Paas Aakar

Paas aakar,
Tum door chale gaye,
Jeevan ko mehkaa kar,
Tum door chale gaye,
Andekhe khwab jagakar,
Tum door chale gaye,
Kyun aaye tum meri zindagi mein?
Jab jaana hi tha,
Kyun hansaya mujhe,
Jab rulana hi tha.
Jeeti to tab bhi thi,
Jab tera saath na tha,
Par tere hone ke ehsaas ne hi,
Mujhe jeene ka maksad diya,
Laga jaise jeevan mein bahar aayi,
Chanchal vichaar lene lage angdaai,
Aur ab jab tum chale gaye ho;
Dil ki galiyaan veeran si ho chali hain,
Phir bhi dil mein ek hook si uthti hai,
Har aahat tere aane ki dastak si lagti hai,
Lagta hai tum bas abhi aa jaaoge,
Phir mujhe baanhon mein bhar,
Haule se mukuraaoge...

-- SAUMYA