Diary 
Diary 
| 今日係 2 月 14 日, 係 2003 年既 Valentine's Day 呀! Happy Valentine's Day! 我終於都做完今個禮拜要交既工課囉! 多得要命! 哈哈！ 好累！ 但呢個只不過係一個開始乍 以後仲有排我玩 呢個禮拜我有個 3-day weekend, 又可以回家喇 其實開學以有幾個禮拜之多 D Professors 有好笑 有好好 但係我覺得最好笑既就係 CE 130 個 Professor 佢好堅既 成日都露條 hard pink 既打底褲架 好"哽"架 同埋佢寫黑 板既時候 個黑板就快比佢鑿難喇 哎！ 好笑就係喇！ 其他方面都"還可以"啦！ 唔寫喇 我打中文好慢呀 手軟喇 下回再續！ |
| 今日係 23 號喇 不過而家係淩晨320 我邊有噤早訓丫 哈哈 今個禮拜返過屋企 但係一日 如果唔返番宿舍既話 我知我一定只會玩晒自己既時間 但係返番呢度唔一定話咩既 算啦 最近 有少小怪怪地 好難形容 噤唔講喇 好掛住恆恆,莫莫,嘉欣s, elsa 佢地 仲有其他係民記既其他朋友 好耐冇見佢地 唉 有時 可能越忙 就越想家同以前 例如 係民記既時候 成班柴娃娃噤 而家 己經越來越難噤成班朋友噤係埋一齊喇 係Sacramento 既 一係就 返工既返工 去第二度讀書既讀書 總言之 各有各忙 （呢D算埋怨）只不過 我真係好想/懷念 以前既日子 好似講到自己好老噤 喂! 我好掛住你地呀! 但係地球仍然要轉 日子仍然要過 我係唔係唔應該成日噤掛住以前呢 是但啦 不如我講下我既宿舍既環境比你地知丫 我住4樓 呢層既人非常熱鬧 有時我仲覺得佢地熱鬧得過分得滯 一日24小時 個洗手間個收音機可而由早開到晚 唉 好嘈 好大聲 （但大部分既好好人既）又好似 我兩個隔離房就成日都開住音樂 其實房同房之間既門係好薄架乍 佢地講野好大聲呀 但係我好好彩 我兩個roommates（我換過roommate 黎) 我都滿意 之前個就直情唔多返黎既 （包括佢唔返黎訓）我好似自己擁有成間房噤架 而家個就唔難相處囉 幾好丫 我間房有小小海境架 但西斜 但係唔知點解有時夜嘛嘛時分 總有幾個白痴係外面哎生晒 無聊 基本上係噤啦 |
| 今日係 25 號呀 唉 我有好多功貨都唔識做呀 點算呀 有冇人可以救我脫離苦海呀？ 而家基本上 我好"支力"呀 physically 同 mentally 都係 又再想家 想Sac 想香港 唉唉唉... 講真丫 噤自己揀得既就要接受 呀 唔係接受 係受 我好似好多怨言呀呵？ 但唔講又唔開心 仲有呀 今日雖然係星期二 但係 亞Y, 亞But 同 Joseph 經過 Berkeley 時 咪搵埋我去食飯囉 我今晚仲見到 Loretta呀 我見到佢地 我都好開心 最起碼我可以開心一陣間啦 有時 當我有很多壓力既時候 可以見見你地 接到你地電話 聽聽你地把聲 其實我而經會好過一點 一點點 一點點就足夠架喇 真架。。。。。 |
