youn hi tumhe chahte hai
~*~*~*~*~*~*~*~*~*~*~*~*~*~*~*~*~*~

youn hi tumhe chahte hai kya wajeh hum batlaayenge
bas samjho itna tum dilbar,marr kar bhi laut ayenge,

aata nahi hume pyaar shayad, jo keh hi na paaye kabhi
ke apni in ankhon me hum, tasveer tumhari sajayenge

baste ho itne door humse,hum dekh bhi na paate hai
bas ankhain band karlo humdum, hum seene se lag jayenge

hath thaam chalna sikhlaya,girti ko kai baar uthaya
aaj kabhi chora daman to, hum ab ke sambhal na payenge

kitna kaha tha matt choro,hath pakar ke rook lo
bas kaha tumne itna, "na jaao" hum kaise reh payenge

adhi raat ko uth kar tera,chatt par ja ke taare ginna,
is baar hume bhi bula lena, hum chanda banke ayenge

kyon hai num yeh ankhain teri,bol kyon na paye kuch hont
na ho udaas sajan maire,hum ek din laut hi ayenge.

kabhi hua aisa zulam humpe,na mil paaye is janam me,
hume kasam hai pyaar tere ki,marr kar bhi laut ayenge!

                            ~*Ashi*~