 |
| MAFUNDISHO |
| BWANA YESU ANAKUJA: MAMBO YA MUHIMU SANA KUJISHUGHULISHA NAYO KWA SIKU HIZI |
|
| MUNGU ANAJALI MAOMBI Unajua, Machozi yanaleta tofauti kabisa katika hali ya aina fulani! Machozi yamezungumzwa mno katika maandiko, bali ni mara chache sana tunayaona mle tunapita juu juu! Ni mara tu wana wa Israeli walipougua na kulia kwa maumivu ndipo Mungu alipokuja na kuwasikia. Alisema Nimeyaona mateso ya watu wangu walioko Misri, nimekuona kuugua kwao, hivyo nimekuja kuwaokoa" (linganisha na Mdo 7:34). Neno kuugua linapotumika hapa ni muhimu sana. Linalingana na lile lililotumika kwa Roho Mtakatifu kuwa anapotusaidia udhaifu wetu anaugua (War. 8:28). Neno kusaidia lilipotumika katika Warumi 8:28 limetumika mara nyingine chache sana katika Agano Jipya. Sehemu nyingine ni pale Martha alipokuja kwa Yesu na kulalamika kuhusu Mariamu kuwa aende amsaidie! Alisema kama hivi: Mshurutishe anisaidie au Mshurutishe ajihusishe. Maana inayoletwa hapa ni kuwa umebeba mzigo mzito, na unapokaribia KARIBU SANA na kuuangusha ninakuja kukusaidia kabla HUJAVUNJIKA! Roho wa Mungu hutusaidia udhaifu wetu. Anakuja kunisaidia kwa KUUGUA. Neno hili limetumika tena katika Matendo 7 kwenye hotuba ya Stefano wakati alipoelezea kuugua kwa wana wa Israeli wakitamani mtu awaokoe toka utumwani toka matesoni toka vifungoni! Ni aina hii hii ya kuugua aliyokuwa nayo Hana mkewe Elikana, na Bwana akampatia mtoto Nabii Samweli (1Samweli 1:1-20) Ndipo kuugua ambako Isaya alimwona Hezekia akitokwa machozi na Mungu akasema kuwa AMEYAONA MACHOZI YAKE, naye atabadili mauti aliyokusudia kuwa uzima (2Waf. 20:5). Nehemia alikuwa akilia kwa machozi. Macho yake yaliyovimba, na uso ulio na simanzi na machozi vikaonekana kwa mfalme. Mungu aliyatumia machozi yake kuwa ukombozi wa watu wake na Ujenzi wa ukuta wa Yerusalemu. Mara kwa mara tunasoma kuwa Mungu hataidharau roho iliyonyenyekea na kupondeka. Zab. 6:8 tunasoma kuwa Bwana alisikia sauti ya kuugua kwa mtu wa Mungu. PANDA KWA MACHOZI Neno lasema kuwa lazima tupande kwa machozi. Panda Neno la Mungu kwa machozi. Mkumbuke Mtume Paulo. Anasema katika Mdo 20 kuwa alikuwa na Waefeso miaka mitatu usiku na Mchana, na aliwahubiria Neno kwa machozi. PAULO ALIHUBIRI KWA MACHOZI. Katika 2Wakor. 2:4 anasema kuwa ALIANDIKA WARAKA KWA MACHOZI kwenda Korintho. Anapomwandikia Timotheo anamwambia kuwa AMAYAKUMBUKA MACHOZI YAKE (2Tim.1:4) Tukajifunza kupanda kwa machozi katika vyumba vyetu vya maombi, tukatoka na mioyo iliyopondeka tutaona matunda ya ahadi za Mungu kwa yale tuliyoyanena kwa Imani! Haya ndiyo maandalizi ya kweli ya Mtumishi wa Mungu KUMPA MUNGU AKILI NA MOYO WAKO AUTUMIE. MTUMIKIE MUNGU KWA MACHOZI Paulo pia alitumika kwa Machozi. Mdo 20:19 Paulo anaelezewa kuwa ALITUMIKA KWA MACHOZI MENGI. Maana ya utumishi kwa machozi mengi labda tunaifahamu kidogo sana! Nadhani maana ya KUTUMIKA KWA MACHOZI ni kumtumikia Mungu kukubali kupata mateso pamoja naye! Unaonaje? Ukapata msiba mkubwa na mtu mmoja akakujia, akaketi na wewe na kuugua na wewe, je amefanya huduma yoyote kwako? Naona hivyo hivyo. Tunaamka kwenda kumtumikia Mnahudumu mbele yake, unaugua kwa yale anayougua, tunabeba mzigo ule anaoubeba, tunawapenda wale anaowapenda tunamtumikia Mungu kwa namna ya kuwa WATENDAKAZI PAMOJA NAYE huu ni UTUMISHI WA MACHOZI (linganisha 1Wakor. 3:9). Haiwezekani ukatumika hivyo na macho makavu! Hutalia tu kwa hali ile Mungu anayoililia pia, utaulilia udhaifu wa Kushindwa kwako pia! Unajua, tunatamani sana nguvu za Mungu bali hatutaki Maumivu yake! Wafilipi 3:10 tunajifunza kitu kinachoitwa USHIRIKA WA MATESO ambao Paulo aliutamani MATESO hapa ni wingi sio umoja! Paulo alijieleza kuwa alikuwa MWENYE HUZUNI lakini siku zote mwenye furaha. 2Wakor. 6:10. Huu ndio wito wetu. Hivi tumevitupa wapi hivi Ule uzuri wa kukaa kimya mbele za Mungu, kuuingia moyo wake na kujimwaga mbele za uwepo wake; na kumtumikia kwa Machozi? Kwenye HUDUMA YAKE tusisahau HUDUMA KWAKE! Jua Moyo wa Mungu. |