Chahat Ke Diye

Kabhi socha na tha ki,
iss tarah jal jayenge yeh chahat ke diye,
hamare prem ki thodi si hawa milte hi,
jal uthe ye chahat ke diye,
itne shukshama hote hue bhi,
hamein jalate yehi chahat ke diye,
na chahte hue intejaar karate yeh chahat ke diye,
baar baar kisi ke aane ka ehsaas dilate yeh chahat ke diye,
har baar kisi se pyaar karate yeh chahat ke diye,
phir ek nayi chingari jalate yeh chahat ke diye,
us chingari se naye diye jalate yeh chahat ke diye.

Kaise jal jaate hain ye chahat ke diye,
kuchch samajh nahi aata hai,
jab kabhi milkar ek hote hain,
do barf ke chchote tukde,
tab jal uthte hain ye chahat ke diye,
ya kabhi milte hai aakash mein do sitaare,
tab jal uthte hain ye chahat ke diye,
shayad inki fitrat hi hai nadan hona,
tabhi to har chchoti chchoti baat par,
jal uthte hain ye chahat ke diye.

koi na chahkar bhi paas aata hai,
tab jalte hain yeh chahat ke diye,
na chahne par bhi hamse koi door chala jaata hai,
tab jalte hain yeh chahat ke diye,
khud jalkar bhi doosron ke mann ki aag shant karte,
yeh chahat ke diye,
kabhi kabhi shahar roopi dil prakashit karte,
yehi chahat ke diye,
vyakti vishesh ko dekhkar badalte hain,
yeh chahat ke diye,
jalakar phir woh aag bujhate yeh chahat ke diye,
yehi chahat ke diye kabhi premiyon ko milate,
yehi chahat ke diye kabhi unke ghar jalate,
yehi chahat ke diye unhe kuch naya karwate,
yehi chahat ke diye unhe saja bhi dilate.

koi door ho to use paas bulate,
dukh mein sukh ka ehsaas dilate,
dhoop mein chanv ka aabhas karate,
kathin margon ko saral banate,
kya kya karte,
sirf yehi chahat ke diye,
logon mein phir nayi chahat jagate,
yehi chahat ke diye.

-- Saumya-Vicky