GEBEDE D

GEBEDE D

GEBEDE 1

DANKGEBED

O God, ons dank U vir hierdie aarde, ons tuiste;

vir die wye hemelkoepel en die geseende son;

vir die sout van die see en vir lopende water;

vir die ewige heuwels en nimmerrustende winde;

vir bome en vir gewone gras onder ons voete.

Ons dank U vir ons sintuie

waardeur ons die lied van die voels kan hoor,

en die skoonheid van die somervelde kan sien;

die herfsvrugte kan proe;

ons kan verheug in die aanraking van sneeu

en die reuk van die lente kan beleef.

Gee aan ons harte wat wyd oop is vir al hierdie skoonheid.

Bewaar ons daarvan dat ons so blind sal wees

dat ons sal verbystap sonder om raak te sien

wanneer selfs die eenvoudige doringboom

vlammend van u heerlikheid getuig.

O God, ons aanbid U as ons Skepper

en U leef en regeer tot in alle ewigheid.

DANKGEBED VIR DIE LENTELEWE

Vir die voorreg en die gawe van lentelewe

in 'n wereld vol skoonheid, opwinding en verskeidenheid;

vir die vreugde van musiek en kinders,

van verryking deur ander mense se gedagtes;

vir boeke wat ek op reendae voor die kaggel kan lees;

vir die prag van die seisoene;

vir kerke wat eeue oud is

en konkrete gestalte gee aan ons drome;

vir die krag van die menslike intellek wat in die heelal

'n onuitputlike bron van kennis en belangstelling vind;

vir die glimlag op 'n moeder se gesig,

die aanraking van 'n vriend se hand,

die skaterlag van 'n kind,

die dankbare waai van 'n hond se stert

en die gevoel van sy nat neus teen jou wang;

vir al hierdie dinge - en so oneindig veel meer -

dank ek U, o God!

As jy dink jy het verloor, dan het jy;

as jy dink jy kan nie, dan kan jy nie;

as jy wens jy kan wen maar jy dink jy gaan verloor,

is dit feitlik 'n sekere saak dat jy sal.

As jy jouself sien as minderwaardig, dan is jy.

Om hoog te klim, moet jy hoog kan dink.

Jy moet selfvertroue he voordat jy kan presteer.

Sukses begin by 'n persoon se wil

en die krag van sy positiewe denke.

Die wedloop gaan nie altyd aan die vinnigste

en die sterkste nie.

Vroeer of later is die oorwinnaar

die mens wat se:"Ek kan!'

Wat agter ons le,

en wat om ons le,

is geringe sake in vergelyking met

wat binne - in ons le!

Die oggend is die poort tot die hele dag

en moet deur gebed bewaak word.

Dit is die een punt van die spandraad

waaraan die handelinge van die dag gebind word

en dit behoort stewig deur gebed vasgeknoop te word.

Hy wat die dag instorm sonder om te bid,

is net so dwaas soos 'n soldaat

wat sonder sy wapenrusting na die slagveld gaan. - George Muller Gebedsheld van Bristol

Moed is om onverskrokke te soek na die waarheid

en wanneer jy dit ontdek, dit na te volg

sonder bekommernis oor die gevolge.

Moed is om onder alle omstandighede

onkreukbaar eerlik en regverdig te wees.

Moed is die vermoe om,

wanneer omstandighede dit vereis,

beslis 'Nee!' te se.

Moed is om met jou probleme en moeilikhede

te worstel tot die oorwinning toe,

in plaas van om in selfbejammering

onder hulle te beswyk.

Moed is om 'n eerlike tugmeester oor jouself te wees

en selfdissipline uit te oefen oor jou intellek,

liggaam en gees.

Moed is om nooit agter jou tekortkominge

of gebreke te skuil,

of om hulle as 'n verskoning te gebruik

om jou naasbeste te lewer nie.

Moed is om jou christelike getuienis vreesloos te lewer,

of dit tot jou voordeel of nadeel is.

Robert Louis Stevenson het gese:

Moed is nie die afwesigheid van vrees nie,

moed is die oorwinning van vrees.

SOMER

Maak tyd om te groei...

dis die bron van innerlike krag.

Maak tyd om lief te he...

dis 'n Godgegewe voorreg

Maak tyd om te glimlag...

dis musiek vir die siel.

Maak tyd om te bid..

dis jou kragbron vir elke dag.

Maak tyd om te lees...

dis die oorsprong van wysheid.

Maak tyd om te werk...

dis 'n vereiste vir sukses.

Maak tyd om te speel...

dis die geheim van voortdurende jeug.

Maak tyd vir jou gesondheid..

dis kosbaarder as goud.

Maak tyd vir vriendskap...

dis jou pad na geluk.

Maak tyd vir Christus...

Hy is die weg, die waarheid en die lewe.

Elke dag elke uur, elke minuut moet jy om jouself stap en

jouself beskou en toesien dat jou beeld betaamlik is. Jy gaan

by 'n klein kindjie verby, vol wraakgedagtes, met lelike woorde,

met boosheid in jou hart. Jy het miskien nie die kind raakgesien

nie, maar hy het jou gesien en die beeld wat hy gesien het, onaantreklik

en onedel, kan dalk in sy weerlose gees bly voortleef.Jy weet dit

nie, maar jy het miskien 'n bose saadjie in hom gesaai en dit kan

groei- en dit net omdat jy nie versigtig was voor 'n kind nie omdat

jy nie in jouself 'n verantwoordelike, gulhartige gesindheid van

liefde gekweek het nie. Die liefde is 'n leermeester, maar 'n mens

moet weet hoe om dit te bekom want dit is moeilik om dit te bereik.

Dit word duur gekoop, dit word stadig verwerf deur langdurige

inspanning. Want ons moenie net somtyds liefhe nie, nie net vir 'n

vlietende oommblik nie, maar vir altyd! - Dostojeweski Die broers

Karamazov

Vergifnis is ons diepste nood

en ons heerlikste prestasie!

Om hierdie prestasie te verwesenlik

moet jy Jesus Christus ken, liefhe en gehoorsaam.

Jou vergifnis van ander

vloei noodwendig uit die vergifnis

wat jy van Hom ontvang.

Soos Hy jou vergewe het,

leer jy om hulle te vergewe

wat jou pyn en littekens veroorsaak het

Dit is 'n bevrydende ontdekking

van die Heilige Gees

se helende liefde en genade

wat in ons gees en denke gebore word

Hy wat weier om ander te vergewe,

vernietig die brug

waaroor hy self moet stap.