Kya Hai Pyaar...

Kuch kehte hain ek sundar anubhav hai pyaar,
kuch kehte hain dil se dil judna hai pyaar,
kuch kehte hain sirf ek barbadi hai pyaar,
to kuch kehte hain jeene ki aazadi hai pyaar,
shayad sabke liye alag alag hai pyaar,
issi tarah mera bhi ek alag pyaar hai,
kuch vastuon ke chale jaane ke baad ka,
reh gaya ehsaas matra hai pyaar,
gamgeen hone ka saral upay hai pyaar,
anjaane mein judne wala koi rishta hai pyaar.

pyaar mein khushgavar har subah,
haseen har shaam lagti hai,
kuch bhi na hone par,
sab kuch hone ka ehsaas hai pyaar,
kisi ke jaane ke baad ka intezaar hai pyaar,
kisi ke aane ka intezaar bhi hai pyaar,
sab kuch ganvakar bhi khush hona pyaar hai,
jo log dosti ka arth nahi samajhte,
unke liye dosti bhi ek pyaar hai,
kuch badanaseeb umar bhar rote hain kisi ki yaad mein,
unke liye shayad dil tootna hai ek pyaar hai.

apni apni alag pribhasha hai pyaar,
rishton mein chhupi ek uljhan matra hai pyaar,
sarv-vyapi sanatan amulya bhav hai pyar,
sadiyon se jise na koi samjha, na koi jaana,
wahi chhalava hai yeh pyaar...
 

-- VICKY