Main Wapas Aaoonga...(Must read)

Ab yaad na karna mujhe, ki thoda waqt aur bach jayega,
siway yaadon ke jungle ke, na kuch ab aankhon mein aayega,
ab to tumne pehchana nahi,
shayad chale jane ke bad samajh jao tum,
jindagi mein dosti ki bhi ahmiyat hoti hai,
shayad ab samajh pao tum.

ab main nahi, meri woh baatein yaad aayegi,
rah-rah kar tumko tadpayengi,
peeche mudkar jab mujhe dekhoge tum,
main nahi sirf meri tasweer nazar aayegi.

yaadon ke jhurmut mein jab tatologe apne dil ko,
to ahsaas hoga, ab na naye din na nayee rat hogi,
hogi to sirf wahi purani kahani.

jaane ka gam to mujhe bhi hoga, lekin thoda kam hoga,
kyonki tum mere saath nahi to kya,
tumhari yaadein wahi purani baatein hamesha mere saath hai,
tumhare zindagi mein aana hi nahi, jaana bhi kuch khaas hai,
kyonki iske peeche bhi ek raaj hai.

phir yaad tumhe meri aayegi aur,
tum kahoge phir se laut aao mere jeevan mein,
ki ehsaas ho gaya hai mujhe,
kitni tanha aur berang hai zindagi ek dost ke bina,
tum sochoge shayad main ab nahi aaoonga lekin,
dur se meri aawaz sunoge tum
"Main to ab bhi tumhara dost hoon,
kuch sikhane ke liye gaya tha tumse dur lekin,
Main wapas aaoonga,
Main wapas aaoonga...."

-- VICKY

My friend replied my this poem also, take a look, its very nice...

Tumne to kaha tha ki main vapas aaoonga.
to phir jaldi se aao na
Phir se is jeevan ko ,parimal sa mehkao na
Aasani se keh diya ab yaad na karma mujhe
Kaise nikale dil se, ye teer zeher bujhe?
Kaise socha ki tumhare bina main jee loongi??
manaoongi akele jashn,akele gam saare pee loongi???

Abhi khadi hoon chhat par akeli.
Akeli kahan, tumhari kuch yaadein hain saheli
Yaad aata hai mujhe
Vo roothna- manana,tumhara satana
tumhara kheejhna ,aur mera khilkhilana
Vo baarish ke mausam mein dil ka machalna.
Nazuk pagdandiyon par, tumhara fisalna
Nazrein milana,palkein jhukana
mera sharmana, tumhara ithlana

Ab aur tadpao na mujhe ..ki zindagi tumbin sachmuch adhoori hai
Ab jeene ke liye dava nahi ,tera saath zaroori hai
Koi apana jab paas aakar itne door chala jaata hai
Us se bichchadne ka gam, har pal rulata hai
Sochtee hoon kaash! vo din firse laut aate
Ham phir teri baton par hanste muskurate

Roz roz nikalata hai ye chand, baarish hai hoti
Par ab ye jal -binduyein mujhe kahan hain bhigoti?
Apne antas ko bas rakha hai tumhari yadon se sanvar
uthta hai dil mein mere aaj bhavnaon ka jvar
Ab is ur(heart) mein mitrata trinmatra bhi nahi
Bhar liya hai maine ismein prem apar!!!!!
Bas ek baar lautke aa jaao
Doongi apna sarvasva tumpar vaar

Kyunki ab jaan liya hai maine
Tum hi ho mere priyavar
tum hi ho saara shringaar...

-- SAUMYA