Kuch To Hum Bhi Hain...

aap sagar to kya, kuch boond hum bhi hain,
aap bhasha to kya, kuch shabd hum bhi hain,
aap kitab to kya, kuch panne hum bhi hain,
aap zindagi to kya, kuch pal hum bhi hain,
kuch to hum bhi hain.

hamein bahut nahi to kuch mahatva hi dijiye,
kuch saal nahi to kuch kshan hi dijiye,
aap khud nahi to aapki kuch yaadein hi dijiye,
hamein pura sansar nahi, bas dil mein kuch jagah dijiye.

hamein aur kuch nahi sirf aapka pyar chahiye,
aap nahi aapki ek muskurahat chahiye,
aap hamein man se kabhi yaad karlein yeh bhi bahut hai,
aap pura sharir to kya, kuch anga hum bhi hain,
kuch to hum bhi hain.

aap chahein to bitaye puri zindagi kisi ke saath,
hamein to sirf apni us zindagi ka ek amulya pal de dijiye,
umar bhar nahi to kuch kshan saath rehne ka vaada hi kijiye,
milo na milo par kabhi milane ka vachan hi dijiye,
kuch bhi kijiye par ek baat yaad rakhna,
kuch to hum bhi hain.

-- VICKY