Nayee Zindagi

mausam mein nayee rangat aayee
jeevan mein nayee khushiyaan layee
kuchh naye sapne sajakar
kuchh nayee aashayein paayee.
haan phir kuchh naya kar ,nayee zindagi maine basayee.

ek naya mod jab aaya paas
jab tamanna se bhari thi har ek saans
tab nayee duniya maine sajayee
taare aasman se main tod layee.
haan phir kuchh naya kar, nayee zindagi maine basayee.

masumiyat aur pyaar se
har jeet se har haar se
geeta ke bas ek saar se
ganga jamuna ke paar se,
jyoti ujala dhoond layee
chehre pe phir woh rounak aayee.
haan phir kuchh naya kar ,nayee zindagi maine basayee.

aise naye ujale mein
vidya ke har ek pyale mein
wahee murat maine payee
aastha ki kiran saamne aayee.
haan phir kuchh naya kar, nayee zindagi maine basayee.

-- NIKKI