Kuch Kaho Na...

Kuch pal saath chale to jaana,
rastaa hai jaana pehchana,
sanson ko sur de jata hai,
tera yon sapano mein aanaa,
maine jatan kiye to lakhon,
mann ne meet tumhi ko maana,
ab to haath tham lene do,
aur kaho na, na na, na na!

Sau janam ka sath apna,
sans ka dhadkan se jaise,
aas ka jeevan se jaise,
kaise kate saal solah,
shyam ki jogan ke jaise,
jhooth ke parde na dhoondho,
sach kaho na,
kuch kaho na...

Ek dooje ke liye hum,
haath mein kangan ke jaise,
Pyaas mein sawan ke jaise,
roop ko darpan ke jaise,
bhakta ko bhagwan ke jaise,
jheel si simtee na baitho,
kuch baho na,
kuch kaho na...

Janta hoon thank gayee ho,
umr ke lambe safar se,
saanp se dasate shehar se,
aas se aur aansuon se,
bheed ke gehre bhanwar se,
waqt firata hai suno,
itna daro na,
kuch kaho na...

Kis tarah ladatee rahi ho,
pyaas se parchaiyon se,
neend se angadaiyon se,
maut se aur zindagi se,
teej se tanhaiyon se,
sab tapasya tod dalo,
ab saho na,
kuch kaho na...
kuch kaho na...

Syaah sannaton mein hamari,
umr katee hai tanhaa,
tang aur andhi surangen,
is gufaa se us gufaa,
sans thi sahami hui si,
dhadkanon ko ek dar,
itna tanhaa aur lamba,
zindagi ka uff safar,
door milon door jalati,
lau koi lagati ho tum,
tum ho tum ho, tum hi tum ho,
ho na tum, tum, ho na tum,
pal se pal tak jee rahein hain,
tum hi pal pal aas ho na,
ek pal aur thaharo,
ek pal dikhati raho na,
kuch kaho na...
kuch kaho na...
 

-- UNKNOWN