Akela Hi Chala Tha Main..

Akela hi chala tha main,
kisi manjil ki khoj mein,
andhere raston k thokron se anbhigya(not-knowing),
akela hi chala tha main,
rahon mein kai chottein khayi,
aalam (situation) yeh hai ki,
raston se to abhibhoot (familiar) ho gaye lekin,
manjil ka path bhatak gaye.

pehle manjil dur ja rahi thi, main bhag raha tha,
aaj bhi main bhag raha hoon, lekin manjil paas aa rahi hai,
shayad manjil mujhe mil gayi hai, phir bhi sangharsh jaari hai,
shayad manjil badal gayi hai, shayad rastein badal gaye hain.

akela hi chala tha main,
logon ne kaha daayein jao,
auron ne kaha baayein jao,
kisi ne yeh nahi kaha ki main tumhare saath chalta hoon,
kyon kahenge woh aisa, kya unki aur meri manjil ek hai,
shayad mera sangharsh unhi ke liye hai.

din raat bhag raha tha main jis manjil ke liye,
aadhi rah main pata chala ki woh manjil to kisi aur ki hai,
logon ne kaha wapas laut jao,
maine kaha aage tak jaoonga,
yeh nahi to koi aur manjil paoonga,
akela rah gaya main.

itna kuch kam tha ki kudrat ne raston main shool(thorns) bicha diye,
par manjil ko paane ke liye maine bhi sare kasht bhula diye,
chalta gaya main, chalta gaya main,
nirantar chalta gaya main,
andhere raston ki thokron se anbhigya
manjil ki khoj main, aaj bhi chal raha hoon main,
akela...

-- VICKY