Yeej tsis muaj leej twg yuav los paub txog tias 1030 yog dab tsi. Qhov tseeb nws yog ib lub sijhawm ntawm ib nkawm hluas nkauj hluas nraug uas nyob deb heev los sib tham xwb. Nkawv sib hlub thiab sib tham los tsis tau ntev tabsis mas zoo li txoj kev hlub no nws loj heev li lawm yeej tsis muaj leej twg yuav cheem tau li.
Kuj tsis paub hais tias yog txoj hmoo dab tsi thiaj li tau los sib nstib, sib tham, sib paub, sib nyiam, thiab sib hlub txawm txoj hauv kev yuav nyuaj npaum li cas rau nkawv los nkawv txoj kev hlub tsuas los tshaj qub xwb.
Txhuas txhuas hmo txog lub caij 1030 tus hluas nkauj yuav tsum yoo dab ntub tsuav tau hnov tus uas nws hlub thiab nco lub suab thiab pom nws lub ntsej muag luag xwb…hos txhuas txhuas hnub tus hluas nraug yuav tsum tau yoo su txawm li ntawv los yeej tseem tsis tau txaus nkawv siab thiab nkawv tseem yuav tau sib tham hauv xov tooj ua ntej yuav sawv los yog ua ntej yuav pw thiab. Txoj kev hlub no yeej tsis muaj leej twg muaj li yog tias nkaws tsis yog tus tsim nws tawm los.
Txawm yuav nyob deb thiab yuav tos ntev npaum li cas los thaum txog 1030 lawm nkawv ob lub siab yuav si hu thiab nhriav txoj hauv kev tuaj si cuag kom tau. Txawm tau sib ntsib tabsis tsis muaj lus tham los tsuav tau nyob ua ke ib pliag xwb ces yeej paub lawm hais tias nkawv ob lub siab xav li cas lawm.
1030 yog lub caij nkawv los ua si…tham txog nkawv lub neeg yav tas los thiab txog nkawv lub neeg ua ke mus yav tom ntej.... xav muab lub sijhawm thaum tau los ua ke nres cias kom tau nyob ua ke mus tas ib txhis.