urang....umai, kada kaganangan matikah abah ikam tu, kada takutan siksa kuburkah....aku ni bilang hari-hari
     kana bihau, bilang hari-hari bajurijihan banyu mata, ako pang nang jahatnya....salahkah aku amun aku nang
     hari-hari dimamayi baandah ka rumah anakku..salahkah aku?

aku sadar pang nang aku ni dah tuha, kada kaya bahari..tagal amun dah tuha, ulah cara tuha..ni bila kutagur
kabila handak sumbahyang, tarus bamamai...basasarik...kadang-kadang kana panampar, kana tinjak...

     bujurai, agama ada bapadah, taatlah pada suami, tagal taat pada suami nang kaya apa????
     aku dah batakun ka ustaz, salahkah aku kaluar rumah, salahkah aku maninggalkan suami nang fasik.suami
     nang maulah aku kada kaya urang....ustaz kata bulih, amun niat kaluar rumah untuk mailak parkara nang
     labih buruk...jar ustaz kaluar ka rumah anak-anak diharuskan...

Bahari ako mambawai sidin ka Makah, sidin kada hakun umpat, tu nang kubawai ikam gasan jadi
mahramku......

     ni wayahini mampitnah, mambawai diyang kantoi tuh...badimapa aku handak mangako anak, amun aku
     kada suah mahajan kaluar inya...bujurai surat baranak ada ngaranku, tagal sipa nang maripot ka pulis,
     akukah? bulihkah amun aku lagi taampar guring imbah baranak handak ka balai pulis....

     ako kada handak harta urang, maraha diyang tu bagajih RM10,000kah, sugih banarkah..amun rajakinya
     maraha...aku kada handak harta bat urang, amun inya handak mancari'e kuwitannya, ca takunakan ka
     abahmu..sipa ayahnya, sipa umanya....

aku ni kada lawas lagi sako hidup...amun aku hidup maraha aku hidup awan aman, amun aku mati,
hija'akan aku mati awan aman...nang mampitnah nang kada bukan-nukan tu cagaran napa....

ako gin kada tahu napa lagi nang hadak di abah ikam tuh....handak babini lain ayuhaja...tagal jangan maur
ka kita...

nah, tuhai...tuh azan sudah...lakasi ikam ka masigit, kina urang tuhuk mahadangi ikam...

     Ummai..
     karasnya hati uma magun kada ngako diyang ini anak uma. Mimang hati diyang mulaan nya asa kada
     pacaya, sanggup kah saorang uma kada ngako anak nang di hajan nya sakalian tahe tahenya itu adalah anak
     nang di tianan nya???, hasil kasih ayah nang manggah tuh???.

     Uma,
     Diyang ada bajumpa anak Angah Panglima Harimau Barantai tuh nang bangaran Busu Acil tuh, wahine
     inya Proffessor Pakar dalam kajiin DNA tuh????....Jer Busu Acil setelah di pariksa darah wan daging
     diyang lalo diulah kajian wan huban uma nang baguguran dilantai rumah tuh..SAH ...uma adalah uma
     diyang.

     Bukan diyang handak mamaksa uma mambari'e kasih ka diyang..bukan diyang handak duit uma..tagal
     kasian la ka Diyang...yatim nang kada yatim...ayah dah bahagia wan uma anom Lia...uma pulang asik
     mamanangakan Utohtunggal nang jadi pambuhung ganal. Jer utoh tuh Imam masigit...ceh!!! hari hari
     mambangal di kadai tikam waweh.

     Uma,
     mun kiyainilah akhirnya carita kita...hijaakan lah diyang tulak mambawa diri diyang yang lara ini. Hijaakan
     lah diyang bakalana maikut jejak jejak langkah Shahnon. Jangan lah takoni kemana diyang tulak. Apakah
     isok magun ada???? atau daida isok bagi ku??? atau apakah.

aku manyuruh ikam mangaku jadi anak ninituhabini tuh haja.......nang ikam malalut-lalut ka tahe-tahe tu
napanya. ca itihi ayat ikam ngini:

     "karasnya hati uma magun kada ngako diyang ini anak uma. Mimang hati diyang mulaan nya asa kada
     pacaya, sanggup kah saorang uma kada ngako anak nang di hajan nya sakalian tahe tahenya itu adalah anak
     nang di tianan nya???, hasil kasih ayah nang manggah tuh???. "

     Nang kadua nang ikam manyambat Busu Acil tu Profesor. Profesor napanya, ni nang ako sarik banar, ikam
     tahukah Busu Acil tu Bumuh banarai,,,tu gin urang kampung kada pati pacaya ka sidin lagi, tumatan inya
     mahahar awak urang babini nang diubatinya tuh....ikam amun handak mandusta gin sambatilah ngaran
     urang lain..amun ngaran Busu Acil tu mimang mambari tatawaan urang banarai'....,sakulah gin kada sawat
     Darjah lima, hingkat jadi Profesor, tu nang ditatawakan urang...

     Nang katiga nang aku sarek, ninilaki nang kaki waweh, sambat ikam Utuh Tunggal. Kaya apa pang ninibini
     tu handak pacaya carita ikam....dah ku padahkan, amun bakisah tu ikut skrip nang ku tulis tuh, ni
     kada,,,ikam aci sambat haja....

ni nang ka ampat nang ikam malalut ka Shahnon, ka ngaran pilam ni napanya??? Adakah dalam skrip
ulahan ku ???? Dangarakan ayat mu:

     "mun kiyainilah akhirnya carita kita...hijaakan lah diyang tulak mambawa diri diyang yang lara ini. Hijaakan
     lah diyang bakalana maikut jejak jejak langkah Shahnon. Jangan lah takoni kemana diyang tulak. Apakah
     isok magun ada???? atau daida isok bagi ku??? atau apakah."

ikam mangaradau nang bukan-bukan, ikam minta ninituha tu bari'e markah. Markah kapala hutak ikam!!!!

ikam banar-banar kada bulih diharap, halam nang laki nang baincaan ngaran Utuh Kidok tu, parak RM500
habis duitku, nih ikam pulang...lain ku suruh lain nang ikam ulah..

     Aduh...aduh....
     sakit parut diyang...
     nih magun lagi tatawa sakit parut...
     banyu mata gen gen kada karing lagi.
     aduhhhhh....

     i ihh nangapang pulang andika bakalahian sadangsanakan nah Tuh hai.Nih ninikbidan tumatan sumalam
     mandangar ujahnyak geger sakampungan si Utuh Tunggal bakalahian awan Diang Kantoi. Han kanapang
     kaya ninto Tuh Hai nah.

     Nang sabujurnyak nangapang disurahakan indih Diang Kantoi to saja manaran Toh hai nah.Ninik nih walau
     gen tuhaan mata kada tape hawas tagalnyak magon haja paingatan Tuh hai nah.Tuh umamu si Galoh Anah
     tuh bahari saja banaran baisi anak tiga ikong.Panuhanyak bagaran Utoh Kidok, ikam anak kadua
     pambungsunyak si Diang Kantoi ni pang Tuh hai nah. Wahitu ninik ni pang jadi bidannyak Tuh hai
     nahh.Bahh hai ninikbidan paingatan babanar nah.!Takoni ha angah Durahman parak surau tuh.

     Hah? napanyak nik? OO si Utoh Tunggal ngintokah?? Heeh hai bujurrai ujar ninikbidan tuh.Kada ia
     tunggalan saikong to kada anak Galoh Anah toh.Toh si Utoh Kidok tu abang panuhanyak, si Diang Kantoi
     toh mimang ading bungsunya tuoh.

Allah nik!! Tak kan ninik kada taho, Utoh Tunggal tu saja sumbung!Tamak! Haloba! Aur ia haja handak
macuntan harta kuwitannya! Kami sakampongan ni taho banar pun.

Pupudak.Matai

Kadatanggan Klas Malam
Thu Oct 18 01:18:55 2001

Cigu batakun anak-anak murid nyak:-

Warangan- aku cigu ada aii ha ha ha
Tinjau- ade cigu hehehe
Pupudak - ada heiih ,,jar pang samalam handak marasani pupudak ayu haja aku ada ai bawa sanguan nih.
Ping Kaa Long- atak ciku...maa wa aie nii ciku.
Lia -(( tatak ciku..lia s e l e s e m e..manyak kulingis kulingis tadi malam ))
Utuh Kidok- ((diada cigu ia sakitan awak hanyar bakalahi))
Cangol- Ada aii ciku hanyar rai mancangol nih
Ba Ting Ka Wong- (( tak le cigu lia sakit pilut))
Tan Tin Tong- (( dia lambat ciku tulak niaga))
Usu Iwan- ada cigu..eqeqeqeq..ayu haja paraki aku nih.
Kukupu- ((tadudi cigu halar tangah liper kalukok))
DM- ada ada ada -quexquexquexquex-seksi tak ilon kuk
Liur baungan- ((tadudi saikit cigu tangah aur maniring bibinian kalukok))
Suar papaci- (( diada cigu ia manukar bitri))
Anonymous- (( kami barataan kada nindu cigu))
Malong- ada aii hanyar sampai cigu rumah jauh diselatan

Licak- (( ballum sampai lagik cigu ;kalicakan jalan lakok))
Su Wah Hai- ale ciku ..maa kam sia..suah tahaba lakok
Ninik Bidan-((diada cigu ia harakan banyak bajaga malam))
Antasari-saye!! ade auwww manis tak muha kok
Ang gAh Tet-Gua ale ciku,manyak sihat balu makan pati haluan hoo.
Lunta-Napanyak!! ada ai ako hanyar bulik malunta,.
Payunatan-Uamaai ada ai akok..tangah malandapi lading nih.
Angahlaki- Maaf cigu tadudi..banyak gawian siang malam.
Angah Bini-(( diada cigu-marajuk dirumah))
Waloh- ada aii ..apa amm ako bawa rantang gangan waloh ari ni

Liss-Ape-ape?? ako kada pati taho basa banjar
Ba Lan Chat Tan-ale ale ale ciku ,gua tingah aur bakiroh kagatalan lancat gua nih.

tinjau
Re: Kadatanggan Klas Malam
Thu Oct 18 02:08:30 2001

tahniah pupudak, saja apal andika ngaran ngaran kawan saklas

cigu, saya cadangkan pupudak jadi katuha darjah cigu !
cigu saya nak tabahirak la cigu
cigu dia ni pagi pagi lagi dah mancigu
cigu jangan guring cigu, tuh cigu pelawat datang

cikgu : murid murid melayu angkat tangan
cikgu : mengapa kamu tak angkat tangan ?
murid : cikgu kata murid melayu, saya banjar cikgu
cikgu : @#$%^&*

warangan
Re: Kadatanggan Klas Malam
Thu Oct 18 02:45:48 2001

satuju ai ciguk ai...sabulat suara ciguk!
pupudak jadi katuhak kalas...

nih mana am cina-cina bagan nih...kada handak balajar kah?
kah hudah kasugihan banar...
nih mana an si:

Lun Tawa Wah
Ting Zhou
Ta Thim Phua
Ta Soon Kam
Han Chow
Wa Luh
Ta Weng Ja Bok
Tan Tin Tong..

nang banjarnya gin kadada nih sapalih...

hayumuk
gandanglawa
lanteng baah ( murid veteren?...heheheee jangan sarik...bagayaan haja )
kulacingan
Sunduk Lawang
Tasmak hirang
Kupiah Sasak
Mat Ferrari
Angah Lanjung
Tengko Julak/sauntilan
Newjikin...
Karaying ( auran manangis luko ( craying? )
Tanggoi Habang
Ku Ching Marau
Ha Yam Jagau
Man Dam
Inah

ciguk palawatnya sapa leh... ciguk ba.ra,nga hangko leh

Pangarusi PIBG nya Sidang Kampil

lunta
Re: Kadatanggan Klas Malam
Thu Oct 18 13:54:02 2001

Mari tawa leh.Tagal Sidang Kambil tu kamana haja kampilnya tu basangkutan di hindar basikar.Segala surat manyurat/rekod pelajar sunyaan ditarohi di kampil tu.

UtohKidok
Dalam Kelas Malam
Thu Oct 18 16:54:07 2001

Malam sumalam jer. Ari hanyar pukul 8.30 malam, kakanakan banjar hudah masuk kelas awan kakanakan cina bagan.Cikgu Baranga balom sampai lagi.Cikgu rahat baruko di kantin imbah makan ruti canai mamak.

Dalam kelas :

Kakanakan gigir bagayaan....

PupudakMatai : OOii jangan gigirlah! Baranai!
UtohKidok : Haha haha haha ketua lembik...
DiangMacal : Qeqeqeqe bungasnyak muha ko..
BatingKaWong : Waa mule main.Cigu ta de!! hehehe

PupudakMatai : Hoi diamlah kang ko pukulkang!
Hiyyai ngaleh nyak ai.

Tinjau : Ketuha! Si Lunta takamih dlm salawar!
Lunta : (nangis) huaaaaa!Tinjau micik hintalo ko..
UtohTunggal : Ha ho hiii Utoh Kidok! Jom batombok!!Mon wani
Su Wah Hai : Ah Sun mali main pakau hoo, wa ada daun telup
TaTingPaLang : Haiya manyak syok.Amoy ada ka??

PupudakMatai : (Nangis....) Hua Huaaa kiyapa kaya ini gigirnyak.Kina mon cikgu Baranga masuk marah ia...Hua huaaa

Tiba tiba masuk Cikgu Baranga.Kelas tarus ranai, kadida nang wani basurah lagi.Ummai garangnyak Cikgu!!

Cikgu : Ni napa gigir nih hah? Pupudak ikam jadi katuha kelas napa baranai.Gayur babanar.Ni mana yang bau harok ni?? Sipa bahira hah??

Kukupu : Cigu tadi ako nireng Pupudak tabahira imbah cigu marah cigu hehe.

Kakanakan Banjar: Hahahahaha Pupudak pupudak! Kabanyakan makan pupudak Matai......

Pupudak..Matai
Re:Dalam Klas Malam(ako katuha)
Thu Oct 18 17:44:30 2001

Cigu Baranga!!.. Utuh Kidok nih kamamacalan banar
Cigu! hamabat buritnyak nih mun kada gin jangan barie ia rihat.
Cigu !Utuh Kidok ia maaur bibinian.Ianyak manjulung surat baisi tapong anthrax lako mun cucukuduk kada apa aii.
Cigu !Aku kulir jadi katuha ngalih mangingibiti yang tuha apa lagi nang bibinian nih..arai maaur urang.
Cigu !Cina-cina bagan nih sawat bajujualan macalan pulang tuh mangilar bibinian haja.Ako camburu jua lagi-lagi mangilar si.....supan handak mamadahkan.
Cigu ! Ping Kaa Long tuh basangu kayu handak mamingkalong urang lako.
Cigu! Dm tuh babacaan buku cinta haja,sumat mandam satumat kuriheng.
Cigu! Lia tuh babawaan H/phone basurahan haja di klas wan sipa tahuam,kuriheng surangan jelous ako.
Cigu! Liss tuh kuliir babasa banjar..urang putih haja
Cigu! Tinjau tuh,kulir maulah home work,,maunjun haja
cigu! Andika kada magan marukok di sakolah kayina aku kompaun.

hehehe heeih..kayina dudi adalagik lapuran ,tulah digarapa aku dilantik jadi katuha..nahhhhhhhhh rasaiee.

Sonia Puteri Kaling Nini Laki Kelas Malam Paramata Sarai

PARMATA Hilang Di rumpun Sarai Part I
Fri Apr 5 10:55:49 2002
203.106.164.115

Patang tu Iyah magun taungut-ungut di higa lawang parak dapor rumahnya.Kadida paolahan tukohnya. Handak mamasak cagar lauk malam kina tia ari tarang lagik. Handak manyapu ratik dibaruhan, tia kada baratik, pasal dah disapue adingnya si Inah Lanteh.Jadi kiitu pang, urang kada da paolahan, sing taungut, sumat kureheng saurangan....napakah sako nang dipikirakan.

"Bastiah....oo Bastiah!!" Takajut siIyah mandangar ngaran nya dihiyau wurang." Bastiah....uut ada ka baurang nihhh!!" tadangar lagi hiyauan ilah ilon babinian. " Haaahh!! Ako ada ai. Balakang rumah niihhh!!" ujar Iyah."OO si Itot, ngan ku urang gila manakah tadi" ujar Iyah sambil tatawa gagalahak.

" Napanya nang diulah dihiga lawang tu Iyah" batakon si Itot." Handak kawin haja kah.Jadi kah awan si Udin anak Hj.Ijap tuh" jar Itot.Kau jangan lalawas kaina kau jadi anak dara tuha hakonlehh.Eeeyy ako dahindak!! jar Itot. Bastiah lakas manjawap " EElleeehhh yang kau tu pang, sampai wahini dah malima kali putus tunang. Hii lagi tarok pada ako".

Kaya itu pang mun badua diyang kalirot tu tahagaan, bilang gigir sambat manyambat. bagayaan jurang.Padahal masing-masing balum kawinan.Ada ai utoh-utoh di Kampong Sarai Arom tu yang mangurati dipa nih, tapi kada pati tugul. Handak mautik-utik haja, kabila diitihi kada sing waninya.

Sambil mamandiran tu kamandakannya ari gen batambah kadap. Jam gen mamarak pukul 6.30 patang. Hayam wan itek gen bulikan dah kakayangan paa......

Gb
PARMATA Hilang Di rumpun Sarai Part II
Fri Apr 5 14:56:19 2002
203.82.64.180

.Titt..tuutt..tiiitt..truut..truu.t....
Handphone di dalam bilik siIyah ba..ilun.!!Ilunnya kada pati ramik..ilah nang balagu-lagu wahini.Maklumlah...itu pang handpon yg.hanyar di tukar patang tadi.Tugan tuhuk mamilih..."Pamilihan jua sakalinya siIyah ni.."Gerutuk hati siItot.
SiItot dan siIyah..sambil dudukan di anjung..tangah maniring
carita hindustan.CD tugan hanyar jua mainjam awan si Udin anak si Ijap.Pasal si Udin hanyar bulik dari KL.
"Elehhhh..si Udin tu..makin sombong wahini"sambil muha yang marangut.Ilah marajuk awan si Udin.
"Jar..mu...sampai...bila-bila pun kau tatap mahadangi si Udin tu!"ujar siItot... walau sampai kucing batanduk.Bah...kaintulah batapa dalam banar cintanya...
..kalau handak di ukur..maupang kada mayuk tali tape.
SiItot dan siIyah....manaruskan pamandiran- pamandiran....
walaupun waktu tu..jam sudah parak pukul 10 mlm.
Didalam kasamaran malam yg.dingin-dingin....sakalinya...
siUdin tangah kusyuk mandangarkan pamandiran siIyah dan siItot.
Rupanya...siUdin yang manalipon dari bawah barumahan.
siUdin sambil duduk...di atas buah nyiur karing sambil manguis-nguis ilah hayam mangais pacirinan.
"Hello...hello...!!!jar siUdin.
"Ya..ya..Iyah..sini" jawab siIyah.
"Oh..ayang..balum guring lagi..." takuni siUdin.
"Ya ..Abang!...abang kat mana? batakun jua siIjah.
"Ayang.....kalau balum guring...mari la....abang tunggu ni..." mambawai siUdin akan siIyah.
"Kat mana....malam-malam kaini...ngina....ya,am di tangkap
orang..!!! perasaan takut mahantui siIyah.
...imbah tu.....

uk
PERMATA Hilang Di Rumpun Sarai Part II
Fri Apr 5 15:05:41 2002
203.106.164.115

Malam itu Iyah kada pati janak kada gureng. Ari kada hangat kada, nayamuk gen kada banyak tape Iyah magun kada gureng. Tanto ada hal nang dipikirakan nih. Kira-kira napanya hang ko lehh.

" Bastiah, ikam ni bila lagi handak kawin. Uma wan ayah hikam udah tuhaan . Handek kai marasa manimang cucu Iyah hai" surah kaya itu magun nai gagaliur dalam wadah pikiran Bastiah." Uma nireng si Udin anak Hj. Ijap tu kan bagus haje urangnya. Awak wagas, bagawi gen saing.Ca itihi barapa ikar tanah ditanamnya wan sarai. Bandang ada sakaping. Mun ikam hakon ha kaina ako mamadahkan ka umanya. Kade urang lain kade pang, ada ai tarait kulaan wan kita haa" ujar Angah Acil umanya Bastiah siang tadi.

Udin Sarai saja gancang bagawi. Ngaran bujurnya Samludin taga banyak batanam sarai, maka lakat taros ngaran jadi Udin Sarai. Cumanya Udin Sarai ni tagak uho saikit jurang napakah.Kakadang tu bajual sarai ka Cina Ping Ka Long, nanar rai di kantoi cina haa. Sa guni sarai dibayar Cina tangah dua ringgit. Hakonnai Udin haa. Asa banyak kai duitnya.Udin mimang ada hati handak babini wan Bastiah, tuhuk jua inya mangurati Bastiah, parak 2 tahun dah magun kadida respon.

Bastiah magun kada mau gureng. Tuhok inya bakijim, taga makin bakijim aur muha Udin Sarai ha nang mancangol sambil takuriheng dalam pikirannya.Kalawasannya Bastiah gen tagureng..........

Kada lawas imbah si Iyah guring tadangar bungi karakas2 di barumahan bubujur di bawah bilik Iyah....imbah tuh pulang tadangar bungi tawing bilik Iyah dikatuk urang. Takipik Iyah badadas duduk. "Hayu...bungi apa tu leh...hantu haja kah..", Iyah bilang takurisit mangisot ka pinjung bilik sambil bakalumbun lawan sapotnya nang babau harok tuh.

"Iyah...ooo yah..ikam nangar kah...",ujar suara di higa tawing. "Suara sapa tu leh..asa suah nangar..tagal kada madayi ah malam2 nih ada urang mahiyau..kaluko urang jadian.." ujar Iyah dlm. hati. Umai maginnya ai pucat muha Iyah...bilang kada baburinik lagi dah..ranai tarus. Bungi katukan di tawing tuh magin bakuat. "Yah..yah..ikam nangarkah..lakasi nah..buka lulungkang nih...",ujar suara tuh lagi. Magun jua Iyah kada maharong. Kada lawas imbah tuh tadangar bungi lulungkang diungkap urang. Lulungkang tuh pulang kada am tapi nahap banar. Jabuk hudah. Mangancing aci ikat lawan dawai haja. Mun diungkap ba'iya satumat jua tagahap.

Si Iyah kada mahadang lagi dah. "Kada magan nih..kana baidabul nih..mun inya hingkat babuat ka dlm. nih mau di rogolnya aku..maka muha ko nih saja paruna".
Si Iyah gin badadas tulak ka lamari buruknya cagar tuh handak maambil tabung hayamnya nang hibak lawan duit syiling tuh. Sambil bajingkit bajalan bagagamat takutan urang di barumahan tuh tadangar.

uk
PERMATA Hilang Di Rumpun Sarai Part IV
Fri Apr 5 20:55:15 2002
210.186.22.184

Iyah magunnai takutan sambil bajingkit bajalan ka lulungkang. Di tangannya gen magun jua mamagang tabong hayam macam ujar Ujik Jabis tuh. Kalinya mancangol kapala Udin Sarai ancap ha basurah " Iyah...ikam kah? hii hiii, ni ako Udin" ujar Udin.Limbah haja takipik Iyah tusaini tacatok kapala Udin " Adoi! Binjol kapala ko!.." Ujar Udin.

" han napa apus muha!! Wani bangat maindap urang malam-malam nih. Bakuciak sako!" ujar Iyah bawani." UUii jangan-jangan Iyah hai, kina pupuh urang ako, jangan, jangan" jar Udin inta ampun inta rila ka Iyah." Nangapang ka sini malam nih? takunan Iyah.

" Iyah , ikam handak ka kawin wan ako, mun....mun ikam hakon....kina ako...ako barie ikam BATU PARMATA. " HAAHH BATU PARMATA???" asa tajujul mata Iyah mandangar batu parmata. Maka ngintu pang yang Iyah handak bangat. BATU PARMATA!!" Mananya, di mana, bila, kayapa, mana" ancap haja Iyah batakon.

Bahh Udin Sarai takuriheng...jiheng jiheng.Hanyar wahini Iyah mau respon ka Udin.Kambang lubang hidung lehh.Jar Udin dalam hati basurah " Hi hi uho uho ako gen ada jua diang yang hakon he hee....." kaya ni Iyah hai mun ikam handak batu parmata ....ii iisok patang ikam tulak ka kabon sarai ko lah. Hi hii kaina ako mbarie ikam BATU PARMATA.

" Hieh hai Udin nai. Isok ako ka sana. Nah jen ancapi bulik, ari malam nih" Taros ditunjulnya Udin . Napang lagi tia tajungkang ngai si Udin, mandabok ka tanah.Taga Udin Sarai kada sarek kada, takuriheng lagi ada.........

Gb
PARMATA Hilang Di rumpun Sarai Part III
Fri Apr 5 15:08:34 2002
203.82.64.180

..Jam di tangan udin..
sudah tapat pukul 12.30...
siItot yang mahadangi di atas rumah sudah kalinguan.
Matanya gan takatup dan sasatumat tabukak.Tapi...
siIyah dan siUdin tangah ramik di bwah barumahan.Napanya..hangkuk di ulah...siItot kada tahuk.
Tiba-tiba...suara orang....mangajutkan siItot dari guringnya....
..Sakalinya......siIyah dan siUdin...handak dinikahakan olih
pak Imam malam tu..jua...
siItot....aku macam kada pacaya...dua tiga kali aku mamusut mata ku....apakah aku tangah barmimpi/maigau......!!
Kahwin jua...rupanya..siIyah awan siUdin......
esok pagi...kampung Sarai Arom....gigir sakampongan...barita siIyah awan siUdin ditangkap basah!!!!

uk
PARMATA Hilang Di Rumpun Sarai Part V
Fri Apr 5 22:47:38 2002
210.186.22.184

Lawas jua Udin Sarai mahadangi si Iyah, taga kada taliat lagi.Kada paolahan sambil mahadangi Iyah, udin gen malikit api ruko cop Dangill, sambil mahiut panjang...." FFuuuhhh..." jar Udin Sarai. Bajabol asap ruko Dangill kasukaan Udin.Kada sawat satangah jam hanyar bangsol Bastiah badua awan Itot.

"" Laaahh hai, kanapa lambat bangat nih. Kanapa pulang datang baduaan Yah. Asaan ko ikam datang nyurangan haja" nyasal Udin Sarai." Tanto wai ako datang awan Itot nih Din nai, ngan mo ako ni bungol ka datang surangan. Mun surangan di kabon sarai mo nih,kada ako dapat PARMATA kada pang!! Kao yang dapat PARMATA bujurlehhh??Hiyau Iyah dari jauh lagi.

Hannapa Udin, manggaru kapala sidin,ngannya inya pintar bannar sako hehehe...Udin..Udin..

Bastiah wan Itot bilang kada manyabar lagi handak manireng parmata nang disambatakan Udin malam tadi." Din..mananya PARMATA nang ujarmo tuh?? Ancapi pang kami handak maliat. Mao pang parmata ganal sako...behh sugih pang kita lehh" ujar Iyah.

Ujar Udin " kaya ini lah Iyah hai, Itot tai, sarai ko nih banyak nang udah babunga, ca tireng tuh. Ujar nang tuha, amon sarai udah sawat babunga, di bawah rumpunnya ada BATU PARMATA!! Taho leh ikam" Nih cangkol dua buting, mon handak batu parmata tu ancapi ginei ako manyungkil rumpun sarai tuh. Mon banyak ulihan cungkilan....tanto banyak kita bulihi BATU PARMATA lehhh....jar Udin Sarai.

Pacaya bannar babinian dua ikong tuh. Kada pati bapikir lagi taros dipa manyangkol rumpun sarai di kabon Udin. Limbah sarumpun...cungkil lagi sarumpun...cungkil lagi sarumpun...cungkil lagi...cungkil...lagi cungkil...cungkil lagi....cingkul..eh..cungkil....lagi......

uk
PARMATA Hilang Di Rumpun Sarai Part VI
Sat Apr 6 15:42:24 2002
203.106.164.143

Patang yang parak kadap tu manyaksikan baduan diang kalirot si Iyah wan Itot bagawi gancang manyungkil wan manyangkol rumpun sarai Udin Sarai nang uho tu. Udin takuriheng surangan, dalam hatinya basurah " hehe talah gawian ku. Satumat juak talah manyangkol rumpun sarai ku. Isok papagian sadangnya ai ku jual ka Cina Ping Ka long.Kada payah bangangaleh bauyuhan bagawi, han mun bisa mangantoi urang awaq gen nyaman". Hudah labih sapuloh guni baja cap dacing hibak wan batang sarai, tu gen tuhuk jua Udin manyumpal sampai panoh.Ni kali baduit pang sidin tukohnya.

Nang diang badua tu magun kakarubut manyungkil sarai, kada ta ulihi jua batu parmata tuh.Sarek bannar Iyah. " Cehh, kaya ini tuhuk kita Tot tai manggawei sarai Udin, kada tahaga BATU PARMATA!. Batu karikil sing banyakkan nah" Bulik haa! Ujar Iyah. Ari gen makin kadap, parak mamukol 7.00 hudah. " Mon kaya ini kita ni nanar rai di walohi Udin tuh. Sarainya makaam habis kita cangkol, inya sanang sanang mamilihi, cehh talah gawaian nya" nyasal bannar Iyah.

Babiya batis diang tu handak malangkah bulik haja, tusaini Itot tatireng batu bagirap wan mancarunong di higa batisnya. " Iyah!! Tu pang BATU PARMATA!! Ca liat batu tu bagirap....Putih Bagirappp!!Nah tahaga jua ai kita!!" Ujar Itot asa kada caya inya.Ancap haja dijumput Iyah " Hieehh...BATU PARMATA!! Ganal nya, kaya hintalo hayam!! Ummai...takajotnya ako!! Ako sugih...ako sugihh...Sugihh ako!! Punya la arai diang badua tu . Malacong lacong, baigal-igal kaaraian, sampai tapih masing-masing tabalurut ka tanah, gen dipa kada nahirani lagi dah.

Udin nang rahat mamilihi sarai tadi tadangar ilon diang gigir tahaga BATU PARMATA, ancap umpat manireng dari jauh. Tatireng haja diang tu luar biasa kaadaannya, bahh sigar mata Udin. Badadas Udin bukah handak mangapongi diang tuh.Ini can baik ujar Udin.

Diang badua tu pulang kabila tatireng Udin rahat mangapong dipa gen ancap bukah, sambil mamayir tapih nang tabalurut." Ayoo Iyah ancapi bukah, Udin manyasah kita tuu, inya handak marabuti PARMATA nih!!" Ujar Itot. Iyah gen bakuciak jua," Hieh ayoo kita bukahan, Udin tu kade handak BATU PARMATA ni kad Tot tai, inya handak ' PARMATA' nang lain banarrai"....ayoo cabbuuuttttt!!...

uk
PARMATA Hilang Di Rumpun Sarai Part VII
Sat Apr 6 16:08:59 2002
203.106.164.143

Dalam ari kadap nang parak malam tu, gigir diang kalirot bukahan di sasah Udin Sarai.Itot hudah bukah badahulo taros hilang kada taho jua ka mana tulaknya. Tatinggal lam si Iyah saurangan di sasah Udin. Talalo gupoh bangat bukah ia am batis nya taranjah tunggol jabok. Napang lagik...tia tajuramba ha Iyah, batu parmata gen habis tahumpating ntah ka mana, tapeh pulang rabit.....ummai bapala bannar

" Daboookk!! Taros Iyah taduduk. Ummai sakitnya lehh. " Adooi!! Sakitnya....ai...mana Batu PARMATA ku??!!!mana BATU PARMATA ko!!???Huaaaa!! Habis hilang " ujar iyah bahimat bakuciak.

" Bastiah OOOO Bastiah!!" napinya ikam bakuciak tuh?? Kada bangun haja ka lagiikk. Ari tinggi dah nih, ikam tu gureng gen malalor haja!!" tadangar ilon umanya mancangol di higa lawang." Nah ham ikam, ma igau lehh Bastiah. Mana ada PARMATA nya?? TAHI MATA ikam banyak kai batuyuk tuh.Jen mandi jen, tu dapor tu disimpuni, uma handak ka rumah angah hikam, batakon pasal ikam awan Udin tuh, jadi ka kada." ujar Angah Acil.

Taduduk Iyah di higa taweng jabok satumat.Manireng tangan...asa magun hanyar manjapai BATU PARMATA!!
" Cehh ma igau haja pang ako. Rugi nya ai, hilang BATU PARMATA tadi, mun caka kada taranjah tunggul hampalam tadi, mau pang kada hilang BATU PARMATA tuh.Mun kada di sasah Udin tanto ako dah mawa bulik BATU PARMATA tuh.

Pagi tu, imbah basisimpun, bastiah mandam di higa lawang dapor.Basurah lagi hatinya " hehehe mujur ako bamimpi....mun babujuran tadi mau pang hilang "PARMATA" ko di cuntan Udin"." Kada apa ah BATU PARMATA hilang di rumpun sarai, asal parmata ko kada hilang" ujar Iyah basurah saurangan sambil takuriheng...........

Mohon maap amon basa kurang bagus, atawa tasambat ngaran kulaan. Kisah ni cagar bagayaan haja, cagar bararamian. Amon handak bannar maulihi BATU PARMATA, bagawi ha gancang-gancang....kaya Udin Sarai, insyaAllah, kaina taulihi napa nang kita hajatkan.